#ح82
#جسد_انثى_في
#ذكرى
.....فاتت الامور كلها على خير وقمرة ولات زوجة فهد كان فهد حامل عقد الزواج والدفتر العائلي وهوا مش مصدق كان الدفتر بمثابة العيلة لي كان يحلم بيها كان يشوف في خانة الاطفال وتخيل اطفالو من قمرة وهوما يلعبو قدامهم ...ويجريوو...
فاق من احلامو على صوت رابح ...
رابح مبروك فهد ونتمنى ترتاخ قمرة ويكتمل زواجكم ونشوف احفادي
فهد لنشالله كي اليوم بصح انا عندي شرط...
قمرة متحتاجش طبيب نفسي انا راح نكون معاها وهدا يكفي وزيد لازم ترجع لدارها في الجبل هكا كشما تقدر تتفكر صح الفيلا هادي شابة وتريح الاعثاب بثح دارها هيا لي تفكرها بالماضي نتاعها لازم ترجع للمحيط لي كبرت وعاشت فيه....ونا نوعدك اني نتهلى فيها اكثر من روحي
رابح معنديش شك بلي راح تحافظ عليها وتصونها
بصح البيت قديم وهش اخر مرة شفتوو كانت حالتو مزرية اعطيني شوية وقت ونرجعوو يلمع
فهد اسبووع لا اكثر ....
رابح نشالله نحاول حتى اقل من اسبوع ....
رجعو للبيت وكانت قمرة مع الممرضة في الجنينة ....
راح فهد يجري عندها وحكملها يدها
فهد راح نرجعو لدارك قمرة للجبل لي عشتي فيه.. ...
نوعدك راح ترتاحي ...وراح تولي قمرة القوية حبيبة فهد ومرتوو يشوف في عنيها والكلمة لي قالها عجباتووو اييه مرتي وام ولادي انشالله...وتنهد بقوة ...
فاتت الايام والتجهيزات على قدم وساق في بيت قمرة الكل يخدم ويجهز في البيت اليوم السادس من العمل كلشي يلمع وحتى برا عملوو حديقة تهبل ...
وزاد طلب فهد يجيبو حيوانات للمزرعة ...
نهاية الاسبوع
كلشي وجد وفهد يلم في حوايجو وحوايج قمرة....
هز قمرة وحطها في الكرسى...
فهد افرحي اليوم راح نرجعو لدارك...
دخلها في الطونوبيل ومنها ركبو في الهليكوبتر ووصلووو للكازيرنة...
...لقاهم سي رابح اه شحال راني فرحان لي شفتكم ...
اما فهد كان يشوف في الكازيرنة وقلبو وجعوو
ورابح حس بيه وظربو على كتفوو اييه ياولدي كلشي راح يتحسن وراح ترجع لخدمتك ...
فهد لي يهمني انو قمرة معايا ...هدا المهم ....
ركبو في الطونوبيل وطلعو لبيت قمرة ... اول ما وصلو نزل فهد قمرة وحطها على الحشيش كان الجو ربيع والدنيا خضرة تهبل ...ونسمة الهوا عليلة ترد الروح ...
قعد فهد بجنب قمرة يستنشق في الهوا اوووووه هوا يهبل وتكا على ظهرو ودار يديه على راسوو اما قمرة قاعدة مكسلة رجليها في العشب وتشوف لسما كيف العادة...
وفهد يشوف عندها قمرة حبي مش متفكرة ارضك ودارك
وبعدها قام وقعد بجنبها وبدا يضحك هزلها يدها وبدا يشوارلها بصبعها لتلة شوفي لهييه كنتي ترعاي الشياه...وكنتي تلبسي القشابي وكنتي تتعقني عليا قابلها وبدا يقلد فيها كيفاش كانت تتعقن وهوا يضحك...
ههههه مهبولة وذكية بصح انا فقتلك....هههه تفوتيها عليا....ههههههه
أنت تقرأ
كرونيك:🔥جسد_انثى_في_معسكر_الرجال🔥
Mystery / Thrillerاهلا حبيباتي جبتلكم كرونيك راهي طويلة بصح شابة بزاااااااف. 💥💥 😍🤩😘😍🤩😘😍🤩😘😍🤩😘😍🤩😘😍 جيتكم بالكرونيك القنبلة💣💣لي راح تفجر احاسيسكم خوف🔪🔪🔪 رعد قتل 🔫🔫وحب💓💓 وبزاااف من المغامرات ....لي راح تحبسلكم انفاسكم....وتخليكم تسافرو بخيالكم...
