#ام_البنات
بقلمي ام مصطفى
البارت العاشر
رجعت للبيت بس كلش خايفه قفلت الباب ع بناتي وكتلهن ممنوع وحده تطلع
-ليش ماما شكو
-امريكان راح يجون ممنوع وحده تطلع سمعتن كل وحده تلزم كتابها وتقره
والله كلش خفت اول مره اخاف
واحتاج سالم صدك الرجال لو مهما يسوي
يضل خيمة ع بناته
ولا حسيت هالحساب ابد ولا اخيلت بيوم سالم يموت صدمة عمري جانت
المسؤولية جبيره اربع بنات
ربي اني يتيمة وبناتي يتيمات بجاه الحبيب محمد
استرها ويانه
كعدت اقري بالبنات بس خايفه وافكر بالموضوع كل خوفي ع بناتي
حتى فكرة اطيهم حصه ولا يصير شي بالبنات
الشغله تخوف بذاك الوكت القتل والخطف عاديى
ماكو لا قانون ولا دوله
يعني صدك الشغله تخوف
بالليل قفلت الباب عليهن
ومهند نام يمنا فرشتله بالاستقبال
واني قفلت الباب ع بناتي
مر يومين ماكو شي هدوء
البنات اني اوديهن واجيبهن من المدرسة
الى ان دزوا ناس مشايخ وساده لابو مهند وابو مهند هم خابر حماي الجبير صبري ودز ع عمامة وكعدوا كعدت عشاير
وصار حلقان وقسم ابو مهند حالف الهم بالقران السند صحيح
وفاضين الشغله انو اطيهم حصتهم من المحل والسياره
والولد اذا ازوجت يجيبونه هو حصتة
من طلعوا دزوا علي حمويني
حماي ابو منذر الجببر صبري كال
-فضيناها الشغله ولو هي واكفة واني ماقابل ع ابوي شلون هيج يتصرف ويحرم الولد من ورث ابوه
بس ابوي مجان يعرف هيج يصير يمكن فعذرته
المهم هسه عندج فلوس الحصة مالتهم لو تبيعين المحل
-خوية شلون ابيع المحل واني وبناتي منين ناكل المحل هو معيشنه
-والحل شنو
شكد طلع الهم اطيهم بس المحل لا
خلي يتخذون السياره كلها الهم
والباقي ادبرهن ابيع ذهبي وعندي كم فلس لامة واذا ماكفن هم اداين الهم
بس المحل مااكدر ابيعه
حجة ابو مهند كال
-عاشت ايدج والله خوش تفكير واحسن حل هذا
من باجر نقيم المحل والسياره ونقسمهن عليكم ونشوف شكد يطلع الهم
ان شاءالله خويه
-واذا مكفت اني اطيكم الباقي مني وعود وفوني من شغل المحل شي وره شي
ان شاءالله خويه
ومشكورين وماقصرتوا ربي يحفظكم ويطول عمركم
وره اسبوع قيموا السياره والمحل
وبعت ذهبي وجملني مليونين ابو مهند
ودزينه حصة عايده وابنها
ضل اخوي يشتغل بالمحل انطيه يومية اله
والربح يجيبه النه اجمع والم بيهن اكول للبنات
البنات كلما يكبر تكثر طلباتهم
وتعرفون البنات شكد تحتاج شغلات
بس اني اشتريلهم بالمعقول
وعلمتهم ع القناعة بالقليل
بس شويه ايلاف كلما تكبر اتعبني تحب تلبس وتتباها
بس البقيه لا قنوعات
بسنة وفيت افلوس ابو مهند
الحمد لله وبقيت الم اجمع الفلس ع الفلس اكول سند للبنات
تربية البنات صعبه يردن لبس وطلعة ويردن متابعه بالبيت وبالمدرسه
الحمد للة هنه شاطرات واني متابعتهن
