#ام_البنات
للكاتبة ام مصطفى
ج٢
البارت السابع
انفاال
رجعت للبيت شلون وشوكت ماادري
فتحت الباب امي بله مااحجي وياها بس اذكر شفتها
صعدت للغرفة مثل الرجل الالي يمشي
صاحت امي ليش راجعة من وكت
انفال شكوو شبيج
مالتفتت ولا حجيت كلمة
كبل شمرت الملازم والجنطه قفلت الباب علي وشمرت روحي ع الجرباية
شكوو دمووع شكوو قهر طلعته
ابجي وابجي وابجي متتت
امووت انفال
لا اني اموت ايهم
صعدت امي دكت الباب دكت مفتحت ولا جاوبت
اطياف هم دكت الباب
بقيت ع نومتي
سولاف
رجعت من المستشفى لبيت عمي
اخذت ليان وجان اشوف طفل عمرة ٣ سنوات تقريب
عمتي تلعب بيه
عمةة هذا منين الطفل
كالت هاا هذا ابن كرايبي اهلة سافروا وبقوه يمي
شنوو معقوله احد يسافر ويعوف طفل بهيج عمر
اي اي مو رايحين علاج
زين ماعنده خوال عمام بيبيه
لا عنده بس اني تبرعت ابقيه يمي
هااا الله يجازيج خير
شبت لييان صاحت ابقي تغدوا هنا
لا عمةة احسان ع جية اروح احظر غداه
اها الله وياكم
صعدت بالتكسي ورجعت لبيتي
دخلت شفت سيارة احسان بالكراج واصل قبلي
فتت اسمعة يخابر
يعني شنوو تلوي ذراعي تريد
اندار شافني يله يله مع سلامة مالي خلك تعبان بعدين نحجي بالموضوع
استغربت باوعتله باستغراب
منو هاي تريد تلوي ذراعك
وحده طالبةة عندي دائما تتغيب بالمحاضرات وعاقبتها وهسه موسطة عميد الكلية
عوفينه منها انطيني ليونه وغيري ملابسج وصبيلي غدةةميت جوع
صار تدلل
اطياف
امي دزتني اصيح ايلاف من بيت عموو عقيل لان انفال مدري شبيها متجاوب وقافلة الباب عليها
رحت ع السريع دكيت الباب
طلع جعفر
تبسم هلو اليوم منين طالعة الشمس
هلو جعفر شلونك
زين الحمد لله اليوم ممداومه شنوو
اي اجتماع عدعم ورجعونه اها
فتت جوه وهو وراي يمشي
كتله ايلاف فوك
لا جوه بالمطبخ هي وامي
هاا
دخلت للمطبخ
شافتني ايلاف ها طيوفة
سلمت ع مرت عمي
ودرت وجهي ع ايلاف
اكولج امي تريدج
هسه جاي اسوي غده للولد
تعاي هسه بسرعة تريدج
شكوو شصاير
انفال مدري شبيها رجعت وقفلت الغرفه عليها ونحجي وياها مترد
ياا شجاها
باوعت ع عمتي هيفاء
عمةة اروح
اي روحي ماعدنه شي اني اكمل
زين راح اخذ حسون بيدي وياسة نايمة
يله بسرعة ولا تتاخرين
جبت ايلاف واجيت سريع
انفال
دكت الباب ايلاف
انفال افتحي الباب شبيج احجي شجاج
مكدرت ارد مختنكة ومااريد تشوف امي ضعفي اني وعدتها راح اكطع علاقتي بيه
بقت تلح
انفال بس احجي انت مابيج شي
مسحت دموعي وجريت نفس
ايلاف روحي مابيه شي بس اريد انام واختلي بنفسي تعبانه عوفوني رجائا
زين بيج شي احد وياج
لا محد وياي روحي ايلاف اني ارتاح وانزل وحدي
ها زين
ايلاف نزلت لمي
كتلها يوم عوفها نفسيتها تعبانه هالايام
عود ليش هيج تشلع كلبي انفال ليش!تحسيني اني وكفت بطريق سعادتها
يتريتني اموت واخلص
كعدت امي تون عساني اموت واخلص ياربي تعبت
هنيالك سالم متت وارتاحيت
وعفت علي حمل ماينحمل
دك المبايل
اطياف كالت هاي خالتي عايدة
