My Secret You | m.yg

Chapter One

~♥~

YANA'S POV...

Nakangiti akong pumasok sa dance studio ng BigHit Entertainment para panoorin sila. Saktong pagkadating ko, nasa kalagitnaan na sila ng pagpapraktis.

"Kim Namjoon, Kim Seokjin, Min Yoongi, Jung Hoseok, Park Jimin, Kim Taehyung, Jeon Jungkook, BTS! Woooh!" Sigaw ko. Sakto namang natapos yung sayaw nila pagkatapos ko mag-cheer.

"Yanaaa!" Agad akong sinalubong ng yakap ni JHope.

Ang sweet talaga ng batang 'to. Although, mas matanda siya sa akin, sa tingin ko, mas matanda naman ako mag-isip.

Bigla namang may nambato sa akin ng bote sa ulo. Buti at wala pang laman! Lumingon ako at nakita kong nakatayo si Suga habang nakakubli ang mga braso nito sa dibdib niya.

"Ano bang problema mo, matandang unano?!" Pambubwisit ko. He smirked and looked at me with his signature glare.

"Umagang umaga, nakakarindi yang boses mo. Akala mo wala nang umaga kung makasigaw. Tinalo pa yung speaker namin." Sabi nito. Inirapan ko naman siya.

"Edi sumigaw ka rin." Sagot ko. Babatuhin na sana ulit niya ako ng bote nang pigilan siya ni RM oppa. Binelatan ko naman siya. Buti nga sayo! Hmp!

"Ang aga-aga nagaaway na naman kayo." Reklamo ni JHope at umupo na ito para magpahinga. Nilapag ko naman sa harapan nila ang isang supot.

"Nagdala ako ng pagkain!" Sigaw ko at agad nilang sinunggaban yung supot sa sahig. I sighed.

Hay nako, mga alagang Gucci, ambassador ng Puma, model ng Lotte, at Endorser ng LG pero puro mga patay gutom. Eh, masisisi ko ba sila? Sobrang mahal kasi nila mga fans nila kaya puspusan sila sa pagpapraktis na halos di na rin makakain.

"Aigoo." Ang tanging lumabas sa bibig ko habang pinapanood silang kinakamay ang binili kong fried chicken.

"Thanks, Yana noona!" Tumango si Jungkook sa akin.

Buti pa yung pinaka-bata, marunong magpasalamat. Yung matandang unano na nambato pa sa akin kanina, kung makakain akala mo pinagkaitan ng manok! Ang kapal ng mukha.

"You're welcome, Jungkook." Sabi ko. In-emphasize ko pa per word para naman ipamukha sa kanila na kailangan nilang magpasalamat sa 'food bank' nila.

"Yana, bakit di ka pala pumunta nung last na fansign namin? Na-miss ko tuloy mukha mo." Sabi ni V habang ngumunguya ng fried chicken. Napabuntong hininga nalang ako.

"Nagbantay pa ako sa restaurant nina Jin oppa. Namatayan kasi yung boss 'dun. Busy naman sina Tita kaya ako na nag-asikaso." Sagot ko naman.

Saktong nagsusubo ng chicken si Jin oppa nang batukan siya ni V kaya naman naduwal ito.

"Pinagtrabaho mo pala yang pinsan mo eh! Akala ko ba nagbakasyon?!" Panenermon ni V kay Jin oppa na ikinataka ko.

"Bakit ka ba nambabatok?! Eh malay ko ba kung nagtrabaho siya? Tsaka di ka ba nagsasawa sa mukha nyan? Lagi nalang pumupunta dito. Magtanong ka nga muna bago ka manakit! Bayolente." At inirapan siya ni Jin oppa.

Si Jin oppa talaga, sobrang daldal lalo na kapag defensive. Ang galing galing pa magreklamong lagi akong pumupunta e siya din lang naman nagtatawag. Magpapabili pa ng pagkain. Sarap niya din batuhin ng bote.

For your information, Yes! Magpinsan kami ni Jin oppa. Although, 2nd cousin niya lang ako dahil magpinsan ang Lolo namin.

Sa ngayon, nagtatrabaho ako bilang crew sa counter sa restaurant na business ng family ni Jin oppa. Minsan, ayaw akong pagtrabahuin ng Tito at Tita ko sa resto nila kaso ayoko naman na isipin ng tao na nagbubuntot lang ako sa kayamanan ng mga Kim.