My Secret You | m.yg

Chapter Ten

~♥~

YANA'S POV...

8:29pm.

On the way na kami sa apartment ko dahil nahiya na yung mga kasama ko sa sobrang ingay namin ni Suga. Eh pano ba naman kasi, sinisimulan na naman niya yung kabulastugan niya! Nakaka-inis! Kung wala lang kami sa condo ni Rm oppa at ni Zeira, kanina pa talo sa akin ang pusang 'to!

"'San kaya nagpunta si Namjoon hyung?" Nagtatakang tanong ni Jimin.

"May kutob akong may tinatago sa atin si Namjoon." Seryosong sabi ni Jin oppa.

Nagtama bigla ang mata namin ni Jin oppa sa rearview mirror at bigla siyang napahawak sa balikat ko.

"Yana, may pag-kain ba sa apartment mo?" Biglang tanong ni Jin oppa. Kanina seryoso tapos ngayon gutom.

"Meron." Sagot ko. Sila din lang naman umuubos lahat ng groceries ko. Lalo na yung maknae at yung fake maknae.

"Noona! Gusto ko ng Ramyun! Yung may itlog!" Masayang sabi ni Jungkook. Ayun na nga, mauubos na naman yung laman ng kusina ko.

Nakarating na kaming lahat sa apartment ko at dumiretso na ako ng kusina para mag-luto.

Bigla namang pumasok sa kusina si Suga. Bumilis agad yung tibok ng puso ko dahil parang nade-deja vu na naman ako sa ganitong sitwasyon. Nag-flashback agad yung huling nangyari sa amin ni Suga dito sa kusina. Wait... ang bastos naman pakinggan nun! Wala namang nangyari pero may naganap.

Dumiretso siya sa ref at binuksan ito. Halla! Parang nauulit na naman yung pangyayari! Umayos ka Yana! 'Wag kang OA!

"Ang daming soju dito a. Depressed ka ba?" Tanong niya. Naririnig ko namang nilalabas niya na yung mga soju sa ref.

"Porket madami nang soju sa ref, depressed na? 'Di ba pwedeng nagchi-chill lang?" Tanong kong sagot.

Minsan stressed ako pero hindi ako umiinom ng alak hanggang sa malasing ako. Mga isang baso lang naman, ganon. Kaya madami lang soju sa ref ko dahil malayo yung pagbibilhan dito.

"Defensive? Nagtatanong lang. Ubusin na namin 'to a?" Kinuha na niya yung sampung soju at pinunta sa sala.

"'Wag kayong maglalasing hah?! Mapapatay ko kayo!" Sigaw ko mula sa kusina. Kakaiba kasi sila 'pag lasing. Parang nagpalitan ng mga kaluluwa.

Pagkatapos kong magluto ng ramyun, inihain ko na ito sa sala. Naabutan ko naman silang pinapanood yung sarili nilang show sa MNET channel habang umiinom ng soju.

"Hoy, V. 'Wag kang maglasing hah?! Lalo ka na, Jin oppa!" Pagbabanta ko. Parang wala silang narinig at tinatawanan lang ang sarili nila sa TV. Ako na naman kasi may responsibilidad 'pag naglasing sila.

"Kumain na kayo. Maliligo lang ako." Sabi ko at pumunta na ako sa banyo ng kwarto ko para maligo.

Habang naliligo ako, nakita ko yung shampoo sa gilid na may mukha ni Lisa ng Blackpink. Pinagmasdan ko ang nakangiting mukha ni Lisa doon.

"Maganda ka naman. Selfish ka lang." Sabi ko at pinagpatuloy ko nang maligo.

Matapos kong maligo at magpalit, lumabas na ako ng kwarto ko habang pinupunasan ng tuwalya ang buhok ko.

"Tinirhan niyo ba ako ng ram---" Hindi ko na naituloy ang sasabihin ko at nabitawan ko ang tuwalyang hawak ko.

L-LA... LASING NA SILA!!!

Si Jungkook at Suga nagyayakapang natwutulog sa sahig. Si JHope oppa naman, tinatawanan si V na parang baliw. Pano ba naman kasi, kumakanta si V ng Boy with Luv habang nakahiga at akmang iinom pa ng isang bote ng soju pero inagaw ko na iyon sa kanya.