#ام_البنات
بقلمي ام مصطفى
البارت التاسع
شنووو شكلتي هيفاء
لااااااااءءءء عفيه لاءءءءءء
سالمممممم ساللللمممممم
يمةةةةةةةةةةةةة
ابو بناتييي يمةةةةةة انهجم بيتي
كمت املخ بروحي، تملخ واصرخ
مدري شلون لبست عباتي وطلعت اركض بالشارع
اوكع واكوم والجوارين يركضن وراي
سالمممممممم
انهجم بيتي بوية هسه صدك انهجم بيتي
اركض واصرخ انهجم بيتي سالم لا فدوه لا تيتم بناتي
السوك جان قريب علينا مسافة ربع ساعه مشي،
اني سويت الكريق دقايق اركض واصرخ اركض واصرخ
والناس كلها تتفرج علي
مثله المخبله اصرخ
لحد مشفت لمة من بعيد
تقربت جانو ملتمين ع سيارته
سمعت صوت عقيل يصرخ
خووويه ابو ايلاف ولك كووم سالم
كمت ادافع بين الرياجيل
حتى اشوفه. لحد ماشفته وياريتني ماشفته
جان مضروب براسة ومطشر قبق راسه كله وضال ع كعدته بالسياره بس راسه
عاوجه
والسياره مليانه دمايه
يعني من طلع اول مصار الرمي الساعه سبعه للعشره هو بمكانه محد شاله
لان الامريكان جانوا محاصرين المكان
بقوا مدري كم ساعه يله راحوا
وهو صفه دمه ...
تقربت منه سالمممم كوم عليك الله سالم يمةةةةة يمةةةةةةة
واصرخ بعلو صوتي
لاءءءءءء
جرتني هيفاء، الي تركض، وراي ومتلحك
جرتني هي، وجيرانه
ولجن عوفني خلي اشوفه
نزلوه من سياره وخلوه بسيارة عقيل ليوره
وكلها تصيح لا اله اله الله
واني اصرخ
رجعني للبيت مصدومه امشي واذكر شلون يجيني بالليل يتوسل بيه
شلون تغير اخر ايامة وياي
قبل لا يزوج جان ضالم ويضرب ويغلط
وحارمني من كلشي
بس من ازوح اتغير
يمكن جانت عقدته الولد وفك عقدته
كمت الوم بروحي انوب واعض اصبع الندم
وين اروح من الله حرمته من حقة
كمت ادك ع روحي ارجع سالم وازوج عشره ارجع
طبيت للبيت لكيتها تصرخ
لزمتني من ثوبي حليمة شبيه سالم
شبيه
مات سالم راح سالم عايده
لا الج ولا الي راح بعد صفينه بله رجال بله سند بله ضهر،
مات سالم وكمت اصرخ حيل
اباوع ع بناتي يصارخن بابا بابا
ولجن يمةةة راح ابوجن صرتن يتامة والناس راح تتصدق عليجن
والك سالم رد لا تيتم بناتك
فقدت كلش، صدمة عمري جانت كلشي متوقعة اله هاي ماتوقعتها سالم يموت
شويه وطبن خواته وحده وره الخ
ويتصارخن ويملخن بروحهن
واني كلما تجي وحده اكابلها
واصرخ وياها
للضهر جابوه بتابوت
خلوه بالبيت
طحت ع تابوته احلف بالله سامحني اني وحده انانيه سالم محالل وموهب ومبري الذمة
بس انت هم ابريني الذمه اني منعتك مني
احجي بصوت عالي وكلها تسمعني وتصرخ
سالم ارجع وازوج عشره بس خليك فوك راس بناتي
بناتي جيتن ع التابوت انفال تصرخ بابا
شفتها وكتله سالم هاي انفال عزيزتك
تموت تره وراك اكعد حاجيها
