انا الزول ده كرهته كره العمى.. قلت ليه ليه ده كله انا عملت ليك شنو عشان تعاملني كده ؟
قال لي : اوهووووو عملتو اشياء واشياء روقي بس وبجي بفاجئك بالحاعمله انا ..
واسمعي من هنا لحد ما تنقلعي لاهلك اطلع مع منو يجيني منو ما شي بيخصك انا حر في حياتي ..
وطلع بره الغرفه وضرب الباب وهو طالع 😭 قعدت في الواطه واتفرشتا ابكي قدر ما الله اداني قلبي موجوع وصدري ضايق ابكي واسكت وارجع تاني ابكي اتذكر اهلي البعيدين و بلد ما بقدر اعمل فيعا شي لاني حرفيا ما بعرف فيها شي الا المطار و القلعه الحبسوني فيها دي 😭 فكرتا اكلم قصي الجابني من المطار ده اني عايزه ارجع لاهلي لكن هو زاته شغال مع احمد يعني ما بيده شي 😭 اخر شي قمت استغفرتا واتحسبنتا ... قمتا غسلتا وشي واتوضيت وصليت العشاء الساعه كانت ١٢ تقريبا كنت تعبانه ونعسانه من البكاء رقدت نمتا طوالي و دمعتي في عيني ..
صحيت الصباح الساعه كانت ٨ صباحا راقده و افكر و دمعتي تسيل من القهر الحاسه بيه قلت اكلم بابا وحسن ول امي ول نهى 😢 بس اعمل شنو حيقلقو علي شديد 😭😭😭
اتذكرت كلام ياسمين اخته و تديني كان انطباع عنه حسيتها غايتو عارفه شي لكن ما عايزه تقوله لي ..
شلت تلفوني فتحت الواتس لقيت ياسمين مرسله لي بتسال مني وكيف امس كان وهل قدرتا اتاقلم مع احمد ول حصل شنو ..
قلت ليها احمد ده من اولها وصلتا معاه لطريق مسدود وباقرب فرصه نحن حننفصل ..
(قلت اخوها وخليها تعرف بلاويه لقيتها دخلت معاي طوالي في الخط) ..
قالت لي سيرين اوعك تعملي كده شخصية احمد المعاك ده ما شخصيته الحقيقيه 😢
قلت ليها ما احمد الحقيقي كيف يعني انا ندمت ندم عمري اني قبلت اتزوج واحد من غير ما نعرف بعض زي الناس .. ده مستهتر بمشاعر الناس و بارد ما شفتي تعامله وكلامه لي كيف من اول ما عينه وقعت في عيني 😭
قالت لي سيرين اسمعي احمد عايش مشكله نفسيه كبييييرة و معقده شديد من كم محور لازم لازم تطولي بالك معاه وتحاولي توصلي لقلبه لانه محروق الم وتايه و الغربه زايداه زياااده عليك الله اوعديني تصبري و تحاولي ما تستسلمي يا سيرين
قلت ليها ما عارفه اقول ليك شنو ما عايزه اكسر خاطرك لكن امبارح الفيني كملت مع اخوك ده 😭 لدرجه جاب عشيقته للبيت قدامي وببوسها قدامي اتخيلي ده اول يوم ليك مع زوجك واول يوم تقابليه
و بتوعدني لسه بالجايي الزول ده داير مني شنو انا بالتحديد ده الدايرة افهمه هو قاصدني بالاسم 😭😭😭عليك الله لو عارفه شي احكي لي
اسمعيني سيرين احمد ده عنده مشكله قلت ليك .. صراحه حقول ليك شي مفروض ما اكلمك بيه انا ولو عرفو كلمتك حيقتلوني .
احمد كان بحب وحده كنديه اسمها صوفيا وحياتهم حلوه مع بعض وعايشين مع بعض عديل زي المتزوجين واااحد في بيت واحد ... من غير ما يخططو بقت حامل .. احمد قرر يتزوجها رسمي عشان الطفل ده يجي في عايله عاديه ام و ابو بربطهم زواج شرعي وعشان يشيل اسمه واسم عايلتنا ما يكون باسم امه .. طبعا امي لمن عرفت رفضت رفض شديد ما خلت ليه مجال ..احمد متوقع امي ترحب بزواجه لانه النعمه الفيها نحن دي كلها بسبب احمد .. يوم اتناقش نقاش حاد مع امي وقرر يتزوج صوفيا ويكسر كلمة امي وهو آسف لاعتراضها لحد ما امي جاتها صدمه ضغط و رقدوها مستشفى عديل .. وكان شرب كحول كميه بسبب المشكله دي وانعكست على صوفيا اتشاكل معاها برضو وما كان في وعيه اللحظه ديك ما كان من من صوفيا الا انها طلعت وشابت ليه البيت و الجو كان عاصف وتلج مغطي الارض وهي سايقه عربيتها و الظاهر من آثار العجلات انها مسرعه فقدت السيطره و اتزحلقت وقعت في بحيرة متجمده قريبه من البيت وما قدرت تنقذ نفسها كانت حامل في الشهر الخامس و اتوفت 😭😭😭
دخلت في احمد صدمه قويه و احمد من ساعتها ما طبيعي حتى معانا ومع امي اتغير تماما ..
محتفظ بحاجاتها للان في مكانها وبعذب نفسه انه هو السبب في موتها 😓
واتسبب لامي انها تعبت شديد ومشت للموت وجات بقى ما بكسر ليها كلمه لكن الفي قلبه في قلبه و تراكمات كتييييره علي مر السنين حاصله معاه قلبه قسى شديد
