سيرين قومي اعملي لينا الشاي و القهوة خالتك سهام جايانا ..قالت دايراني في موضوع مستعجل 🤗
امي خالتو سهام دي دايما مواضيعها مستعجله ؟ ههههه روقو شويه انتي وهي حالتكم صعبه وشماراتكم كتيرة 😅
بت قومي بطلي نقه واعملي من الفشار و الفنكوش وما تنسي البخور الجاوي
حاضر ..
بعد عشره دقايق خالتو سهام جات داخله تضحك ومبسوطه سلمت على امي وعلي ..وتعاين لي عين غريبه وهي بتسلم علي .. استغربتا نظرتا دي صراحه ..المهم ما اهتميت كتير لانه الشاي كان جاهز دايرة اجيبه عشان الحقهم القهوه ول امي حتنزعج لو اتاخرتا 😁
مشيت المطبخ شويه كده امي نادتني وقالت لي خلي نهى تتم القهوة ((نهى دي مرة اخوي حسن الكبير ))
جيت داخله لقيت امي وخالتو سهام يعاينو لي من جيت داخله لحد ما وصلتهم قعدتا جمبهم في الصاله .
امي بكل فرحه سيرين جاك عريس 🤩 انا طبعا كانه كبو فيني جردل موية تلج ..عريس !! عريس من وين ؟
بعرفوه ناس خالتك سهام بتعرف اهله من زمااان قال عايز عروسه متعلمه بيضاااااء وعيونها كبار ملونه وشعرها طويل ..
سهام : والله يا الهام من امه حجه هنيه بتكلم فيني ماشفت الا سيرين قدامي ما شاء الله خلقه واخلاق وعلم وفهم .
انا سيرين عمرى ٢٣ سنه خريجه ادارة احفاديه نحيفه احسب مع القصار 😉 يعني سنفورة .. بيضاء عيوني خدر وشعري بني غااامق ناعم .. على قدر من الجمال ..
(عارفاكم حتدقو جرس كيف كده ؟؟)
اصولنا اجدادنا الجو زماااان للسودان عن طريق التجاره واستقرو في السودان واتزاوجو معاهم عيلتي ناس معروفين اسرة عريقه .. اهل امي من بربر ممكن تقولو حلبيه يس حلبيه اصلا متعوده الكلمه دي بقت ما فارقه معاي 🤪
بعد خبر العريس كانه نزل علي سهم الله قهيت وساكته اتفاجأتا صراحه .
سهام واصلت كلامها انه مقيم في كندا وعنده الجنسيه والجواز الكندي ومرتاح شديد شدييييد هناك وعنده مجموعه اعمال (هي شنو الاعمال دي ما بعرفها ) وعنده املاك في السودان واستثمارات يعني غني لدرجة قف تأمل🤔 ..
قلت ليها خالتو ده كلو ما بهمني شديد 😏 اشوفه اول ..
طبعا ما صدقت طلعت جوالها وقالت لي دي صورة رسلوها لي كده pdf ٢٠ صورة مدياني ليها امه اها شوفي ما كبير و وسيم ..
ادتني الجوال وقعدت اعاين في الصور مع امي 😑 لونه اخدددر وكساااار 😍..
عقلي طش شبكه معقوله يا سيرين كل المواصفات دي في ظرف نص ساعه الدنيا دي بدت تضحك لي ول بتهظر معاي 😀
كان اول ما دخلتا الجامعه كنت برلومه دخلت في قصة حب واتصدمت منها وصدمتي كانت كفايه اني اصد ايي زول يحاول يهوب ناحيتي باسم الحب اتعقدتا عديل .. زماله ممكن لكن غير كده معليش 🙄 وكنت بدعو ربنا يرزقني ود الحلال زول بخاف ربنا فيني ويحبني لاني بؤمن بالحب ونفسي اعيشه بس بالصاح وزول يكون جادي يجي بالباب .
