'မုန့်ဟင်းခါးတစ်ပွဲ ... ဘူးသီးကြော်နဲ့ ငါးဖယ်နဲ့
ပဲသီးမထည့်ဘူး နံနံပင်များများ'
လင်းလက်နေ့လည်စာမှာထားတာကို စောင့်နေရင်း
အသံကြားလို့လှည့်ကြည့်လိုက်တော့ မီးလေး ...။
တစ်မနက်လုံးလူနာစောင့်နေတာမြင်နေရတာ
အခုမှတခြားစောင့်မယ့်သူရောက်လာလို့ နေ့လည်စာ
ထွက်စားရတာထင်သည်။ နေ့လည်
တစ်နာရီတောင်ခွဲနေပြီကို ဗိုက်တွေဆာနေတော့မှာပဲ ...။
'အန်တီ မြန်မြန်လေးလုပ်ပေးပါနော် ... မီးဗိုက်ဆာနေလို့'
'အေးသမီးလေး ... ဒီနေ့တစ်ယောက်တည်းလား
သမီးအစ်ကိုမပါဘူးလား'
'အာ ... အဲဒါမီးမောင်လေးအန်တီရဲ့'
'မသိပါဘူးသမီးရယ် ... သမီးကသေးသေးလေးမို့
သမီးကိုအငယ်ထင်နေတာ ... သွားထိုင်နှင့်လေ
အန်တီယူလာခဲ့မယ်'
'ဟုတ်'
မီးလေးဆိုင်ရှင်အန်တီနဲ့စကားပြောနေတာကြားရတော့
သွက်သွက်လက်လက်ရှိတဲ့ကလေးပဲဆိုပြီး လင်းလက်
စိတ်ထဲကချီးကျူးမိသည်။ ဒီကလေးလေးငယ်ပေမယ့်
ပေါင်းတတ်သင်းတတ်ရှိလိုက်တာ ...။
'မီးလေး'
လင်းလက်ကိုမမြင်ပဲ တခြားခုံမှာဝင်ထိုင်ဖို့လုပ်နေတဲ့
မီးလေးကို လှမ်းခေါ်လိုက်တော့ ...
'ဟာ ... ဒေါက်တာ'
'တစ်ယောက်တည်းလားမီးလေး ... ဒီမှာလာထိုင်ပါလား'
'ဟုတ် ... ဒေါက်တာ'
'အခုမှနေ့လည်စာစားတာလားမီးလေး'
'ဟုတ် ဒေါက်တာရော'
'မ,လည်းခုနကမှရောက်တာ ... မီးလေးနေ့လည်စာစားတာ
နောက်ကျတယ်နော်'
'အဘိုးကိုစောင့်ဖို့လူစားမလာသေးလို့စောင့်နေရင်း
နောက်ကျသွားတာဒေါက်တာ ကျွန်တော့်မောင်လေးကို
ကျောင်းသွားအပ်နေကြတာနဲ့ အလုပ်ချိန်တွေနဲ့ဆိုတော့
နောက်ကျနေကြတာ'
'ဒေါက်တာလို့မခေါ်လည်းရပါတယ်မီးလေးရဲ့'
ဒေါက်တာလို့ပဲခေါ်နေတာမို့ ပြောင်းခေါ်ဖို့
လင်းလက်ပြောလိုက်မိသည်။
