سيرين بعد لمت هدومها و حاجاتها اليوم داك كله ما طلعت .. اتصلت بامها و نهى اتونست معاهم وبعد امها مشت للمطبخ بقت تحكي لنهى و تفضفض معاها حيرااااانه و هسه ما عارفه تعمل شنو ؟ وحتى هشام بقت متردده في احساسها ليه و مشاعرها 😓 خايفه تقبل بيه و ترتبط بيه بس امتنان لمواقفه معاها 😭😭 انا خايفه يا نهى : واحمد ؟ : احمد 😓 ما بكذب عليك واقول ليك ما مهتمه بيه وما بفرق معاي .. احمد زي المغناطيس بتجذب ليه بقوه مهما حاولت افلت ما قادره رغم كل شي عمله و رغم العامله و الحيعمله 😓 اسواء احساس انك تحب زول ما شغال بيك او بلعب بيك او ما متاكد من احساسه الحقيقي اتجاهك شنو ..
: يلعب بيك كيف يا سيرين موش قلتي امه زاتها بقت زولتك وهو شكله مايل ليك لكن خايف منك اظن تحرجيه و عامل عزة نفسي مابيا علي هههه
: وطيب اعمل شنو هسه يعني و كيف اتاكد انه كلامك ده صاح 😓
دق الباب و دخلت هيلين تبلغها انه العشاء جاهز و منتظرنها .. سيرين نزلت و كان معاهم ضيفان قصي و سماهر .. بعد سلمت عليهم سيرين قعدت في كرسيها للعشاء و شويه حتى احمد جاء طالع من غرفته .. و مكشر وشه شديد مهما حاول يخبي كان هادي و ساكت 😠
بعد العشاء احمد دخل غرفته و غير بدله انيقه جدا و قال لقصي مليت من القعاد في البيت و لا شغله و لامشغله غير الألم ما عندي .. عايز اغير جو شويه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
قصي قدر ما حاول معاه ما قدر يخليه يغير رأيه .. قصي طلب منه ينتظر دقايق بس .. بقى يتصل بماركو 😪 هم لسه خايفين عليه انه مترصدينه قصي ادى احمد التلفون واتكلم مع ماركو بضحك قصي استاذن من سماهر انها تفضل هنا معاهم لانه هو مضطر يمشي مع مستر احمد وما بقدر يخليها ترجع براها .. لما سالته ماشين وين قصي قال ليها احتمال نايت كلوب
في ظرف ربع ساعه جات طياره هليكوبتر صغيره هبطت و احمد وقصي ركبو فيها ..
سماهر شكلها الوضع ما عاجبها نهااائيا 🙁 عامله نفسها عادي وبقت تطنطن بعد مشو الجماعه انه احمد عايز يرمي نفسه في النار بايي طريقه ما صدقنا انه قام بالسلامه ولسه ما شد حيله وما رجع زي اول وعايز يجازف تاني الناس ديل مافيا يعني ما بقدرو عليهم .. لسه بتعافى و بتألم في داعي يمشي نايت كلوب ..وطبعا عترفين نايت كلوب يعني شنو 🤕
