جبروت انثى (مكتملة)

البارت الاول

ناريمان .. صباح الخير نبع الحنان
ايناس(ام ناريمان) .. صباح النور يلا تعاي تريكي
ناريمان .. مالحك عندي دوام بالمركز ..
ايناس: الله يوفقج كلبي
ناريمان .. امين حياتي يلا باي
(بست راس امي وطلعت ركبت سيارتي وورحت للمركز اول مدخلت ضربولي تحية الجنود دخلت لمكتبي بلشت بشغلي واراجع ملفات التحقيق .. جان عندي قضية قتل صعبة حيل لان المقتولة بنت وزير سابق طبعا يشتغل على تلقضية اكثر من 30ظابط تحقيق المهم جان طرف الخيط بيدي وكدرت اوصل للفاعل وحققت وياه بنفسي وبعدها باسبوع تحول محكمة ونحكم مؤبد ....)
كاعدة بمكتبي ندكت الباب اجاني جندي كال وافقوا ع نقلج للعراق فرحت حيل بهذا الخبر ورجعت للبيت بشرت امي خطية زعلت لان بس اني اللي راح ارجع للعراق بسبب دوام ودراسة اخواني المهم عزمتهم ع العشة بافخم مطعم ولبست هذا الفستان

تعشينا وافترينا وطول الوقت امي تبجي وتكول ابقي وفراكج صعب خطيه حضنتها وبستها وطمنتها وكلتلها يمة اني اريد ربني مستقبلي ورجعتي للعراق شي من صالحي وصالحكم وطمنتها علية وبعدها باسبوع جان موعد سفري للعراق حضرت الجنط اني وامي والبنات بين الفرحانة انو راح احقق حلمي وبين الزعلانة ع فراكهم طبعا وصيتهم مينطون خبر لاي احد انو رجعت للعراق  ... ودعوني بالمطار و ركبت طيارتي وصلت بغداد نزلت بفندق اول يومين جنت بس اريد ارتاح من الطيارة وتعبها وثالث يوم رحت اجرت شقة مؤثثة بحي الجامعة وبعدها باسبوع طلعت استلمت وضيفتي ك ضابطة تحقيق وجان باجر لازم اباشر بشغلي ..

كعدت الصبح تريكت ولبست الزي العسكري ورحت استلمت سلاحي وشغلي ومكتي وتعرفت ع باقي الضباط بس شفت ماكو ذاك الاحترام لان جان نادر تكون بنية ضابطة وجانو عبالهم هيج حكظيها وياهم سوالف بس طبعا من شفت هيج الوضع بينتلهم عكس الجانو متخيلي جنت حيل حادة الطبع وياهم وحتى ابتسامة ما ابتسمت طبعا اكو خافو مني واكو كرهوني من اول يوم بس يستاهلون حتى ميستصغرون احد بعد ... استلم تشغلي ومشة اول شهر بضغط قوي بالشغل وجنت اكثر الوقت مارجع للبيت لان القضايا الاستلمتها كلها صارلها سنين وصعبة عدت التحقيق بيهن من البداية واغلبهن جان رايح ضحيتها مساجين مالهم ذنب وصارلهم سنة وسنتين مسجونين رهن التحقيق لا متحاكمين ولا متحقق وياهم وهذا الشي خلة الضباط يخافون مني وصارت ناريمان مصدر رعب للضباط وللناس
مر اكثر من 4شهور ع رجعتي للعراق جنت يومية اخابر اهلي واطمن عليهم وبيوم جنت اخابر بامي بغرفتي وسمعت حركة بداخل الشقة وحسيت الصوت جاي من المطبخ سديت الخط من امي بدون ما اكوللها شي واخذت مسدسي خليتة بضهري  لحد ما تقربت الحركة من باب الغرفة نفتح الباب ودخل واحد ملثم وبيدة مسدس سويت روحي خايفة
ناريمان : منو انت وشتريد ببيتي
الولد: اشش بلا صوت ترا افرغ المسدس براسج
ناريمان : ماشي بس شتريد ☹😥
الولد: سلاحج وين بسرعة احجي
