#ام_البنات
بقلمي ام مصطفى
البارت الاخييير
مهند....
قررت اتخذ قرار واخطب ايلاف
وانسى كل الي صار ولو صعب عندي
بس ان شاءالله اتعده هاي المرحلة وانسى كولشي
رجعت لبيت عمي كبل
دخلت الهم لكيت ايلاف بالمطبخ تسوي عشه وعمتي كاعده تكصص بتيتة يمها
سلمت
مساء الخير شلونكم
عمتي ردت بوجه ثكيل
وايلاف ماجاوبت بقت تكلي وخاله وجهه بالتاوه مالت الدهن
كلت ايلاف
تقبيلن بيه لو تقدمت الج
بسرعه دارت وجها وباوعتلي متفاجأ
-اسئلج كدام عمتي اذا تقدمت الج تقبلين بيه
ابتسمت وهزت راسها ايي
ابتسمت بوجها شكد ارتاحيت من بسرعة جاوبت
درت وجهي ع عمتي
عمه اذا اتقدم لايلاف توافقين
-شلون مااوافق وامنية حياتي تاخذ، وحده من بناتي وين الگة مثل اخلاقك وطيبت گلبك
اني ربيتك ع ايدي واعرفك زين..
جريت نفس واني مرتاح احس هم وانزاح من كلبي
احسن خطوه سويتها ومراح اتندم عليها
خطبتها ولا تضيع مني والعمر كله
ابقى متندم عليها
-عمة لعد باجر خطوبتنا ان شاءالله
ايلاف: هزيت راسي واني فرحانه ايي ايي
اتمنى اليوم مو باجر اريد اعوضة عن كل الي فات
اباوعلة شلون فرحان وهادء
سبحان مغير الاحوال طلع مقهور وعصبي
ورجع العكس
الف الحمد للة والشكر ياربي
....مهند.....
طلعت من بيت عمي لاهلي
لكيت ابوي عصبي وضايج
شافني لك انت تخبلت وخبلتني
شنو متريد البنية وشنو ماتزوج
شجاك كولي
-يابه خلص بعد اتفقت وي عمتي الخطوبة
امي سمعت هلهلت
ايي صلوات كللللووووش
هيج وفرحني يمة
عقيل: والله انت مو صاحي خبلتني
شجاك
هيفاء: عين وماصلت ع النبي ابو مهند
هاي من العيون
يراد اسويلك تعويذه
-هههههه اي والله يمه سويلي تعويذه
-فدوه اروح لضحكتك اي هيج ارجع مثل قبل صار شكد مشايفتك هيج فرحان
شجاك يمة
-الله كريم يمة
ضلت تهلهل امي
-كافي يمة باجر الخطبة مو اليوم خليني فرحانه يمه بيك
-الله يحفظج ويطول عمرج
ايلاف..
سمعت عمتي تهلهل
وطرت فرح يعني كللهم
خجلت وركضت اغرفتي
سديت الباب وافتر بقيت بالغرفة
الفرحة ماشايلتني واخيرا سامحني
جنت متأكده مراح تعوفني
انتبهت ع نفسي شكد فرحانه
يعني شكد احبة
دخلت سولاف
ها شكوو فرحانه
لج شنو مسمعتي الهلاهل
-يا هلاهل مشوفيني طالعة من الحمام مسمعت
لج مهند راح يخطبني واخيرا سامحني واخيرا اخذ موقف
الف مبروك الف حبيبتي
ربي يسعدكم
كتلها باجر من الصبح لازم اكعد حتى اجر فستان للخطبه واروح للصالون مناك
بس ليش هالكد مستعجل
جان اطانة مجال نشتري ملابس ع الاقل
مااعرف كال باجر واني ما مانعت
سولاف كلش فرحانه اني راح اطير من الفرح
-هالكد كمتي تحبي
-مو بس احبة اريد اعوضة عن كل الي صار وفات
-ان شاءالله
