#ام_البنات
للكاتبة ام مصطفى
ج٢
البارت ٢
-شلون بدون متدري امي يمعوده مهند ميقبل
-ايلاف دبريها فدوه ايهم جاي يعاقب نفسه لان مكدر يسوي شي وجاي يذب نفسه بالنار لازم اخابرة احجي وياه بلكت يرجع
-ماادري اكولة لمهند واشوف
انتظرج
اوكي
ايلاف
نزلت جوه
وكفت اني ومنار نسوي عشة
دخل عموو عقيل هابويه رجعتي
اي عمو رجعت
مهند وين
معزوم وي اصدقائة ع العشة
ومحمد وين
فوك بغرفتةة
خبلني هالولد شعندة بالغرفة يجي من دوامه يحبس نفسة بالغرفة
حجت منار
بابا يحجي وي حبيبته بالتليفون
ضربتها بعكس ايدي اسكتي
حبيبته منوو ولج
باوعتلي وراحت يمةة بابا مو يحب وحدة وياه بالجامعة
وكال لامي يريد يخطبها
شنييي وبت عمة مو حاجزها اني اله
كتلة عموو عادي مصار شي قسمة ومصارت
-لا صار بكيفة اني شنوو ياخذ اطياف وغصب ع راسه يريد يجيبلي غريبه للبيت شعرف عليها اني
امج وين
كلتله جوه
عافنه وراح
انداريت ع منار لج انت متلزمين لسانج راح تصير مشكله هسه
-خل تصير مو خطية اطياف تحبه وهو هيج يعاملها
-تحبة شنو شمعرفج انت
-هي كالت بس هو ممهتم الها
-عزه بعينه وينها وين الحب دخل تخلص دراستها بالاول ستوها رابع عام
اووف لو امي تسمع اله اطيح حظها
سولاف
احسان عيني شلبس باجر
-اي شي عادي
-شلون باجر اول يوم الي اطبق
-مو مهم اللبس المهم العمل
-اممممم انت لو تظل عليك البس شلون مكان
لا بالعكس بس المظهر الخارجي مو مهم مثل عندي مثل مامهم تنجحين بالاختبارات
-زين تروح وياي باجر
-اوصلج بس
حباب ابقى وياي
-شبيج سولاف طفله شنو خليج قويه
-اوكي
انفال
من كالتلي ايلاف ايهم منقول للموصل واني قلقت كولش عليه حسيت اني السبب وجاي ينتقم من نفسة لخاطري
اوف ايهم ليش هيج تسوي
خليت راسي ع الحايط واذكرت اخر مرة كتله انسى كولشي بينا
وهو يكلي شلون انساج انسي بيوم انساج
راح انتظر رحمة الله
اشتاقيتلك ايهم تعبت ع فراكك شنوو بيدي اسويه مااعرف
بس جاي ادرس واتعب واحصل ع شهادة دكتورا
بلكت امك تغير رأيها بيه
ايلاف
بالليل اجة مهند
اني فوك
صعد
جنت كاعدة كبال الميز امكيج نفسي
حسوني نومته
طب اشرتله
اشش نايم حسون
سد الباب ع كيف نزع سترته علكها
واجة وكف وراي اكولج شصاير جوه
شنوو
اشو كلها معبسة
اي مو عمو تعارك وي محمد
ليش
لان محمد كله اريد اخب وحدة وياه بالجامعة وعمي تخبل
يبوووي متخلص هالسالفة كوه خوما كوه ابوي بعده ع نفس عقلية ايام زمان البت لابن العم
هسه الولد هو يختار شنو يجبرة
مو لان عمي حجة حجاية ع اطياف ميريد تنكسر حجايته
ميخالف ميصير مو غصب الزواج
انداريت اله ابتسمت صح مو غصب
مهند عندي موضوع وياك
وخر مني بده يفتح بدكم القميص
ويحجي شنو شصاير
خلص وتعال نحجي
احجي اسمعج
اوكي انفال
شبيها
خابرتني تريد تحجي وي ايهم
يعني تريد تخابرة
ومتخابره وين المشكلة
المشكله ماعدها مبايل وامي حالفة عليها متخابرة بعد ابد
اي
فتريد انت تشتريلها مبايل لو اني وتحجي وياه
التفت علي وخزرني وانت عادي عندج
تجيبين مبايل وتخابر بله علم امج وتكسر حلفانها
تقرب علي وعاط هاا احجي
واني شنو مكرن اتستر عليجن
-شبيك مهند قابل هو غريب لو متعرفه
هو ابن عمي وتعرف يحبها وتحبة
وخطيه اثنينهم واليجمع راسين بالحلال اله قصر بالجنه
-اسكتي اسكتي كوليلها يكول مهند انسي ايهم والتهي بدروسج وعيب شويه خلن خجل
والله انتن تخوفن
-شتقصد
اتمدد ع الجرباية وتغطة
مو احجي وياك
مااقصد شي ناميى
زين شبيك ضجت
التفتت علي شايفتني ماعندي غيرة وعرض اجيب مبايل لانفال واكلها اكعدي خابري ايهم ليل انهار اكو اخ يسويها
من اطلبين شي فكري بيه لا هيج تذبين الحجي ذب سمعتي وكومي طفي الشمعة خل انحم وراي دوام