ناريمان : بجنطتي السودة بالكنتور ذاك (اشرتلة ع كنتور بضهرة)
الولد (اندار للكنتور فتحة طلع الجنطة السودة واجة يمي حط المسدس براسي ) بدون متسوين اي صوت وبهدوء نطلع من البيت
ناريمان : حاضر ( تحركت ع كيفي باتجاه الباب هو ضل يمشي وراي وصلني لباب الشقة قبل ليفتح الباب انتبهت من الشباك البصف الباب اكو سيارة تنتضرة واذا نطلع من الشقة يصير خطر ع حياتي باوعتلة جان مرتبك يعني سهل اسيطر علية قبل ليفتح الباب اخذ المسدس اللي هو لازمة لويت ايدة وحطيتها ورة ضهرة ) مرة ثانية من تجي تخطفني خليك قوي والزم سلاحك زين .( ربطتة وبلغت المركز لبين ميجون بدلت ومن اجو طوقو المنطقة وانطيتهم امر يتحركون باتجاه البيت السيارة اللي جانت تنتضر كامو يرمون طلقات بالهوة بس بالاخير سيطرنة عليهم بدون اي اضرار واخذناهم للمركز .. جنت اني الاحقق ويه الولد اللي دخل للبيت وخطية بضربتين اعترف ..جنت اني المحققة بقضية اخوه ونسجن بسببي .. اخوه جان بعصابه خطف اطفال وعليه قضية قتل مرة عجوز ووحدة من البنات الخطفها ميتة ع ايدة وجان هو قائدهم والولد البيدي جان واحد من العصابة بس شرد الوحيد الماكدرنة نلزمة)
المهم رجعت للبيت بس ماكملت تحقيق دكيت ع امي بس مابلغتها ونمت وثاني يوم كملت شغلي طبيعي وبعدها تحولو محكمة ونحكموا
تسريع الاحداث
عندي اجازة ومشتاقة لماما خابرتها وحجينا واتفقت وياها باجر ازوج بيت جدي(اهل امي) وخوالي وخالاتي
ثاني يوم كعدت الصبح بدلت لبست فانيلة بيضة وفوكاها قميص مفتوح اسود وبنطرون كابوي ابيض وحذاء كعب اسود عالي واخذت شال بجنطي اسود وحطيت مكياج خفيف وردي واجرت تكسي وتوجهت لمنطقة بيت جدي وصلتهم تقريبا ساعة 9الصبح ورحت لبيت جدي بالبداية دكيت الباب طلعلي خالي الصغير محمود بس ماعرفني
ناريمان : السلام عليكم
خالي محمود : وعليكم السلام
ناريمان : شنو معرفتني
محمود : ولا زغرا بيج بس معرفتج
ناريمان : اني ناريمان بنت اختك
محمود( فتح حلكو وعيونة ع وسعهن وبعدين حضني ) شلونج خالو شخباركم اهلج شلونهم وينكم ليش نقطعت اخباركم عنة شتاقينالكم والله كوليلي هسه اهلج وين اجوي يمج لو بعدهم بتركيا زين جنطتج وين ومن شوكت انتي هنا بالعراق
ناريمان : ع كيفك خالو وحدة وحدة وبعدين شنو اسولفلك من الباب
محمود : اسف والله من فرحتي بيج نسيت اكولج تفضلي
ناريمان : فدوة لكلبك خالو ..كولي وين بيبي وجدو
محمود : كاعدين جوة بالاستقبال بس شوفي راح افوتج ولتكوليلهم انتي بنت ايناس خلي اختبر ذاكرتهم
ناريمان :اوك😂 ..دخت فتح باب الاستقبال وكلي تفضلي شفتهم كاعدين بالكاع يشربون جاي ..
محمود: (قدمني كبالة ) هذا ابوية (اشر ع جدو ) وهاي امي (اشر ع بيبي )
ناريمان : سلام عليكم
جدو . بيبي : وعليكم السلام هلا بنتي
محمود : شنو السالفة معرفتوها
جدو : لا والله
بيبي: منو محمود
محمود : ماكول هي خلي احجي
بيبي : منو انتي حبيبتي
ناريمان : بنت بتكم
بيبي جدو (بتفاجئ ) بت بتنه!!
