سيرين رجعت البيت بعد وصلها هشام .. ما متخيله انه في زول تاني غير احمد ممكن يدخل حياتها اصلا لانه خيار زي ده ما فكرت فيه 😓
فانكوفر 🌃 احمد آخر التقارير الوصلته وجود هشام في حياة سيرين بقوه وفي كل تفصيله وفي كل مرقه .. اتأثر شديد ما متوقع نفسه انه تعبه و قلقه ده كله تسببه ليه البت الكان عايز ينتقم منها ومن اهلها .. ما متوقع احمد الكاهلي يحب و يفقد شخص في حياته وهو الجاء لبلاد الغربه في سن صغير و عاش ما عاش من مآسي 😒 ردود افعاله بقت عنيفه على الحوله من غير ما يحس 😪 و الغلطه معاه بورطه 👿 حتي قصي و ماركو ما سلمو منه .. احمد فضل بين نارين ما قادر يتواصل مع سيرين ويختها في وش انتقام غاشم من امه وما معروف تعمل فيها شنو .. او يخليها في حال سبيلها وتعيش حياتها مع زول غيره و تكون حياه طبيعيه
بس احمد الكاهلي ماا النوع الممكن ينهزم ويخلي حقه بالسهوله دي وبالذات سيرين الغيرت فيه كتيييير وخلته يشوف حاجات كان معمي منها وحسنت في حياته كتييير وبقى يعرف شي اسمه حرام و حلال كان ليها فضل كبييير ..ورغم البعمل فيه برجع تاني فتره و يستغفر وتاااني يرجع لحياته السوداويه فتره تانيه بقى كده حبه فوق و حبه تحت
سيرين قاعده تحكي لامها كلام هشام القاله ليها .. امها فرحت شديد وشكرت هشام ما خلت ليه جيهه انه هو الواقف جمبها و انه زول كويس و طيب يستاهل قمر زيك 🤗 سيرين قالت لامها امي انتي نسيتي اني لسه متزوجه وعلى زمه احمد 🥺 احمد ما نطق الطلاق و لا رسل لي ورقتي انا ما عارفه اصلا انا شنو وكل وجع يجر الوجع البعده سلسه علي شكل حلقه 😪
سيرين دخلت غرفتها و غيرت هدومها و رقدت شويه شالت تلفونها تتصفح فيه . لقت في الواتس رقم غريب مرسل ليها . . فتحت الرساله تتفاجاء انها صوره بيبي ومكتوب تحتها (جو)
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
من ملامحه حسته ده ولدها سيرين بقت ترجف كلها وقلبها الكان بدا يلم اشتاته اتصدع كله وبنزف من كل حته روحها اتلهفت عليه تشيله و تضمه عليها شدييييييد 😭😭😭😭😭 بقت تبكي بكاء شويه شويه من حرقتها اتحول لهستيري امها كانت بره بتصلي في المغرب اول ما سلمت جاتها جاريه بسرعه وتسالها في شنو ؟ سيرين ادتها التلفون تشوف امها من شافت البيبي هي زاتها قعدت تبكي 😢😢😢 وتقول كر علي يا ولدي حرموك من امك يا صغير عيشوك زي اليتيم بلا ام وامك بتموووت فيك يا ولدي يبكوووو الاتنين
