#ام_البنات
بقلمي ام مصطفى
البارت الثاني عشر
حليمة
كمن اصب بالاكل وطبن البنات اعرف وقتهن شوكت يجن
الكل مجمع بالصالة وينتضرهن
دخلت ايلاف
-ماما غده ميته جووع
-اي حبيبتي اصعدي غيري ملابسج والاكل جاهز
بس تعاي ابن عمج موجود بالصالة يم اخوانج
من تفوتين سلمي عليه واعتذري منه
-اهوو وع شنو اعتذر منه
-عيب بنيتي ذاك اليوم حجايتج مو حلوه جانت
وهو بمقام اخوج يله بعد امج روحي
-لخاطرج بس واله اني واگفلي هنا
واشرتلها ع بلعومي
-اي ليش شمسويلج
-يمة حشري مدخل بكلشي بينه
-غصبن ماعليج يدخل اني منطيتة الصلاحية هاي انو يدخل بيكم غير اخوكم
-احنه ماعدنه اخو بس امير
-دروحي هسه مو وكته الحجي روحي سلمي وتعذري
-اوكييي لخاطرج بس ياگميله انتي وباستني وراحت
اووف الله يهديج
باوعت سولاف واگفة ومتخوصره
-ها شبيج
-والله بنتج تصرفاتها كلها متعجبني
-بدينا شكوو
-ماكو شي بس شبيها حاطة دوبها من دوب مهند
-دعوفيها لا يسمع الولد هسه
مهند
فاتت ايلاف سلمت
لو احس كلبي دكاتة صارت غير منتضمة
شكد شخصيتي قويه وثكيل
بس يمها اضعف تتخربط احوالي كولها
ايلاف: مساء الخير
شلونك مهند
-مساء النور الحمد للة ودنكت منها
-مهند لسه زعلان مني لاتزعل عيني
اني اسفة
-لا عادي ماصار شي ماكو داعي للاسف
-والله اني تعصبت وصيحت عليك بس بدون قصد جنت بوكتها عندي امتحان وضغط صار علي
-كتلج مصار شي عادي
-زين لعد اروح ابدل عود انتضروني ما تاكلون قبلي
-لا ننتضرج
اباوع الها تتبسملي واعتذرتلي
يا الله فكت شويه
اول مره تسويه
اعرفها اني طبعها متجامل
شعجب هيج سوت
يجوز لان يومين مشافتني اشتاقتلي
اي يجوز
اخخخ يابه ردت روحي بشوفتها
-هلو نهودي اليوم الشمس طالعه عدنه
-سولاف هلو عيني شلونج
-وين اختفيت فجأ
-بالمكتب والله مشغول
-الله يعينك
انجمعنا كولنا ناكل
مهند
عيني ع ايلاف شلون تاكل وتسولف وتضحك
شكد حلوه
لوبس تحس بيه لو بس تنطيني مجال اعترفلها بمشاعري
-مهند متاكل شبيك صافن بوجه ايلاف
-هههه لا والله مصافن بوجها بس صفنت ع القضيه وصارت بوجها ست انفال
-لا صافن بوجها ووتبسم
حليمة
انفال بله شقى ماصخ
-شبيج ماما خلي انصب عليه بس هو ينصب علي
-ماتكدرين ابد تنصبين علي
كمت
-ها وين شو كمت
-شبعت عمه والله اروح للبيت امي خطية تنتظرني
-ع راحتك وليدي
-يله مع السلامة
ايلاف: اي فكة شكد لزكة
-انجبي مااعرف شبيج وي الولد خاله دوبج من دوبة
-اوي ماما مااحب احد يتحكم بينة ومسوي روحة مسؤول علينا
-مسؤوول وغصبن عنج انتي ولا تستحين
والله انوب اكوله لعمج عليج. اني تعبت منج
عفت الاكل بعصبيه وكمت خبلتني هالبنيه
