#ام_البنات
بقلمي ام مصطفى
البارت الرابع عشر
بوعتله بنضرة تعجب
ابتسملي وراح كعد ليكدام يم الولد
مااعرف بساعتها
شصارلي شعور مااعرف اوصفه
لا ضجت منه ولا فرحت
بقيت مصدومة اول مره هيج يجرأ ويحجي وياي
صح اعرف عينه علي بس ماتوصل
يكولي احبج وحسي ويعترفلي
الي اعرفه مهند خجول كلش
حتى من يباوعلي وانتبهله يدنك
تفاجأت بجرائته هالمره
ضليت ساكته بعد ماجنت اهوس واصفك وياهم
حتى البنات انتبهولي
كالت منار بنت عمي
شنو ايلاف تعبتي
التفت مهند عليه
وهي دكول شو سكتي وصفنتي شبيج
اني عين عليه يتبسملي وواثق من نفسه
وعين ع منار
كتلها لا بس دخت شويه
-يمعوده هو انتي اليوم كشخت العرس
وضحكته يله ارجعي هوسي هي بس اليوم منجمعين
كتلها اوكي
وكلللللوش
مهند يباوعلي ويضحك مكيف
واثير يدگ
بقيت محتاره شسوي
دزيتله رساله مااكدر احجي اني بالزفه ويمي البنات
رد
اوكي انتظرج
رجعنا من الزفه ونزلت العروس وهم تلكوهم هلاهل وهوسات
والولد تهوس من نزلوه وضلوا يرمون خبصوا الجو
كمنا ناخذ صور جماعية كولنه
عاد مهند صاح ايلاف
كتله ها
ممكن صوره اني وياج
بقيت صافنه
انعكد الساني مدري ليش،انقهرت عليه
كتله عادي اكيد
وگف بصفي واخذ سيلفي
كال احلى صورة بجهازي
عفته ورجعت ليوره
مااعرف ليش ساكتتلة يمكن عطفت وانقهرت عليه
اووو هسه هذا يشوفني سكتت عباله قابله بيه ويلطشلي فد لطشه
سولاف: شفت مهند ياخذ صوره وي ايلاف ومبتسم وهي هم
انصدمت هاي البنيه راح تخبلني
مو تحب اثير
شكو لعد اليوم جلبت وي مهند بالزفة شفتهم يسولفون
وهسه تاخذ سيلفي
والله خبلتني
صافنة وعلاء ابن عمتي كمزني
وين صافنه بصوت عالي
-خرب بليسج والله كمزتني
لج وين صافنه
متاكلين العشه كبالج وصافنه
-حسبة ابالي وصافنه الها
ضل واكف يشاقي ويضحك
التمن البنات ع ضحكة وجرولهم سالفه
شويه ودخل ايهم مال راح يزفوه دخلن العروس الغرفتها
وسون طريق للولد يزفونه
كلنا ركضنا
دخلوا العروس
وشويه ونسمع صوت الهوسات
زفينا بصاية حيدر زفينا
دخل بالغرفه وضلوا يهوسون ولد عمي بالباب وعماتي وعمامي شكد حلوه
طلعوا الولد الغربة وكلها نزعت الستر وكامت تهوس بيهن
عاد دخلنة وياهم نهوس
الولد يقرون هوسات واحنه نكمز
جان احلى يوم كلش حلوه اعراسنا ونحب لمتنا
رجعنا للبيت تعبانين هلكانين همزين جانت عطله باجر جمعه
نمنا للضهر من كد التعب
ركصنا ونكزنا كومه
كعدنا ع صوت امي ولجن يمة اكعدن عاد تغدن ورجعن نامن مايصير،فاتتجن وجبت الريوگ وهسه الغده هم
كمنا غسلنا وجوهنا لكينا امي خطية
بس هي وامير واطياف كاعده ومسوية غده النه وحاطته وكاعده
صدك كعدت ميته جوع
ايلاف:عاشت ايدج ماما والله ميته جوع
-يمة اكلي الف عافية عليجن
-ماما العرس يجنن جان
سولاف: اي والله شكد حلوه لمة الاهل خصوصا بالفرح
-ربي يجمعكم يايمة ع خير وان شاءالله يوم الافرح بيجن وبامير
