#ام_البنات
للكاتبة ام مصطفى
ج٢
البارت التاسع
حليمة
ليلي مانمتة ع امير صدك هو مو ابني وماجبته من بطني بس اني ربيته وحبيته اكثر من بناتي واعتبرته ابني الماجابته بطني
يومين كطعت الاكل والشرب
عقيل كلي بلكت صبري يطلعة بس هو يكدر يخابر عليه
لازم اخابر صبري واتنازل اله
كلت هم ميخالف اخابرة اني واتنازل
اخذت الرقم من عقيل ودكيت عليه
كتله خوية اول مرة اطلبك طلب
بروح عمي ذاك الطيب لا تردني
اريد امير منك تعرف مالة غيركم انتم عمامة
ها حليمة شفتي الولد شكد عزيز
لعد شتكولين ع سعاد المفاركة ايهم ومانعرف بيه عدل ميت
خوية واني شذنبي الولد يحب بنتي قابل مودية عليه
لا بس اكلج شوفي الولد شكد عزيز
الله يرجعة بالسلامة جاه اهل البيت
خوية هسه كلي تكدر تطلع امير
اي ان شاء الله خابرت اني واليوم يمج وراح تنسد القضية بس بعد ميوصل لهيج اماكن ولا يلتقي بهيج اصدقاء لو ماكو اجي اشلع اذانه عليمن طالع هذا ماعدنا هيج ولد احنه
الف رحمة ع والديك ربي يفرح كلبك برجعة ايهم مثل مافرحت كلبي
حليمة اذا رجع ايهم اريدج تفرحينه
شلون
انت تعرفين شلون
بس سعاد ماترضى خويه وتدعي وتتوعد
مالج شغل بيها يجي يوم وتقبل
الله كريم
ايلاف
كاعدة وطب عمي صبري للبيت وراه امير طب
اني شفته وركضت حضنته وكمت اهلهل
عمي ومرت عمي هم فرحوا
نزل مهند شافة
كال يا الله اي الف الحمد لله ع سلامة اموري
حضنه ولك شسويت بينا
راح سلم ع عمي واني هم بست ايده الله يخليك النه عموو ويطول عمرك
كتله امير روح لامي كلبها طاير عليك
كال اي رايح
رحت وياه
طب امير صاح يمةةة
امي اجت تركض من المطبخ يمةةة اميير
وحضنته يمةة شسويت بيه ردت روحي
ولك يمة بجيتك ليش هيج متت وراك
يمةة اني فكري كله بيج اكول هسه امي شصار بيها علي
توبه يمةة هذا درس صارلي وبعد مااعيده
يمةة الف الحمد لله من عدت ع خير
امير يمةة ضربوك اذوك
لا لا بس حققوا وياي
جوعان يمةة عطشان
اي والله ميت جوع بس خل اسبح اول
اصعد يمةة
صعد يركض
التفتت علي امي منو جابه
عمو صبري ذاك ابيتنه
الله يطيه العافية اروح اتشكر منه
حليمة
لبست عباتي وطلعت
اشوف سرب مال سيارات وحرس واكفين ابابنه عرفت ذول حماية صبري
طبيت لكيته كاعد ع التخم وخال رجل ع رجل
سلمت جاوبني
هله هله بحليمة
هذا ابنج طلعته بعد شتردين
رحمة الله والديك والله مقصرت
ولو متستلهلون بس اسوي لله
ليش خويه
ليش ابني بسسبج بين الحياة والموت
خويه كتلك اني شنو ذنبي
المهم المهم
اريدج اذا خابر ايهم لو اجة
دكليله ازوجك انفال راح
حتى لو بالجذب بس خل يجي اريد الزمة
خوية شلون اجذب عليه مرتك ماترضى بينا تكول مو من مقامنه بتج
هو صح بس شنسوي مجبورين
عقيل حجة
شنو مو من مقامكم ليش انت منين واحنه منين مو من ظهر واحد شني هالحجي مانقبول تره كلش
اني اقصد المركز الاجتماعي
خوية اذا تجي انت تخطبها اطيها اله بعد شتريد
ولو هي هسه جايين عليها ناس بس ننتظر
ها اذا جايين ناس لعد زوجيها وخلصينا رحمه ع والديج
خوية دوختني ساعة اطيها لايهم ساعة زوجيها
مجنت ادري جاييهه ناس اطيها احسن بلكت ابني يأيس منها
الله كريم
يله اكوم اني وراي مشاغل
طلع
واني وراه
نزلت اتفال من الخط
هو شافها هاي انفال
اي
اشر الها تعاي
اجت سلمت هاعمو شلونك .باسها ويباوع ماشاء الله صايرة كلش حلوه حقة ايهم متخبل عليج
اكول عمو شدرسين
ادرس طب اسنان
ما شاء الله
لعد شو سعاد دكلية معهد معلمات
كتله بناتي كلهن طب يدرسن ايلاف
اختصاص تحليلات مرضيه
وسولاف باطنية اطفال
