مع التحقيق احمد اتسجن 6 شهور وبعد دفع غرامات مبالغ ضخمه و ضرائب متراكمه 😪 ماركو اتسجن كمان .. قصي ما كان في تهم ضده ..
مده سجن احمد عمل لقصي تفويض بالانابه تصرف محدود لاملاكه و وصاه يتواصل مع محمد في السودان بخصوص سيرين ..
دخول احمد للسجن رغم قسوته في تغيير خططه في استرجاع سيرين من السودان لكن كان عنده فايده اداه وقت وزمن يكون فاضي ويفكر في حياته و مستقبله ماشي على وين
هل يعيش على قصص الماضي وانتقامه و قسوته ول الحاضر و المستقبل يواصل حياته ويحاول ينسى بالذات بعد حس انه سيرين بريئه من كل الحاصل و حامل بطفله و هو الكان قاسي معاها ورغم ده كله اتحملته وكانت مستعده تتجاوز كل الحدود عشان تحافظ عليه لكن هو الاتخلى عنها قصاد ضغط من امه ..
وحتضيع منه زي ما ضاعت صوفيا ونادر مِن ما نلاقى البستحملنا بعيوبنا ويحاول يصلح معانا بحب 🥰
متمني يكون معاها يوم بيوم في حملها وتلقاه سند ليها في الحياه بوضعهم الراهن ..
قصي اتواصل مع محمد وحدد ليه يعمل شنو في قصة اهل سيرين انه لازم بيتهم يرجع ليهم و المبالغ حقت تأمين المحلات الهم متحايلين و موقفينها عمدا ترجع ليهم
ده كله ليييه .. لانه سيرين حامل وطفله ما ممكن يعيش مأساه من جده قبل ٤٠ سنه .. طبعا قصي حكى لمحمد انه احمد اتسجن للاسف واعماله اتأثرت تاثير كبير .. ودي وصيته لمحمد انه يرجع كل شي في محله ..
محمد طبعا ما بعمل ايي تصرف الا يرجع لامه .. وبالفعل حكى ليها انه احمد قال يرجعو لناس ابو العلا حقهم البيت و القروش 😏 امهم زينب هاااجت وزعلت وقالت كل تخطيطها يروح في لحظه ضعف من احمد لانه قلبه حن لسيرين وعرفت تلعب عليه بت ناس ابو العلا 😡😡😡😤🤬🤬🤬
رفضت لمحمد انه يتصرف ايي تصرف قالت ليه انا عايزه اطلع بروح ابوهم ما مكتفيه انه مشلول وروح البت اللعينه دي .. شكلها دايرة تغير تعبي و مجهودي مع ولدي احمد
محمد قال ليها احمد مسجون يا امي كده ما حيكون مرتاح لو عرف انه وصيته لي ما اتنفذت انا ما بقدر اخالفه يا امي الحق حقه
امه قالت ليه السجن للرجال 💪🏿 ما مشكله لكن مستحيل اسمح ليه ينسى نفسه و يرجع للبت دي لازم نتخلص منها باسرع فرصه ..
محمد قال لامه يا امي سيرين حامل 😓
حاجه زينب اتصدمت 😵 من متين ؟
تجهضه طوالي 😡
محمد قال ليها بتكون في الشهر الرابع يا امي يعني بقى روح 😪 واحمد عارف انها حامل منه ما حيتحمل الصدمه دي للمرة التانيه يا امي 😢 هو لحد هسه متأثر بصوفيا و الحصل بينهم بسببنا .. انا طلعيني بره
القضيه دي ما بقدر اعمل ايي شي لسيرين ممكن اسمع كلامك و ما ارجع ليهم البيت ولا القروش ولا اي شي... لكن المسها ول المس طفل احمد لا ما بقدر حرام يا امي 😰 دي روحين يا امي ..
امهم زعلت وغضبت ونبزت ما خلت حتى احمد انه مفروض يكون عامل حسابه معاها كان 👿 مفترض سفرته دي يومين بس يخلص المهمه ويرجع قعد اسبوعين 😤والا انا اتدخلت لو ما كده ما كان معروف حيرجع متين