ناريمان : اني ناريمان بنت ايناس بنتكم
(كامو راسا يحضنوني ويبجون ضلو ع هلحال عشر دقايق بس بجي )
ناريمان : لو اعرف هلكد راح تبجون مجان اجيتكم 😢
جدو : لايجدو هاي دموع الفرح بجيتج
ناريمان : حبيبي جدو حتى دموع فرح ماريد خلص عوفو الدمع وكولولي شلونكم
بيبي: الحمدلله بخير من الله وهسه صرنا احسن من شفناج
ناريمان : يروحي انتو (حضنت بيبي )
جدو : شوفي من فرحتي نسيت اسئلج امج وابوج شلونهم وليش نكطعت اخباركم عنة ووين همة واخوانج شلونهم
ناريمان : الحمدلله بخير احنة بس بابا انطاكم عمرة بعد سنتين من سفرنا لتركيا بيوم وفاتة بلغنة عمي سعد بوفاتة عود بالقليل كلنة يجي ياخذ جثته يدفنه بين اهلة وناسة بس بيوما عمي كال مالي دخل بيكم والعائلتين تبرت منكم ولتتواصلون وياهم وادفنوا وين ماتردون طبعا كلامة خلة امي بساعة عصبية تكسر ارقامنة وراحت ارقامكم كلكم من عدنا ودفنة بابا بتركيا وضلت ماما تشتغل وتصرف علينا لحد ما بيوم اكو ولد عراقي شاف نيران وحبها وازوجها وسافروا للسويد استقرا هناك وبعدهم احنة هم سافرنة لامريكا وصار زوج نيران يدزلنا راتب شهري حتى امي متشتغل واحنة كملنة دراستنا نيران مهندسة واني ضابطة تحقيق باول فترة بامريكا وبعدين سويت نقل لبغداد واجرت شقة قريب الشغل مالتي واهلي بقو هناك لان رانيا سنة اولى طب وزيد ودانيا ثانوية
الجد : الله يرحم ابوج يبنيتي ..بنيتي عمج يجذب ماكو هيج حجي محد اتبرة منكم ولو ندري هيج حاجي جان ذبحناه وماخليناه يموت الة ع ادينة هلسكط هذا حرمنا منكم الله ليسامحة
محمود: ميجوز ع الميت الة الرحمة يابة
ناريمان : ليش شوكت مات 😳
محمود : انكلبت بي السيارة هو ومرتة وجهالة وماتو كلهم راسا
ناريمان : الله يرحمهم يارب
جدو : محمود كوم بوية قبل ليتاخر الوقت اذبح طليين وجيب سمج واعزم خوالك وخالاتك وولدهم
ناريمان اجة خالي الجبير سامي ومرتة وولدة الثنين وزوجة ابنة الجبير وابنها وخالي الثاني احمد ونسوانة الثنين وولدهم 3ولد و4بنات كلهم كبار وخالي الثالث محمد مرتة وبناتة 7كبار وابنة الجبير مزوج نسوان 2 وجهال ابنة 3زغار وخالي الرابع مهند ومرتة وجالهة 2ثانوية اعمارهم و وخالي محمود راح جاب مرتة وجهال 3زغار وخالتي اسراء شق التوم مال ماما وبناتها ال2 وولدها ال2 مزوجات بناتها واجني هنة ورجولتهن الجبيرة جان عدها طفلين والزغيرة عدها طفل وحامل بالثاني وخالتي الثانية اسماء اخر العنقود حامل وعدها بنتين وولد ابتدائية وبنية الجبيرة متوسط