شتريد هاي هم الله يستر
يمةة عوفيها لا تجاوبين
شلون مااجاوب خاف صاير شي جيبيه
اخذت المبايل
الو
هلة ام امير شلونج عيوني
حليمةة شكو مشغله ابني بالكوفي شوب
مكافاج فلوس سالم والبيت والمحل تالي اخذتي ابني مني تشغليه يجيبلج فلوس
انت ربج متخافيه طفل تخلينا يشتغل وي الحشاشه والمدمنين
انت متخافين الله
ع كيفج عايده اني ممشغلته واصلا ماقابله بس هو معند شسويله
معند غير انت تتبجبجين يمةة ماعدج فلوس ادفعين بيه يشتغل
حرام عليج طفل خلي يلتهي بدروسة
والله اني احرص واحد عليه واذا تردين احجي انت وياه بلكت ياخذ كلامج
وين ياخذ كلامي انت صار سنين تحشينه علي كرهتيه بيه الله لا يوفقج
عايده مالي خلك تره البيه كافيني
ابنج خابريه واحجي انت اخذيه يمج اني هم تعبت والحمل جبير علي
وسدته امي من عايده
مع الاسف ربيت وتعبت وعلمت وسهرت
وضاع رباي وياكم
تجري الرياح عكس ماتشتهي السفن
يمةة لا تسوين هيج بنفسج
الله يخليج النا انت ماقصرتي ويانه
لا جني قصرت وماعرفت اربي
لا يمةة مع الاسف ليش هيج دكولين
وجن موتني تعبتني صدك الي كال هم البنات للممات
وجملني ابن سالم هم ليش هيج يسوي حقها امه من تضن بيه اني دازته يشتغل الي
انفال
بقيت لليل بالغرفة
لا طلعت ولا فتحتها
من البجي نمت وكعدت هم بجيت ياريتني اموت اخلص
اصعب موقف انخليت بيه
كرامة امي وكرامتي مقابل حبي لايهم
هسه لو تظل ع كرامتي ميخالف
بس امي شنو ذنبها تنذل بهيج عمرها
يارب انطيني القوة
سمعت صياح بالبيت صوت مهند يعيط ويصيح
وايلاف تصرخ
ركضت فتحت الباب ونزلت اركض اشوف شكوو
مهند
اول مرجعت للبيت
سئلت ع امير كالت ايلاف ماجاي بعده بالدوام
دك ايهم علي كال رايح للموصل وبعد ماارجع ابد
يمعود شبيك كول غيرها
انته كولشي مهند بعد ماعندي شي ابغداد
ولا عندي شي اخاف عليه حتى روحي زهدتها
يمعود شبيك انت كول يا الله
مهند مع سلامة وابريني الذمة
ولو صارلي شي خطيتي بركبة اهلي الي وكفوا ضدنا
مع سلامةة وسلملي ع انفال
هاي تحجي صدك والك ايهم
سدة مني رجعت دكيت عليه مغلق
روحي طفرت عليه
ايهم مثل اخوي معتبرة هواي احبةة
التفتت ع ايلاف والله لو يصير لايهم شي
مراح اسماجن كلجن
ليش شصار
اطلعي وخري مني سويتن حزب عليه امي وامي عبالك امجن معصومة
شبيك مهند اول مره هيج تحجي علينا
اطلعي وسدي الباب وخري منا ترة الشياطين تتكمز كبالي هسه
كمت اكلب بمبايلي الاوضاع كلش متوترة بالموصل وشهداء وضحاية كلش هواي جاي توكع
لليل صليت وتعشيت وافتريت ع بيت عمي
اشوف امير
كالت اطياف مجاي يجوز راح للشغلة
اني منا روحي طافره وهذا كسر كلمتي
طلعت بوجهي للمكان الي يشتغل بيه
رحت لكيته كاعد ويشرب اركيله
جان الزمة بوكسات واسحله واصعدة بالسيارة
وجيبه للبيت واكمل عليه
كتله حتى مدرسة بعد ماكو صار صياح عمتي تهدي بيها واهلي اجو كتلهم ع جثتي لو طلع بعد باب البيت
وللحكاية بقية
ام مصطفى
