قعدنا في الجزر دي اسبوعين استمتعنا ما خلينا شي سياحي ول مغامرة ما عملتها ول مشينا وتمثيلنا وصفقتنا ما بقت زي السكين في رقبتي كنت عايشه اللحظه حقيقه والضحكه حقيقه والحب حقيقه احمد بقى بجري زي الدم في عروقي لو غاب من نظري دقايق بفقده وبشتاق ليه ..لانه تعامله معاي كان مبالغه في الذوق و الرقي وده اللايق عليه اصلا رومانسي بطريقه خياليه وكل مره اقول ياريته يكون زيي حقيقي ده شعورة .. وطبعا بقيت عامله حسابي واتادبتا من اليوم ديك اني ما اتكلم مع اهلي قدامه ول اجيب سيرتهم اصلا زي ما هو ما كانه عنده اهل وفصل نفسه عن الشغل وعن ايي ازعاج وكان متفرغ لي تماما عايشه الحاضر معاه لا ماضي ولا حتى مستقبل 😓
يوم كنا قاعدين نتونس ونضحك .. جاه اتصال قمت اديته التلفون كان قدامي مكتوب mom لما شافه بقى جادي شال التلفون وقال امي كيفك؟ وطلع بره طوالي وقفل الباب وراه ومشى بعيد .. استغربتا من تصرفه 🤔 اول مره تتصل بيه من ما اتزوجنا .. وبحترمها بطريقه مبالغ فيها كأنه بخاف منها
جاء راجع بوش تاني بدا يعمل اتصالاته عشان يغير حجوزات الطيران عشان نرجع بكره ول بعده ☹ ..
قلت ليه ما سالتني يعني ؟ انت متضايق من الاجازه دي ؟ ما كنا حلوين 🥰
قال لي ببرود انتي عايزه شنو ؟ خلاص كفايه كده ؟ حتى انا عندي اشغال مؤجله ..
ندمني على السؤال حسيت امه دي مصيبه قالت شنو غير موده كده ..
غير ملابسه لبس شورت السباحه ونط في البحر موش المسبح وبدا يسبح يبعد بعيد بعيد وبسرعه 😮 اسمعه يصرخ بصوت .. كده اتاكدت انه الزول ده ما طبيعي 😂
دخلت جوه اتصلت علي اهلي اشوف احوالهم لقيتهم بخير الحمد لله وقبال ما يجي قفلت منهم الخط ..ش
طلع بالسلم من البحر لقاني قاعده بعاين ليه .. قال لي شكلك معجبه 😂
قلت ليه لا بس عايزه اعرف الغيرك شنو فجأه كده .. بالجد انت غامض ما بتعرف الجواك ..
قال لي لسسسه بدري عليك شديد هههه
جاه تلفون انه خلاص اكدو ليه تم تحويل الحجز لبكره قال لي اجهزي بكره حنتحرك الصباح بدري ٥ صباحا
قلت ليه وبعد نرجع حيحصل شنو ؟
قال لي ما تستعجلي كله مرتب 🤨
قلبي اتقبض 💔من الجايي 😔
ولا كأنه احمد العشت معاه اسبوعين من احلي أيام حياتي
موده اتغير تماما مشينا اتعشينا حسيته ما قادر يعاين لي 😒 يسرق النظرات سرقه وكل ما احاول افتح معاه موضوع ينهيه رجعنا للغرفه وكالمعتاد ااستحميت وغيرت ملابسي لبست لانجري وختيت عطر خفيف ..
احمد ما من عوايده عينه ما رفعها لي طلع برة البلكونه واتمدد في الكرسي الطويل قدام المسبح وشكله سااارح .. طلعت قعدت جمبه قلت ليه احكي لي الشاغلك شنو ..
زح يدي منه زي القرف 😥 وقام قعد .. كان دايما قعده زي دي برقدني فوقه وبيحتويني بجسمه كله.. لما ما رد علي قمت من جمبه و دخلت رقدت في السرير بحاول انوم لكن هيهات بالي مشغول برضو غير اني اتعلمت علي السهر و المرقات المجنونه بالليل مع احمد للبحر والشاطئ ..
بعد نص ساعه جاء داخل وخلا باب الشرفه فاتح دخل الحمام اخد دش وطلع بالبشكير
قفل الانوار بقت الستاره شفافه بيضاء تتحرك مع الهواء الطبيعي و ضوء القمر منظر خرافي
اول مره احمد يكون معاي و الضو مطفي حسيت احمد غريب ما كان طبيعي كانه باله مشغول و قادر يكون عادي معاي .. قام من جمبي من غير ايي تعبير و طلع تاني للشرفه وشكله نزل للبحر يسبح .. انا في محلي حسيته تعبان نفسيا شدييييد لدرجه احمد الهو كل شي ما قادر يتصرف معاي ولا يكون طبيعي 😢 يااااا الله اهديه وهدي باله و اهديني وصبرني اتحمله و افهمه ما هي خلاص اتحسبت لي زواجه هو ما كعب بس لو قدرنا نتجاوز المشاكل اللقينا نفسنا فيها في النص من غير ذنب كان هو وكان انا
فضلت منتظراه يرجع لحد الساعه ٣ صباحا حتى جاء داخل .. عملت نفسي نايمه غير ملابسه المبلوله ورقد جمبي يعاين لي بعدين قبل اداني ضهره ..
