#ح30
#ذكرى
#جسد_انثى
......هبطني فهد للارض...ورفع يديه وناتاني تبعتوو...
بصح غير شفتو هكاك حبيت نضحك....
قربو لينا الجنود ومصاوبين اسلحتهم اتجاهنا....والكلاب تنبح علينا...
غير قربو لينا الجنود وشافو في الجنرال
الضابط القى التحية ...اه سيدي اسمحي هبطوو اسلحتكم الجنرااال
الكل هبط اسلحتو وقدمولو التحية....
الضابط سيدي الحمدلله على سلامتك راك مليح
فهد راني ملييح...متتقلقووش
كشما صراوو خسائر البارح...
الضابط لالا سيدي مكانش اموات بصح كاين جرحى...
المهم راك ملييح...
الكازيرنة والجيش تقلب على غيابك...وراهم في حالة الطوارئ....
...فهد عيط للجنود ارواحو هزو العقوون...
جاوو زوج جنود وعاونوني نمشي مشينا شويا ونا عيني غير على الجنرال بمشيتوو ووقفتوو وهيبتوو اه رجل خيالي راجل مكانش في ااحكايات والافلام....قلال الرجال كيفوو اه واش هد الهيبة لي عندوووو....
هههه واش راني نحلم اكيد يكون مزوج وعندو ولاد....هوا راجل كيفووو يقعد بلا زواج للضرك اكييد يكونو خطفوه من زمان...
بعد شوية وصلنا...للسيارات والشاحنات..
ركب فهد في السيارة...ونا خذاوني الجنود للشاحنة معاهم
فهد غير شفتهم خذاوها للشاحنة منعرف علاش عيطت عليهم
فهد لالا جيبووه هنا العقون راح يركب معايا...
انا منعرف واش حكمني...حسيت بفرحة كبيرة
...ركبت معاه...وبديت نشووف عندوو وهوا وجهوو للقداام
فهد حسيت بعنيها قريب ياكلونو هههه
فهد واش العقوون كشما ودرت حاجة في وجهي...
انا تلبكت وحشمت بزااف وهبطت راسي بزربة...
بعد شوية وصلنا للكازيرنة حلونا الباب...
اول مخرج الجنرال من ااسيارة وكل الضباط واقفين بانضاروو وقدمولو التحية العسكرية
اه الحمد لله جنرال راك لباس..
الجنرال الحمد لله على سلامة الكتيبة ومكانش خسارة فيها...
انا هبطت من الطونوبيل ورجلي توجع...
دار عندي الجنرال وعيط جنوود اديوه للمشفى ....لازم يشوفو رجلوو...
...انا خلعت متت حبيت ننطق ونعترفلوو بالحقيقة قبل ما يكشفني الطبيب...
...حبيت نهدر بصح هد المرة تعقنت صح....حاجة حكمتني باه منهدرش..
...هزوني للمشفى غير وصلت تم ونشوف الجنرال تبعني..
الطبيب دخلوه لغرفة المعاينة
دخلوني تم ونا قلبي راح يخرج...
الجنرال دكتور نحتاجك...
دكتور حاضر سيدي
...ااجنرال راح تدخل وتعالج المريضة
الطبيب اه مريضة
الجنرال اييه نحتاجك تعالجها وتبلع لسانك في فمك هد السر راح يبقا بيناتنا
الطبيب تلبك وقدم التحية اكيد جنرال نوعدك
راح الجنرال ودخل الطبيب
غير شفت الطبيب دخل عليا ونا حكمتني الفشلة في رجليا....
الطبيب وينهي رجلك لي توجع...
انا اشرتلو يدي لرجلي اليسرى...
نحالي الطبيب التقاشر ودارلي الراديوو
الطبيب اه الحمد لله متكسرتش
تحتاج لي بوماد وادوية الالم وراح يروح الوجع....
الطبيب راح تقعد هنا في المشفى حتى ترتاح هادي اوامر الجنرال...
انا تنهدت اه الحمظ لله مفاقليش..
عند فهد...خرج من الدوش لافف منشفة على كرشوو.....راح عند المريا...وبدا ينشف شعروو ..
شاف روحو في المرايا...
وشاف السلسلة...فهد اووه واش هد السلسلة لازم نحيها..
هوا غير حط يدوو وحس بشعور غريب....وكانو حاجة منعاتوو
فهد اووف خلي اومبعد ونحيها.....
...راح لسريروو حط راسو على المخدة وبدا يخمم في قمرة فهد لازم غدوا نعرف اسمها....ونعرف السبب لي خلاها تتنكر هكا
عند قمرة....تاني حاطة راسها على المخدة وتخمم في فهد لما هزها...حتى رقدت من تاثير الدوا...
أنت تقرأ
كرونيك:🔥جسد_انثى_في_معسكر_الرجال🔥
Misterio / Suspensoاهلا حبيباتي جبتلكم كرونيك راهي طويلة بصح شابة بزاااااااف. 💥💥 😍🤩😘😍🤩😘😍🤩😘😍🤩😘😍🤩😘😍 جيتكم بالكرونيك القنبلة💣💣لي راح تفجر احاسيسكم خوف🔪🔪🔪 رعد قتل 🔫🔫وحب💓💓 وبزاااف من المغامرات ....لي راح تحبسلكم انفاسكم....وتخليكم تسافرو بخيالكم...
