#ح11
#ذكرى
#جسد_انثى.....
طحت في الارض وزاد حقدي وكرهي ليه هدا مش انسان معندووش قلب معندوش رحمة...هدا انساان...وحجرة طلعت راسى وهوا واقف عندي..راسي خزرت فيه بكل حقد..والم يعصر قلبي واحساس الحقرة ...طاغي عليا ..خزر فيا الجنرال خزة احتقار وراح
فهد جندي اقعد هناا وخبرني بتفاصيل على حالة هد المواطنة...
هوا راح ونا تكيت على ...على الحيط نبكي ودموعي شلال
فاتوو ساعات ومسمعت حتى خبر على يما....غير قاعدة وكامل الافكار السيئة ادور في راسي....قعدت نتخيل غير خبر وفاة امي...وكيفاش راح نكمل حياتي بلا بيها وسط هد الدوار وسط هد الحجيم وين نروح وين نقعد ...معامن نحكي....
فقت من تخيلاتي على صوت الطبيب
انا وقفت وشفت فيه وعملتلوو بيديا واش كاين...
الطبيب الحمد لله خرجنا الرصاصة ...كانت قريبة من القلب بصح مزال حلتها مش مستقرة...وراني خايفة ادا مفاقتش خلال 48ساعة الجاية راح تدخل في غيبوبة ....
انا ااااااا
الطبيب متتقلقش نشالله لباس...
عند فهد كان في غرفتوو ...واسترجع ذاكرة وفاة امو ابوه قدام عينوو
فهد اةووه العقون تاني امو تصاوبت قدام عينوو مكانش لازم عليا نقسى عليه هكا...بصح واش نديير علابالي انا لي عرضت حياتهم للخطر بصح لما لامني مستحملتش اللوم
الصح انا لي لازم نتحمل المسوولية وحيات العقوون واموو ولات ضركا من مسوولية الجيش...لازم عليا نحميهم...
اصبحنا واصبح الملك لله...
فقت على صوت قاوي حليت عنيا بلاعقل لقيت روحي راقدة فوق الكرسي...قدام الشوفاج...استعد استرح استعد استرح استعد استرح....
نضت حسيت عظامي تكسروو ...مشيت في هداك الكولوار...ونطل على الطاقة ونشووف مجموعة من الجيش...واقفين في صف واحد ويطلعو رجليهم ويديهم لراسهم اكل وكانهم جسد واحد...حركاتهم متناسقة....ومشابهة...
قعدت نشووف فيهم ونتامل صبرهم نص ساعة وهوما استعد استرح اه هادوو ميتعبووش...
.....ونا نتامل فيهم يجني جندي....
العقوون الجنرال يحتاجك....
...انا حركت راسي اييه وتبعتوو...
خرجت من المشفى للساحة ونشووف بزاف من الجنود يدربوو قعدت غير نشوف فيهم...
الجندي اتحرك معايا
رحت معاه للجنرال بعد شوية دخلت ....لقيتوو حاط رجلوو على الكرسي وينظف في سلاحوو
....قعدت واقفة في بلاثتي اه زعما حب يقتلني والله يديرها كلش ممكن عندوو
هز قيس عنييه بلاعقل عند العقوون ولقاه واقف ويبان متوتر...
فهد راني سمعت انو عملية امك نجحت...ومنا حتى تستقر حالة امك راح تبقة في الكازيرنة الجيش يضمن حمايتك وخاثة انو الارهاب حطوك في راسهم يعني قادر تخرج منا يقتلووك
...انا تقلقت من كلامو وخاصة كان يبان في نظرة احتقار واستهزاء....
جبت ورقة وكتبت
انا نحمي نفسي بنفسي ومنحتاجش الجيش يكفي واش صرا بسبتوو
حكم فهد الورقة..وقراها...لم قبضتوو وخبط يدوو على البيروو...
فهد هههه نتا تستفزني بزاااف ....
انا قررت تقعد هنا وانتهي الامر...لما تشفى امك راح تخرج منا
انا كتبت وشياهي ودارنا....
فهد متخافش شياهك نوصي سي صالح يتهلي فيهم...
...وضرك تقدر تنصرف...
...انا خرجت ....
فهد....ههههه والله العقوون حبيت نردك راجل ونربيك شويا على الاقل متوليش دموعك تنزل كل شوية
...هز فهد سماعة الهاتف واستدعى الضابط
بعد شوية وصل الضابط وحياه التحية العسكرية....نعم حضرات
..فهد العقون لي جا البارح مع اموو نحوس دخلوه مع الجنود المبتدئين لي راح يفوتو الخدمة الوطنية....
....
أنت تقرأ
كرونيك:🔥جسد_انثى_في_معسكر_الرجال🔥
Mystery / Thrillerاهلا حبيباتي جبتلكم كرونيك راهي طويلة بصح شابة بزاااااااف. 💥💥 😍🤩😘😍🤩😘😍🤩😘😍🤩😘😍🤩😘😍 جيتكم بالكرونيك القنبلة💣💣لي راح تفجر احاسيسكم خوف🔪🔪🔪 رعد قتل 🔫🔫وحب💓💓 وبزاااف من المغامرات ....لي راح تحبسلكم انفاسكم....وتخليكم تسافرو بخيالكم...