ضليت احجيلهم قصتنا وكل شوي اعيدها وطبعا عددنا جان حيل جبير صار الغدة تقريبا ب3الضهر صبو بالطرمة جان الجو حلو و لان الصالة ضيقة علينا تغدينا وشبعنا دخلو الزلم بالصالة يلعبون ورق والنسوان توزعن يغسلن مواعين ويسولفن المهم جنت بيناتهم حيل فرحانة رجعت لاهلي وفرحانة بالاهتمام الصار الي ودعيت ربي ليحرمني من هاي الجمعة الحلوة المهم خلال الوقت هذا اني مخبوصه باتصالات من المقر يكولولي كطعي اجازتج محتاجيج المهم بالاخير جان لازم نسوي مداهمة لبيت عصابة خطف بالكاظمية واجة الامر اني وضباط ثنين وياي ولازم اكون موجودة لان ذولة الضباط بعدهم ☟تٌَحَـتْ☟ التدريب واني مدربة بامريكا فميستغنون عني بهيج واجبات  . جان مسدسي بجنطتي والزي مو مشكلة حتلو ابقى بملابسي )
ناريمان : ماشي 10دقايق اطلع من البيت .. لا مو ببيتي اني .... نص ساعة اكون يمكم... تمام باي
جدو : خير بنيتي
ناريمان (مديت ايدي ع جنطتي اخذت التلفون حطيتة بجيبي مال البطرون واخذت المسدس بيدي ) لازم اروح اداهم بيت
الجد : ديري بالج ع روحج يبنيتي
بيبي: طمنيني عنج
امبن(ابن خالي سامي الصغير ) تعاي اني اوصلج
ناريمان : تمام بنات وحدة تبدل حذائها بحذائي لان ماكدر اروح بالكعب
بدلت حذائي بحذاء بنت خالتي اسماء ولبستة وطلعنة ركبت السيارة وضليت ع تواصل وية الضباط لحد ماوصلنة للهدف نزلت بركن الشارع من السيارة مال امين انطيت امر للضباط نحاوط البيت وصرنة مجموعات اني بالامام ومن الجابين الضابط الثاني ، والضابط الثالث وجنودة من خلف البيت اخذت المكبر مال الصوت نبهتهم يسلمون روحهم بس ما مشو بالعيني واغاتي دخلنة لوبلشو تهديد انو أإأذأإأ خطينا خطوة جوة البيت يرمونا بس خوما اعوفهم تقدمنا ودخلنا البيت لزمناهم بس تصوبو ثنين جنود ، لكينا نسوان ثنين و5اطفال اعمارهم زغيرة ماخذيهم ومربطيهم بغرفة ، م̷ـن ضوجتي لزمت اللي اطلق نار منهم كلتلهم هذا حصتي خلو لحد يحقق وياه ، ربطناهم واخذوهم للمركز انداريت شفت امين ابن خالي واكف
هاي انت جنت وياي جوة !!
علي: اي شبيج متفاجئة
ناريمان : لان مانتبهت لوجودك ولو صاير عليك شي جان اني الاتحاسب ومنيلك هلسلاح!
امين: خايفة علية لو على روحج انتي
ناريمان : اثنينهن
امين : لتخافين اني هم ضابط حالي حالج وجنودج بوقت من الاوقات جانو جنودي
ناريمان (ركبت السيارة ) هاي صدك
امين : (شغل السيارة)اي والله بس الغريب انو صايرين اوادم
ناريمان : ليش شبيهم
امبن : جانو ميفتهمون وكلمن يصرف بكيفة وميحترمون وياما وياما جنت راح اخسر وضيفتي بسببهم لحد ماعفتهم وانقلت لغير مقر
ناريمان : اي لان جنت تتساهل وياهم اما اني ماعندي هذا خطية وهذا مسكين مشيتهم مثل الساعة
امين : عفية عليج .. ها نرجع
ناريمان : لا اخذني لشقتي اخذ الزي وانت ارجع لبيت جدو بلغة ماكدر ارجع لان لازم احقق وياهم
امين : تحقيقيش والعائلة كلها ملتمة علمودج خلص اخذي اجازة
ناريمان : لا يمعود اساسا الأمر مالتي ميتفاهم
امين : آمر سامر مو!
