#ام_البنات
بقلمي ام مصطفى
البارت العشرون
مااعرف شلون هيج اتصرفت وشلون اجتني هيج فكره بالرغم بعدني ارجف من كثرة العلاج الاخذته
بس هو استفزني من طلبه وشرطة الحقير
معقولة ماعرفته ولا شفته من قبل ع حقيقته اخخ شسويت بروحي
شكد متندمة اتمنى لو ماشفتة ولا صار كول هالشي
انغريت بيه وبكلامة الناعم
طلع واحد حقير
وضيعت نفسي، واهلي بسببة
رجع ردلي رسالة يستهزء بيه
لج بابا اني متخوفني هيج تفاهات
وابن عمج اله اعلمة درس بعد مايتجاوز ع اسياده..
كمت افور فور
ومعدتي رجعت تكلب
سولاف شسوي كوليلي شسوي
لا تضعفين ايلاف ابقي، اضغطي عليه
تره يحاول يسوي نفسه ممهتم بس
لا اكيد هو هسه خايف
لج هذا حقير، ميخاف
اخخخخ اخخ
اختنكت بس كوميني معدتي موتتني
خلي اصيح الدكتوره واجي
ياربي ساعدني اني غلطت سامحني ياربي
اني بشر والبشر يغلط
ربي بس مهند طلعة الي بجاه الحبيب المصطفى ص
اجت الدكتوره
شافتني ضربتني ابره وراحت
بعدها نمت
كعدت الصبح
سولاف تحجي بالمبايل
فدوه كوليله اختها مريضه ونايمة وياها مستشفى
تطلب اجازه
اووف شسويت بنفسي وباهلي
كتلها سولاف طلعيني وروحي لدوامج
مدام بعد وكت
-بس ماكتبولنه خروج
-اني صرت زينه معليج
-زين لعد
حجت وي الدكتوره
وطلعنا اخذنه تكسي وطلعنا
دخلت للبيت مدنكة راسي من الخجل
كلها دايره وجها مني
بس طيوفه اجتني
الحمد الله ع السلامة كالت
امي تسوي روحها متشوفني
رحت عليها
اني اسفة ماما سامحيني
ابوس ايدج سامحيني غلطت وانت امي
واني بنتج سامحيتي
عافتني ومشت كالت
مااسامحج اله يطلع مهند ويسامحج
يله ارضى عليج
ضليت ابجي
يارب يطلع ان شاءالله يطلع
صعدت فوك لغرفتي
توجهت لله سبحانه وتعالى
اريده يغفرلي ويطلع مهند من شدته
كمت بس اسبح واصلي
الاسف الانسان بس بالمصائب والشدائد يتوجه لله سبحانه وتعالى
ومن تنقضي، حاجتة ينسى ربه
اني قررت التزم بصلاتي وقرأة القران
تكفير لذنوبي
وللي سويته باهلي
كمت ماانزل ابد البنات يصعدولي اكل
حتى نوم ماانام بس اصلي
حتى الكلية تركتها وكرهتها
ماافكرت اداوم ابد
سولاف اداوم وترجع
اربع ايام مرت
وماكو خبر ع مهند هواي حاولوا بس ماكو
كلها ادكول شغلته صعبة وضارب ابن البرلماني
ماانزل ابد جوه ولا شفت الجوه من يوم الي اجيت من المستشفى
حتى بيت عمي يسئلون عليه امي دكلهم
معتكفة فوك
والكل استغرب ليش، مااداوم
وكلها متوقعه الشي الي صار بيه ع مود مهند واني احبه وهيج صار بيه
يمكن اجت عدلة هاي السالفة من جانبي
حتى محد يشك بالشغلة
...... سولاف.....
اداوم كمت وحدي بالكلية
وهذا الحقير اشوفه ويمشي وي وحده كام
ويصعدها بسيارتة
البنات صديقات ايلاف يسئلوني عليها
اكلهم مريضة
لينا كالت زين ليش جهازها مغلق
كتلها كسرت السيم كارت
