#ام_البنات
بقلمي ام مصطفى
البارت السادس عشر
دزيتله واني محتاره شنو اتصرف
مامسويتها قبل واصعد وي واحد غريب
بس خاف ارفض ويطير مني
اثير شخص صعب الكة مثل صفاته
بعدين ليش اخاف عادي تره اني مو صغيره وقابل شراح يسويلي هو
اي اي شكو بيها
قطعت افكاري سولاف
ايلاف ايلاف
-ها شكو
-وين صافنة صار ساعه احجي وياج
-شكوو
-انزلي اجوي خطار
-يبووي منو اجانة نص الليل
-اجوي بيت عمة كوثر وبناتها يسئلن عليج
-يله نازله بس اغير ملابسي وانزل
جنت لابس تراكسود انام بيه
غيرته ولبست دشداشة ونزلت
مهند بوجهي اتبسم
اووو شلون وياه
كال ايلاف
جاي جاي للولد عيب صار شكد من طبوا محد مقدم شي
-اوكي بس اسلم واروح اسوي
طلعت سولاف من المطبخ
مهند هذا الجاي سويته
عاشت ايدج والله انت معدلة
شكرا
عفتهم ودخلت اسلم ع عمتي وبناتها
وامي تحجيلها شلون صار الحادث
سئلتني ازهار بنت عمتي
شلونج وي الكلية
-زينه نوعا ما
-ان شاءالله 🎓تتخرجين
-والله مااريد اتخرج اشو حلو الدوام بالكلية
-صدگ احلى ايام الحياة هي بالكلية اني كمت اتحصر ع ذيج الايام تخرجت وكعدت حتى تعيين ماكو
-اي شفتي
دخلت سولاف قدمت عصير
وهنه كعدن يسولفن واني اصفن
شلون اباجر وشراح اسوي
ساعة وطلعوا الخطار
وصعدت نمت
الصبح كعدت متردده اروح لولا
بعدين كلت شنو القصة راخ ياكلني قابل
لبست احلى لبس عندي وتعطرت خليت كحل وباودر قليل
واخذت باقي المكياج وياي لان امي متقبل نخلي مياج
نزلت وسولاف نلزلة قبلي
وي نزلتي دگ اثير
باوعت كلهم يتريكون بالصالة
طلعت بالكراج احجي وياه فتحت خط
-صباح الخير
-صباح النور حياتي
-منتضرج تره خوما غيرتي رأيج
-لا ع موعدنه بس المهم مانتأخر
نروح مكان قريب ونرجع
-حياتي شبيج خايفه راح تشوفين شلون
ساعة ناخذ فره ونرجع
ومتأكد بعد كل يوم دكولين نطلع
-اوكي عادي يله بس اتريك واطلع انتضرني اباب الكلية
-صار
-باي
-بايات
سديته منه فرحانه وراح الخوف مني
دخلت اتريگ
...... مهند.......
طلعت من بيت عمي رحت اجيب اورلق تخص القضيه الي لازمها
رحت جبتهن ورجعت حتى اتريك وي امير
لان من سوه حادث امير، ولهسه اني معايفه
اوكله واغسله وادخله حمام
لان اعرف امير يخجل رغم صغير عنره ١٣سنه بس يخجل اكيد من امة واخواته
يرادله رجال
واني بيت عمي من الصغر احبهم
واحب البنات مثل اخواتي مااعرف ليش احسهم مسؤولين مني حتى امي مرات تزعل علي وضل تحجي
شنو انت ابن حليمة لو ابني
نهار كله عدها كاعد
اكولها يوم بس بنات ومااكدر اعوفهن
ومحسوبات علينه هذن لازم اتابعهن
من رجعت من بيتنا جاي ادخل واسمع ايلاف تخابر
بالبدايه عادي كلت صديقاتها بس
من سمعت الكلام الي دار بينهم
تخبلت وانصدمت معقوله
معقولة ايلاف عدها علاقة باحد
لا وجماله تواعده تريد تطلع وياه
تخبلت ومااعرفت شنو اسوي
تمنيت ميت ولا سامع هيج شي
بنظري بنات عمي اشرف بنات ومربايات احسن تربيه
دوم اشوف عمتي تنصح وتحجي
ومتقبل ع اللبس الضيك والمكياج
واشوفهن ملتزمات بصلاة وحجاب
وماعدهن هاي السوالف
صح منتبه ع انفال تسولف وي ايهم
وايهم عينه منها
بس عادي عندي اعرف اخلاق ايهم
اكيد مراح يأذيها لان بنت عمه
مع ذالك اراقب من بعيد لبعيد
وني هم حاسة بيه وعاذره لايهم
لان اني واكع بالحب مثله....