ناريمان :اي تعرفة
امين : ابو زوجة اخوية امير 😂عوفي اني هسه اخابرة .... (خابرة واخذ اجازة الي منة بدال ما يوم اسبوع 😂)
ناريمان : شكرا بس هم وديني للشقة اخذ كم قطعة ملابس حتى ابقى هلكم يوم يم بيت جدو والله مشتاقتلهم
امين : حاضر سيدي 😂
ناريمان : عزا لتكولي سيدي وبالذات كبال اهلك خاف يصدكون ويكومون يخافون مني 😂
امين : لا شسالفة متعودين لان اغلب الشباب الشفتيهم اليوم ضباط وجنود وياج
ناريمان : والله حلو عائلة نصها عسكرية 😂 ترا نخوف احنة😂
امين :😂😂😂😂 اي حيل نخوف
ناريمان .. وصلنة للشقة.  طلعت جنطة زغير للملابس اخذتلي كم قطعة بين ملابس طلعة وملابس بيت بس كلهم مرتبات واخذت شالين مال راس لان منطقة بيت جدو مترهم اضل سافرة بيها ناس شوية بابة عرب طبعا امين كل شوية ويلا وينج تاخرنة اخر شي عطت بي
ناريمان : شلون ضابط وماعندك صبر
امين : وانتي شلون ضابطة وتتاخرين ساعات تحضرين ملابسج
ناريمان : ترا مو واجب هذا حتى البس زي واحد كعدت انوع لان مجازة وبفضلك طبعا 😂
امين : 😂ديلا خبصوني اتصالات يردون يطمنون عليج (اخذت جنطتها وطلعتها برة باب الشقة)
ناريمان :يلا بس اقفل .. هاهيه مشينا .(حط الجنطة بالكشنات الورة وركبنا السيارة وتقريبا صار الطريق اقل من نص ساعة لان يسوق سريع وهو من النوع اللي ميعرف يسكت ضل يجرش حجي ويعرفني على ولد عمامة ولد عماتة والبنات يكول ماعرف بس اسمائهن مامختلط بيهن .. وصلنة ودخلت لبيت جدو بعدني بالطرمة ركضت بيبتي حضنتني )
بيبي : كلبي جان راح يوكف عليج ليش هيج تاخرتي
ناريمان : ليش هلخوف كلة شبيج بيبي هو شغلي هيج بعدين شممكن يصير يعني عادي ترا هو هيج شغلي
جدو : بس يبنتي هنا مو مثل امركيا هنا ماعدهم قوانين يرمون بدون ميفكرون انو ممكن ينقتل احد
ناريمان : واني اعرف الداسوي وبعدين امين شاف الوضع عندي عنود خير من الله ماتوقع يصير علية شي
امين : هو اني رجال وكليومية يستلموني بهلموشح تردين يعوفوج براحتج وانتي بنية
ناريمان : واذا بنية شتفرق يعني!!
امين : مراح تفهمين قصدي لان ماعايشة هنا فعوفج من هلحجي ويلا خلي ندخل واسولفلكم شسوت سعادة الضابطة
ناريمان (دخل امين وبلش يسولف طبعا البنات كلهن مستغربات وفاتحات حلكهن واباوع الولد نص معاجبهم كلام امين عود لان بنية وتداهم وتقود جنود ونص طبيعي تعاملهم حلو بس بالناتج اكيد اكلت محاضرة ثانية وهلمرة كل الكاعدين شاركوا بيها وبدال ما سعادة امين يكحلها يعميها لان كل شوية يكوللهم تدخل تداهم قبل الجنود لو يكول رادت تصير الطلقة براسها بس الضابط الثاني حماها لو يكول دخلت وما تاكدت خاف البيت مفجر 😂)
ناريمان : امين بلا زيادات .. ترا يشاقة ماكو هيج حجي واني هم مامستغنية عن روحي حتى ادخل وماتاكد اذا البيت مفجر والجنود لان حضرتك شفت الاشتباك وترة شفتني شلون كدت باقل م̷ـــِْن ربع ساعة احاصرهم والزمهم  يعني اعرف شغلي مو مثل متكول امين افندي
امين : يعني هسه اني اجذب
ناريمان : تقريبا😂
خالي محمد : امين جوز من البنية وعوفها خطية تعبانة
سارة زوجة خالي مهند ....