My Secret You | m.yg

Chapter Eighteen

~♥~

SUGA'S POV...

Pagkatapos mag-walk out ni Yana, walang kumibo sa aming apat na naiwan sa restaurant. Binitawan na ni Jiwoo si V at ganon din si Jin hyung sa akin.

"Hahanapin ko lang si Yana." Rason ni Jiwoo at lumabas na ito. Natahimik ulit kaming tatlo.

"Siguro naman hindi ko na kailangang ipamukha sa inyo kung anong naging kasalanan niyo sa pinsan ko." Ani ni Jin hyung at lumabas na din ito.

Madalas mang asarin ni Jin hyung si Yana, alam naming lahat sa grupo na kaya niyang makapatay 'pag may nanakit sa kaisa-isang babaeng pinsan ni Jin hyung.

Naiwan kami ni Taehyung dito sa loob ng restaurant. Tahimik kaming dalawa at nagnanakawan lang ng tingin. Hindi ba siya magsasalita? Siya naman may kasalanan lahat ng 'to e.

"May gusto ka ba kay Yana?" Diretsong tanong ni V. Hindi pa pala siya nakakapag-isip ng matino. Malakas parin ang kulo niya sa akin.

"Ano bang klaseng tanong yan?---"

"Sagutin mo yung tanong ko, hyung." Pagpuputol niya. Napalunok ako dahil alam ko sa sarili ko ang sagot at ayokong sabihin yung totoo kay V.

Sa totoo lang gusto ko ding malaman kung anong sagot sa tanong mo, Taehyung.

"Nagbalikan na kami ni Lisa, V." Sagot ko.

"Oo o Hindi?" Tanong niya ulit. Hindi ba niya ako gets? Iniiwasan ko na ngang sagutin yung tanong niya.

"Hindi." Sagot ko. Syempre hindi yan ang sagot. Wala akong ibang choice kundi sagutin siya ng hindi.

Hyung parin ako ni V at obligasyon kong protektahan siya, kabilang na doon ang nararamdaman niya. Lalo na't gusto niya si Yana.

Tumango si V at umupo siya ng maayos.

"Gusto kong malaman kung ano ba talagang nangyari sa inyo kagabi, hyung." Sabi ni V at alam ko kung ano yung tinutukoy niya.

"Nung hinalikan ako ni Yana, lahat ng iyon ay dare lang. Kung nakita mo talaga kaming naghalikan kagabi, siguro alam mo rin wala ni isa sa amin ang tumugon." Pagpapaliwanag ko at kitang kita kong nakatingin ng diretso si V sa akin na handang makinig.

"Lahat ng nangyari kagabi ay isang pagkakamali lang, dala ng alak." Patuloy ko.

Tumango si V at bigla siyang tumayo. Lumapit siya sa akin saka niya tinapik ang balikat ko.

"Mahal ko si Yana, hyung. Sapat na sigurong rason iyon para dumistansya ka sa kanya." Sabi nito.

Kung sinasabi niyang dumistansya ako kay Yana, hindi ko iyon magagawa. Lalo na't napaiyak ko na siya ng tatlong beses. Kakainin ako ng konsensya ko kung patuloy kong sasaktan si Yana.

"Alam mong hindi ko magagawa yang sinasabi mo, V. Kaibigan ko si Yana." Sagot ko sa kanya. Napabuntong hininga si V at tinanggal yung kamay niya sa balikat ko.

"Alam ko. Pero ang gusto kong limitahan mo, ay yung nararamdaman mo. Lalaki din ako, hyung. Nakikita ng mga mata ko kung paano ka tumingin kay Yana." Sabi niya. Napalunok ako sa sinabi niya.

Hindi ko naman gusto si Yana. At mas lalong wala akong balak ligawan siya. Ganito lang ako sa kanya dahil... espesyal siya.

"Naiintindihan ko." Tumango ako kay V at lumabas na ako ng resto. Ayokong maabot pa sa kung ano yung paguusapan namin. Baka kasi may malaman pa akong magpapabago sa pakikitungo ko kay Yana.

RESORT...

"Hyung. Kain na tayo." Pagyayaya ni Jungkook sa akin ng dinner.