جبروت انثى (مكتملة)

البارت العاشر

اريد هاي الكلادة بشكد
صاحب المحل: ب25 الف، ، الحلوة مرتبطة.
ناريمان: ( باوعتلة صفح ) عندي 4 جهال الله يخليهم هم وابوهم الي
صاحب المحل : لا مستحيل كل هلجمال يكون مخلف 4 اطفال
ناريمان:  ( بعدني اريد احجي جان اشوف عماد اللي جان واكف برة المحل دخل) 
عماد:  كملتو لو بعدكم
نيران:  اي كملنة بس نحاسب الولد ونجي
عماد:  وخروا اني احاسب، ، شكد حسابيهن
صاحب المحل:  خليها علية
عماد:  لا تسلم كولي شكد حسابهن
صاحب المحل:  ب200 بس لخاطر هاي الحلوة اللي مامعبرتنة  150 الف
عماد : (صعد الدم لراسة وركعة بوكس بنص وجهة )  لك سا،، تتغزل ببنت عمي كبالي ولك الة ادفنك بكاعك (رجع يريد يضربة بس دخل محمد لزمة
محمد : عوفة وياك بنات كافي
ناريمان (شمرت 200 الف فوكاه بحيث صار الدم اللي نازل من خشمة عليهن وطلعنا ونيران ترجف) 
رانيا:  عماد شسويت ليش هيج ضربتة
عماد:  يتغزل ببنت عمي كبالي وترديني اسكت
دانيا:  مو تسكت بس مو تضربة
محمد:  كافي الولد اكل حقة وهسه امشن بسرعة الشباب تباوع ليروح عماد ينام على واحد ثاني
ناريمان ( المنطقة شيوخ وعرب وناس عايشة بشكل غير عيشتنه يعني البنيه تطلع من البيت لابسة وكاشخة بس لازم تكون لابسة عباية راس مغطية كشختها ويتحجبن من هنه واعمارهن بالابتدائية ومتعودين العطر ممنوع المكياج ممنوع الحصر ممنوع الشعر ممنوع حجاب لازم عباية لازم لبس عريض لازم،  واني وخواتي  مسويات شكو ممنوع ،

المهم رجعنا للبيت وعماد  بعدة يفور وكل شوية يضرب ستيرن السيارة بايدة ضليت ساكتتلة لحد ما وصلنا نزلت وماحجيت وياه دخلنا شفنا البنات محضرات كلشي ومزينات البيت والولد محضرين المضيف وجابو مي وعصاير وببسي وكيك.
ناريمان:  عبود يا عبود
عبود:  ماصحتيني الة لمصلحة كولي شعندج
ناريمان:  اي طبعا مصلحة،  اريدك تروح تجيبلي ذني الغراض اللي بالورقة ( جنت مسجلتلة انواع جكليت وشموع وصينية عرس  وحنة وبخاخات درزنين للجهال وعلب او جياسة للجكليت) 
عبود:  ماشي رايح اجيب كلشي بس كولي لرانيا اني طلعت
ناريمان:  اي حاضر روح ( راحو الولد للحلاق ويشترون ملابس وبعدها نمنة كعدت ثاني يوم كعدت الجهال وبدلتلهم الولد لبستهم القوط اللي جبتهن من تركيا ومشطتلهم وححطيتلهم جل لشعرهم وعطرتهم والبنات لبستهن الفساتين وسويتلهم شعرهم تسريحة وعطرتهم وطلعت لغرفة رقية شفت دانيا ورانيا ونيران ينتضرن ام الصالوان اللي تاخرت حيل كلتلهن عوفنها واني اطلعجن كلجن عرايس ورحت لغرفة نورق شفت بيها شسوار اخذتة وشسورت لنيران وسويتلها شعرها كيرلي صار يخبل لان هو اسود طويل يوصل لحد خصرها وبي ميش وردي 3 خصل،  برزت الخصل الوردية وحطيت صبغ مؤقت وردي على نهاية شعرها ونزلتهلها خصلتين ع وجها ورفعتلها بف بماشات وحطيتلها تاج ناعم فضي وبي شذر سمائي  على لون فستانها
واني لبست هذا الفسان