#ام_البنات
بقلم ام مصطفى
البارت الثالث
دخلت يمة
والحجية امها
شافتني توترت وامسح بوجهي كل ساع وسكتت فد سكته
احس معدتي تكلب كامت
كالت جنج مجبوره جايه لو ماراضيه
-لا علويش هذا من حقه
كلتها وحصرتني العبره وبجيت
خطيه هيه كالت
هاي سنة الحياة يمه واذا ماراضيه ماانطيها
اني هم اخاف الله ومااريد اكسر كلبج
من البدايه شرطت اله انتي تجين واشوفج موافقه يله اوافق
اذا مموافقة مابلازم
-لا خاله فدوه الكلبج اني اريد ازوجه واخلص بس تعرفين شويه صعبه علي
بس اتحمل مو مشكله
مسحت ادموعي
ولزمت اعصابي كمت اكول بكلبي اني قويه
اني قويه مااضعف خلي يزوج واخلص
شويه وطلعت عايده والضحكة تارسه وجها
جان دكول
-كلش حلو وشخصيته حلوه
يمةة هاي هي موافقة اني
وتباوعلي صفح جنها تغيرني
ياربي هاي بدايتها هيج
امها حجت
انشوف ام ايلاف وناخذ الموافقة منها وانوب نشوف موافقتج
-خلص خالة الله يوفقهم
مدام عجبها وعجبته هو هذا المطلوب
ربي يتمم ع خير ان شاءالله
ماردت تحس اني ضعيفه من اول يوم
كلت هيج حتى تعرف اني مسيطرة
وعادي عندي
بس جان مبين على وجهي غير شي
جنت كوه احجي ومرتبكة
ضلت تحجي الحجيه امها واني ساكته واهز براسي
تسولف ع بناتها
الي افتهمته عايده اكبر البنات وجانت تدرس واصله سادس ادبي وكاعده
وياهو الي يتقدم الها ترفضه لو متصير القسمه
دكول يحجون عليها ويرحون
بس متعرف شنو السبب
واخواتها الاصغر منها مزوجات وهي باقيه
وتخاف لا يفوتها القطار لان دكول دخلت ب ٣١ سنه يعني اكبر مني بسنتين هي
طلع حمزه كال
-خوية ام ايلاف ابو ايلاف يكول يله نروح
الحجيه كالت ضلوا ع العشه
كتلها مشكوره خاله
كومت بناتي الي كاعدات ولا تحركن ابد
لان اني معلمتهن اذا نطلع لغير بيت
يكعدن بمكانهن ومايتحركن
سلمت ع الحجيه وترخصت
وابتسمت بوجه عايده مع السلامه
وهي ضلت تلبگ مع الف سلامه عيوني
جنها ممصدگه
طلعت وهي طلعت وراي
تلاكينا اني وسالم بالكراج وهي واخوها وامها وصلونه لباب الشارع
انتبهت عليها تباوع لسالم وتتبسم
وهو شافها ودنك
شكد خفيفه هاي البنيه يربي
صعدنا بالسياره
اباوع ع وجه سالم يضحك ومنطلق شغل مسجل ويدندن
كال ها عجبتج مو
صراحه تموت ولا تخيلتها هيج حلوه
لا وانوب مبين عليها بشوشه وجها يضحك
صح لولا
عطت بيه انت شنو ماعدك احساس، متحس
كافيييي كافي عجبتك بالعافيه عليك
-شبيج ولج لسانج طولان ها
شنو متعجبه راح ازوج عليج
تره كلش عادي
-اي عادي عندك لان متحس بغيرك اهم شي تسعد نفسك ميهمك مشاعر غيرك
-لو ميهمني جان ازوجت بله علمج بالسر بس، اني واضح وصريح ومااحب اسوي شي من وراج
-كافي سالم رحت وخطبتلك بعد كف ياخة مني ومن بناتيى
روح ازوج بعيد عنه
حس بيه تره مجاي اتحمل
-تتعودين حبيبتي
-الله كريم الله قويني ويصبرني ع مابلاني
