قفل قصي الخط فورا لانه غير مسموح ولا بثانيه زياده وبعدها تم زيارته لاحمد عادي ..
قصي حس ان احمد بعد قال الجمله بالفرنسي لسيرين شكله كان متوتر شدييييد خاتي يدينه في وشه و مدنقر ويهز في رجلينه شويه كده وقطع صمته قصي
: احمد ،، خير ! ما حبيت المفاجأه ؟
: ابدا ابدا بالعكس اجمل شي ممكن يحصل لي وانا في الوضع ده 😕 بس قلق عليها وما في يدي ايي تصرف ممكن اعمله وانا هنا 😬
: عايز تتصرف تعمل شنو مثلا ؟
: اعمل كتيييير كتير يا قصي اولا ما كانت حتضطر تشتغل وهي حامل وتعبانه كده عشان تكسب لقمه العيش 😓
انا خايف عليها من السودان و على الطفل الفي بطنها انا متوتر لانه حاسس اني رميتهم في وسط المحيط من غير ايي حمايه ولا طوق نجاه .. انا لازم اطلع من هنا يا قصي باسرع وقت لازم ..
: طول بالك يا احمد الطلوع من الهنا الا تتم مدتك حسب القانون وهي كويس بقت شهرين تلاته بس فكر اذا كان اكتر من كده ..
لكن اتطمن انا ممكن اوفر ليها وضع مريح انا فكرت ما دام محمد ما اتجاوب معانا ليه ما اتعامل مع ناس نحن بنعرفهم من السودان يكونو وسيط بيننا و بينها ونحاول نلقاها بايي طريق
: انا مشيت لبيتهم لكن ما عندي ايي معلومه عنه في ايي منطقه او ايي حي المهم مدينة امدرمان ..
لكن خطرت ع بالي فكره ممكن نرجع للسواق تبع الفندق الوصلني لبيتهم اكيد ممكن يتذكر شي ولو بسيط او نسال التجار الجمب محلاتهم في سوق امدرمان اولاد ابو العلا معروفين ..
عملت لي الخدمه دي يا قصي ده جميل عمري ما حنساه ليك
: معقول يا احمد انت اخوي و صديقي وده ابسط شي ممكن اقدمه ليك انا لو ما الوضع مكركب معانا هنا كان مشيت بنفسي وهانت يا بوس كلها شهرين وتطلع من هنا وتمشي انت شخصيا وتكون جمبهم وتحضر المولود الجديد ..
: انا خايف يحصل ليهم شي وانا بعيد منهم يا قصي اول مره في حياتي اكون خايف وقلق علي شي انت عارف في شغلنا حياتنا في كفه يدنا وبنواجه الموت في كل مره وما بنخاف لكن فعليا بديت احس كيف احساس الخوف و القلق 😓
: ربنا يطمنك عليهم وتطلع بالسلامه وادعي ربنا يحفظهم وان شاء الله تشوف كل خير ..
: ادعي ؟ كيف ؟
: احمد انت محتاج دروس ثقافه دينيه 🤣🤣🤣
تدعو يعني تقول يااااارب و يا حبذا لو اتوضيت وصليت ركعتين ودعيت ليهم ربنا يحفظهم ويهون عليك الايامات الفاضله ليك دي مسافه توصلهم
: 😓 ممم حتستغرب انا نسيت كيف اؤدي الصلاه
: لا اكيد لا ما ممكن ؟
: فعليا
: ممكن اجيب ليك كتب تقراها بتساعدك على كل المواضيع دي كيفيه الوضوء الصحيح وكيف تأدي صلاتك صحيحه و كيف تدعو بكره ممكن ارسلهم ليك
: يا ريت
صوت الانذار آذن بانتهاء وقت الزياده دخل الحارس وقف جمب احمد الكانت يدينه مصفده احمد قام فورا و ودع قصي ومشى مع الحارس دخل لجوه وقصي متألم لحاله صديقه وقلقه علي عائلته لانه المحامي قال ليه انا خايف تطلع دلائل جديده وتزيد مده الحكم على احمد باكتر من سنتين 😪 ..
سيرين هنا بعد قفلت من احمد بقت في حاله تانيه بدل تروق بالعكس تعبت اكتر لما شافت شكله كيف كان ولبسه السجن والحراسه المعاه ويدينه ما قادر يحركهم لانه مكلبشه 😭 معقول يحصل معاه كده وهي بعيده من جمبه مهما كان قاسي معاها او مع اهلها برضو لانها فهمت الوضع الكان فيه حست انه لو الكلام كان صاح هو معذور .. اولا قررت تواجه ابوها بالقصه الحكاها ليها احمد مع انه اول ما جات حسن حذرها انها تفتح مواضيع زي دي مع ابوها وحالته الصحيه دي ..
