فيما يخص بيتنا مرو الاسبوعين زي اليومين من التجهيزات للعقد وابوي وامي لخمه شديده
فيما يخصني انا واحمد بنتراسل واتس اكتر شي .. دايما مشغول في سفريات وراء بعض و اجتماعات داخل كندا وخارجها عندهم شركه هو وصاحبه شديد واحد لاتيني اسمه ماركو و بحاولو يثبتو وجودهم في السوق
ما حصل سالته شركتهم دي مجالها شنو
من خلال الونسه عرفتا انه بجيد كم لغه فرنسي وانجليزي ديل اساسي في كندا واسباني من خلال تعاملو مع صاحبه ماركو ده (شميييته وما ردته اصلو الولد ماركو ده ) ..
المهم حسيت انه الزول ده هادي شديييد وجادي ماف ضحك كتير وكلام كتييير الا مواضيع مهمه .. بس تخيلو .. وانجليزي معرب لانه الكي باد انجليزي 🤨 ما بحوله كل شويه 😏 غياااااز بس مشيتها ليه .
لمن بفتح الفيديو كول لاحظته مره لابس حلق 😒 وفي طرف صدرة كأنه عامل تاتو 🤔 قلت امكن لاصق ما جد غايتو مااا متحمسه طبعا مستغربه من الشي ده وخفته يكون النوع الصايع صليت استخاره لو فيه خير ربنا يتمه لي 😔 سبحان الله كل شي مشى بسلاسه و يسر وربنا سهل كل شي تم بسرعه
بعد جهزو كل شي اعتذر انه ما بقدر يحضر العرس 😭😭😭 مضطر شديد ماف ايي طريقه ورسل لي اوراقي وتذاكري
وده الحصل عرس كامل مكمل بي صالته تهز وترز وما ناقص شي غير وجود احمد 😓 (عذبتنا يوووخ)
تاني يوم كان سفري وكانت المشكله البس شنو للسفر 🤔 ياسمين اخته نبهتني انه احمد في مدينه بارده جدا في الوقت ده من السنه 😖 اعملي حسابك قلت خلاص البس بدله اسكيرت وجاكيت وشبط كعب وده الحصل
وعشان اصل كندا لفيت السبعه اراضين من الخرطوم للرياض السعوديه ومن الرياض لي هيثرو لندن وبتنا يوم كامل حتى تاني يوم من لندن لي فانكوفر كندا يعني حيلي انهد وانا بالكعب العالي (ثقافه سودانيه بحته السفر بكعب عالي ) طبعا عروس و كده
امي ما راضيه اصلا طبعا اني البس بدله عايزاني بتوب الجرتق كانت هههههههههه الله يديها العافيه امي ..
طبعا بعد ما نزلنا المطار فانكوفر البرد عايز يقتلني بدله شنو البتدفيني نحن كانه في الاسكيمو حالتي حاله كنت ارهاق ظاهر في وشي .. اقرب حمام مشيت عدلت مكياجي وشعري واتريحتا تمام ومشيت البت عادي يعني 😎 عملت اجراءات الدخول واستلمتا شنطي وطالعه اتلفت عشان القى احمد طبعا خواجات صرررر قلت احمد ده ما بروح بلقاه بلقاه لانه اخدر هههه
طلعتا ما لقيته لكن في واحد سوداني جاء سلم علي بعرفه كده وقال لي سيرين ؟
انا اتهجمتا طبعا قلت احمد ده البقاه كده شنو 😮 الا حس بي ضحك بابتسامه كده وقال لي انا قصي محمد الحسن .. من طرف مستر احمد وصاني استقبلك لانه هو خارج البلاد ..
انا طبعا استغربتا في العريس العروسه جايه وشغال لحد هسه ده ولا كمان برة البلد ..جايه لمنو انا 🤔🤔
المهم ضحكتا كده وحسسته انه عادي 😁
معاه واحد مسك مني عربية الشنط ومشيت وراهم لحد ما وصلنا لعربيه مارسيدس سوداء رهيييبه المعاه فتح الضهريه دخل الشنط وقصي فتح لي الباب الوراء وانتظرني لحد ما ركبتا وقفل الباب وهو ركب قدام مع السواق .. السواق كان اجنبي واتحركنا ..
