I Love You, ARA

DISI-SEIS✞

I'm not sure what happened, but the comments had been deleted. Let's just make new memories. -JF

XVI

✞Hacienda Villaverde✞

ROGER's POV


Damn it! Why I couldn't contact Isko? Usapan namin ay susunod siya rito sa probinsya nina Nana. Bakit kasi hindi pa siya sa amin ni Ka Pineng kagabi?! Ayan tuloy, paano pa kami magkakausap, e wala palang signal dito sa parteng ito ng baryo.

Nakarating na kami sa wakas sa gitna ng patay na hacienda ng mga Villaverde sa kadulo-duluhan ng baryong ito. Maliban sa mapa ay nagtanong-tanong pa kami sa bayan, dahil nga wala na halos nakakatanda sa haciendang ito na matagal nang inabandona. We drove around a few times before we got here. Kung hindi ko pa pinakatitigan ang puno ng halamang arko, hindi ko pa mababasa ang nakasulat na 'HACIENDA VILLAVERDE'

Ngayon pa lang ako rito nakarating. Mula nang makilala ko si Nana, hanggang sa ikasal kami at nagkaanak ay never niya pa ako ritong dinala. Kahit siya ay hindi na muling bumalik pa rito. Patay naman na raw kasi ang papa niya, wala rin siya ritong kamaganak, kaya wala nang dahilan pa na alalahanin niya ang lugar na ito.

Pinagtulungan namin ni Ka Pineng na akyatin ang dambuhalang kalawanging bakal na gate, saka kami pumasok sa loob. Habang tinatalunton ang lubak na daan ay parang may kung ano na nagpapabigat sa aming pakiramdam. Siguro ay dahil sa ang lugar ay halata talagang napabayaan na.

Sayang ang lugar na ito. Malawak na lupain pa naman. Marami sana ang mabibigyan ng tahanan kung tutuusin. Where are the people who used to live here? Nasaan ang mga tauhan ng mga Villaverde? Bakit nagsialisan na sila? Bumalik at nag-stay naman dito noon si Roli at ang mag-inang kasambahay rito, ah? That guy even lived here with his family.

Huminto kami sa gitna ng malubak na daan. May tiningna si Ka Pineng sa trunk. Meron doong malaking bagahe. Ang daming dala naman. May balak ba siya ritong magbakasyon?

"Tumira kamo rito iyong batang kapatid-kapatiran ng asawa mo?" tanong niya habang inaayos ang lagay sa trunk.

"Yes, si Roli. Pagka-graduate niya ng college ay bumalik siya rito. Noong panahon na iyon ay meron ditong matandang katiwala. Si Aling Ameng ang pangalan sa pagkakatanda ko. Ang anak nitong dalaga naman ay si Laurie, iyon ang nakatuluyan ni Roli, kahit pa mas maedad si Laurie."

"Eh, nasaan na itong si Laurie and their child?"

"Missing with their child. Hindi pa natatagpuan hanggang ngayon. Ang prime suspect din ay si Roli. Pero napawalang bisa dahil walang sapat na ebidensiya." Hindi ko na binanggit na ako ang naging abogado ng lalaking iyon. Kaya lang ay alam na pala ni Ka Pineng ang tungkol doon.

"Naging defense attorney ka ni Roli, 'di ba? Napansin mo bang kaliwete siya magsulat?"

Sumandal ako sa nakahinto naming sasakyan. "Kanan." Alam ko dahil aking nakitang nagsulat ang lalaki. Napatitig pa nga ako sa makinis nitong kamay at mahahabang daliri.

Hindi na umimik si Ka Pineng, subalit sumulyap sa hawak kong lumang picture. Si Nana ito noong dalagita pa at may kasamang isang payat na babaeng nakaupo. Picture na ewan ko ba kung bakit aking hawak-hawaka pa rin. Ito iyong nakita ni Isko sa kuwarto namin ni Nana.