مساء الخير والعافية
ورمضان 🌙🌙كريم عليكم
#ام_البنات
بقلم ام مصطفى
البارت الاول
-حليمة حضري روحج باجر ترحين وياي اخطب
-شنوو
-اي قررت اخطب وازوج عليج
كافي عشر سنوات منتظرج تجيبين ولد
ماكو
اضل بله ولد يشيل اسمي
شنو ترديني اموت وينمحي ذكري
-واني شنو ذنبي سالم
-ذنبج تجيبين بس بنات وتالي بعد متصير عندج غير هذن الاربعه
من العمليات
يعني هم عمليات وهم بنات
-هذا شي مالي ذنب بي
قدر ومكتوب علي من الله
-والنعم بالله
-والله محلل اربعة
اني مو بطران مزوج اريد ولدددد
لا ادوخين راسي
باجر اخذج واروح
صديقي عنده اخته عمرها ٣٠ سنه ممزوجه
كال تعال شوفها والك هي
فحظري روحج باجر اخذج ونروح
تشوفيها وتخطبيها الي
لان اني كتلهم زوجتي موافقة
اتزوج لان هي متخلف بعد
وعندي بس بنات واريد ولد
-بس اني مقابله
كمت اصرخ وابجي
ليش تضلمني فوك ماالدنيا ضلمتي
كافي تعبت متحمله كولشي
ضربك واهاينك واوامرك
لا طلعه لا طبه حارمني من كولشي اني وبناتي
وصابره وساكته
فوگاها تزوج علي
اعوفلك البيت واطلع
ركضض لزم ايدي ولواها حيل ولزم شعري
-تعلين حسج علي يا مامربايه
ولج ترحين ورجلج فوگ راسج
واذا معاجبج اشمرج بالشارع انتي
وبناتج
-اخخخ عوفني كافي عوفني
ضالم انت ضالم
-اي ضالم لان صار عشر سنين متحملج
واكول بلكت تجيب الولد
لو من اول بنيه ماخذ عليج وكاسر خشمج
-اهئ اهئ واني شنو ذنبي حرام عليك هاي ارادة ربك
لو متعرف انو هاي الشغله بيد الله
بس تعرف الشرع حلل اربعه
-بله حجي زايد باجر ترحين انتي وبتاتج لبسيهن
وحضريه روحج العصر نروح انطيت موعد للولد
-مااروووح
-خل نشوف
طلع طبگ الباب حييييل
-درب اليسد ميرد
عساك مارديت
اخ يابه ايدي كسرها عسه انكسرت ايدك
التمن بناتي علي اجن يركضن
ماما بيج شي
وحده تمسح دموعي ووحده تفرك بيدي
وحده جابتلي مي
حضنتهم حبايبي الله يخليكم الي يارب
انتوا احلى شي بحياتي....
اني حليمة مواليد ٧٣
ازوجت سالم مواليد ٧٠
من عمري ١٨ سنه
زواج تقليدي
اهله جيران بيت خالي
وامه شافتني عد بين خالي
وخطبتني وصارت القسمه
سالم شخص مايتعاشر
حارمني من كلشي
صح بيت وحدي
بس سجن مو بيت
لهلي كل اشهر يله اروح
من ماتو ابوي وامي
منعني من اخواني
واخواتي
بس بالمناسبات اروح
واخواتي مرات يجني
بس اخواني كو هالگد محنه عدهم
ملتهين نسوانهم وجهالهم
خلفت اول بنيه ايلاف بعمليه قيصريه
عندي ضيق بالرحم وماتصير عندي ولادة
طبيعيه
هواي حاولوا ميصير اطلگ بس ماكو
مااجيب
سالم ضاج من اول بنيه اجت
وره سنتين جبت
سولاف هم عمليه
وره سنه حبلت جبت انفال
