#ح79
#ذكرى
#جسد_انثى....
....رابح فهد واش بيك هدن روحك وحكمو من ذراعووو
هدا طبيب قمرة
فهد اومبعد طبيبها يمسلها عادي
فهد لالا مش عادي....
ناض زياد من الارض...
سي رابح شكون هدا واش بيه هبل
فهد احترم نفسك...متخلينيش نتعصب ونرتكب فيك جريمة..
زياد وريني عرض كتافك
كانو راح يتلاحو يتقابضو مع بعضاهم...لوكان ما رابح ادخل
واش هبلتوو ولش هد التصرفات...
متنساوش راكم قدام قمرة
فهد طلق زياد ودور راسو لقمرة لي كانت قاعدة في الكرسي ومش معاهم خلاص ...تشوف في السما
قدم ليها فهد وطابس عندها
فهد قمرة راكي مليحة...قمرة راكي تسمعي فيا ....
والووو لا حياة لمن تنادي...
فهد شوفي فيااا راني هنا فهد راهو قدامك...شوفي فيااا....
اما هيا مهيش معاه خلااص ومهيش تسمع فيه...راهي في عالم متعرفو غير هيا.....
فهد بقا يشوف فيها وفي عنيها وهيا جامدة مكان حتى ردة فعل تقول تمتال
تقلق فهد وناض بدا بضرب في راسوو علاش هكا علاش هكا
زياد سي رابح شكون هدا...
رابح تلبك ...اه قريبنا وصديق قمرة ...
رابح فهد ارواح نحتاجك...
مشا فهد ومشى معاه رابح...
رابح ولدي فهد راني حليت مصنع ومكانش لي يديرو وثقة فيك نتا
فهد بصح سيدي معندي حتى خبرة في مجال الشركات وزيد منحبش هد العمل راك علابالك بيا تربيت في العسكر ومنعرف ولا حاجة من غير السلاح
رابح ههههه ومثنعنا راح يكون مصنع سلاح يعني يصنع سلاح
فهد اه حاجة مليحة...بصح انا
رابح ما بصح ما والووو خلينا نروحو نشوفو المصنع ونوليوو
فهد بصح انا منحبش نخلي قمرة وحدها نتا راح تىرجع للكازيرنة وهيا راح تبقا هنا وحدها ....
رابح بصح الممرضة والدكتور معاها
فهد لااا ما نطمان غير كي نكون بجنبها
رابح على بيها قتلك تقبل بالخدمة في المصنع...
المصنع قريب منا...يعني كلش راح يكون في امانتك فهد
المصنع والفيلا وقمرة...
فهد تعجب سي رابح ...انا معلاباليش واش نقولك
رابح معندكش خيار
رابح اووووه بصراحة فاجاتني بهد القرار بصح مدام راح نكون بجنب قمرة راني قابل...
رابح مد يدوو لفهد
وفهد صافحوو
رابح مبروك علينا
رجعو عند الطبيب زياد وقمرة
رابح انا راح نرجع لخدمتي وسي فهد من اليوم راح يكون مسوول على حالة قمرة وعلى اي شي يخصها ...
زياد ونتا سي رابح
رابح انا خدمتي ماسمحليش نبقا معاها
فهد خزر في الطبيب من اليوم كلشي يتعلق قمرة انا لي نعرفو
زياد معليش
وعيط للممرضة تاخد قمرة لغرفتها على خاطر حان موعد الدوا نتاعها
جات الممرضة وقفت قمرة...
جرا عندها فهد انا نعاونك ....هز قمرة وحطها في الكرسي المتحرك ودخلها لداخل وهوا قلبو يتعصر الم عليها ....وحزن عمييق على حالتها وصلها للغرفة هزها وحطها في السرير....
شربتلها الممرضة الدوا وخرجت وفهد بقا بجانبها....يتامل فيها ويمسحلها على شعرها....
فهد حببتي يا نور عيني يا نبض قلبي...سامحيني انا السبب انا .....
بقا يشوف عندها حتى غمضت عنيها ورقدت
قرب فهد عندها وباسلها جبتها....وخرج..
أنت تقرأ
كرونيك:🔥جسد_انثى_في_معسكر_الرجال🔥
Mystère / Thrillerاهلا حبيباتي جبتلكم كرونيك راهي طويلة بصح شابة بزاااااااف. 💥💥 😍🤩😘😍🤩😘😍🤩😘😍🤩😘😍🤩😘😍 جيتكم بالكرونيك القنبلة💣💣لي راح تفجر احاسيسكم خوف🔪🔪🔪 رعد قتل 🔫🔫وحب💓💓 وبزاااف من المغامرات ....لي راح تحبسلكم انفاسكم....وتخليكم تسافرو بخيالكم...
