بالوضعيه دي فجأه زح يديني منه ببرود 🙄 وقال لي امشي اخدي دش بارد و ارتاحي شويه من تعب السفر وانا بشوف المنيو عندهم شنو للغدا انا جعااان تحبي تاكلي شنو ؟ قلت ليه انا ما جعانه ما عايزه شي شكرا ما اهتم بي قلتا شنو اصلا
ما صدقتا اني زحيت من جمبه ومشيت بباقي روحي الفيني دخلت الحمام طوالي .. اول ما قفلتا الباب جسمي متلج و العبره خانقاني واتذكر احساس جسمه في يديني 😭😭😭 ده المرض ابوي و وشرد عايلتنا وحالنا اتقلب حال .. شلت هم كيف اكون معاه لدرجه الاقناع وانا ما طايقه المسه قرفانه منه ومن تصرفاته ومن استفزازه لي وكلامه زي السم
دموعي نزلت هو شنو الما ببكي عليه 😓 مشيت فتحت الدش ودخلتا وجريت الستاره واقفه ١٠ دقايق تحت المويه حتى اتلفتا لقيت سائل حمام وبديت اتحمم المهم خلصتا وذكرتا نفسي مصير بابا بين يديني زي ما قال لي ..اتلفيت بالبشكير الكبير ولفيت شعري بالبشكير التاني و طلعتا الحلو لقيته في الغرفه مافي قلت احسن واتبسطتا انه ما شافني بالمنظر ده رفعت شنطتي وفتحتها طلعتا ملابسي علقتها في الدولاب وعطوري و كريماتي في التواليت رصيتهم وبديت اتمسح وعملتا بودي سبراي طلعتا فستان صيفي خفيف و صغير لبسته ورقدت في السرير كان مريييييح جدا ومسكت تلفوني اقلب فيه واشوف الشبكه كيف حقت النت امكن اكلم ناس امي وانا كده شالتني نومه لاني كنت مرهقه جد ..
نمتا ما عرفتا الساعه كم فتشت جوالي كان جمبي ما لقيته والغرفه مضلمه الستاير منزله تقيله .. نزلتا ومشيت على البلكونه لما زحيت الستاير كان قبل المغرب بشويه شفت احمد قاعد في المسبح وقدامه كاسه فيها مشروب وهو الفاتح الاغاني لاتينيه بصوت هادي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
شكلو جنتل مان خسارة فيه اخلاقه دي 😏☹ ضحكت مع نفسي قلت اليشوفه قاعد كده يقول مسكين لكن راسه ده ملياااان 🐃🦁
زحيت الستارة وفتحت الشرفه وطلعتا ..عاين لي وقعد يضحك قال لي جيتي في وقتك تعالي مد يدينه لي قعدتا في طرف المسبح ونزلتا رجليني في المويه كانت بردوتها حلوة بقيت ساااكته وبعاين لشمس المغرب بتنزل في البحر احمد قال لي المنظر و الجو رائع قلت ليه صاح حلو شديد باخد عقلك وينتشلك من ايي تفكير : نمتي كويس ؟ : يوه ارتحتا شديد من تعب السفر : بتعرفي تسبحي ؟ : طبعا ما بعرف اسبح
