#ام_البنات
بقلمي ام مصطفى
البارت الواحد والعشرون
هاا
-طلع مهند
لزمتها كولي والله
-لج والله العظيم
نزلت اركض بله شعور
انتبهت ع نفسي مالابسة حجاب
رجعت لبست عبايه من امي وحجاب
ونزلت سولاف
رحت لبيت عمو اركض
بدون ماافكر شلون راح تكون ردت فعلة من يشوفني
بس والله فرحتي شكبرها جانت نسيت كولشي
دخلت للبيت جان الباب مفتوح وصوت الهلاهل تارسة البيت
شفته واكف وصايرين داير مدايره
بقيت واگفة خجلت اتقرب منه
سولاف اجت وراي
مهند صاحت بصوت
الف الحمد الله ع سلامتك هسه نور البيت والدنيا كلها نورة بطلعتك
باوعلها وباوعلي
الله يسلمج
جان شكله تعبان ولحية ولحية خفيفه بوجهه مو اسبوع عبالك سنه
اكو اثار ضرب ع وجهه
ضليت صافنة بوجهه كأنما اول مره اشوفة
الحمد لله ع السلامة مهند
-الله يسلمج بنت عمي
ودار وجها يحجي وي سولاف
ولا عبرني
رجعت ليوره ابجي وامسح بدموعي
ضليت ارجع ليوره لحد ماوصلت لباب الحوش وطلعت
رجعت البيتنه صعدت فوك واني ابجي
اي ايلاف لعد شتردين يستقبلج بالاحضان
مو خلف الله علي ستر علي والحد هسه ساكت
الي سويته وياه مووقليل
غمضت عيوني واذكر كل مواقفي وياه
ماكو موقف يشفعلي يمة
من صغري لهذا اليوم ضالمتة
بقيت افوك ساعة احمد الله ولشكره لان طلع
وساعة اعض اصبع الندم ع الي سويته وياه
تأخر الوقت ومحد رجع
كلها تحتفل بمناسبة طلعته واني
منبوذه احس محد يريدني
...... مهند........
صعدوني بالسياره وشدو عيوني واديه
ومشت بيه السياره تقريب ساعة
لحد ماتوقفت ونزلوني بالضرب والغلط
دخلوني الغرفة
ودخل اثير علي
فتح عيوني وعاف ادي مربطه
وضل يضرب بيه ويغلط
جنت ساكت الموقف موومال احجي
لحد مافشر ع ايلاف هنا صرخت بيه
احترم نفسك لا اجيب اسمها
ركض ضربني دفره برجلة ع حلگي
ضل حلكي يجري دم
وضل يضرب
لحد ماتعب وطلع
كال اله اخليك تخيس هنا
وكعت من كد الضرب
دخل الضابط علي
كال وين وكعت يمعود
شورطت روحك
كومني
وفتح اديه
وجابلي مي كال غسل غسل
احجيلي الصدك والي صار
حجيتله
كال يعني قضبة شرف
كتله اي
كال بس هو غير شي مدعي عليك
كتله خلي بعد احسن مااريد ينجاب طاري بنت عمي
كال هاي هيه
صاح اخذوه
اخذوني للسجن الانفرادي
ضليت اسبوع كامل بيه
لحد مااجو طلعوني
الف الحمد للة
قبل لا اطلع اطوني مبايلاتي
الي اخذوهن مني
مبايلي ومبايل ايلاف
اخخخ اول ماشفته رف كلبي عليها
شلون اكرها ماادري
صدك عمر الي يحب ميكره
طلعت واشوف ابوي وعمي منتظريني
دمعت عيوني عبالك مفاركهم سنين
ركضت حضنت ابوي وهو يبجي واني ابجي
بويه اشتاقيتلك
هله بيك بوية ياشمعة بيتي
صعدنا بالسياره ورجعت
لكيت الكل منتظره
ضليت اباوع وادور عليها بعيوني
بس ماكو
شوية وسفتها واكفة جانت ذبلانه والحزن ماخذ من ملامحها
كالت الحمد لله ع السلامة
جاوبتها ابرود
ودرت وجهي لسولاف
مااعرف ليش من شفتها كرهتها
جني شفت ذاك الحقير بوجها
احس نفسي مجاي اتقبلها
رغم بعدني احبها
طول الوقت بالسجن واني احن الها
بس من شفتها تغيرت مشاعري
مااعرف شجاي يصير وياي
بس الي اعرفة مستحيل بعد
افكر ارتبط بيها
لان ادري بيها متحبني
ومااحب افرض روحي عليها اكثر.....
طلعت وراحت لبيتهم
وبقوا البنات وعمتي يمنا وحتى امير جايبيه بالعربانه
بقوا محتفلين لنص الليل
اني زينت ودخلت سبحت
وطلعت كعدت يمهم
للساعة ثنتين يله فرغنه
صعدت نمت بغرفتي
اذكرت مبايلها
كمت خليته ع الشحن وفتحته
وكمت اكلب بالرسائل
لكيت مسميته حبيب الروح
نار شبت بكلبي وكمت ارجف
فتحت نت بيه اجتني رساله
منه
لج تهدديني والله ومو تبجين وتتهددين
مااطلعه لو تموتين اله اتسوين الي كتلج عليه
