هزيت يديا نمسح في دموعي ...حبست وقت جبدني من التالي ...تلفتت غزرتلوا ..و بعدت عينيا ...جبدني عندو عنقني ...زدت قويت فالبكا ...
أمير؛ ششششش خلاص سامحني
جبدت روحي غزرتلوا
اليف؛ أمير صحيح جرحني ... و زادة هدرتوا مزالت ..أما شي أقوى مني يخليني نعمل هكا...نحبوا أمير رغم كلشي نحبوا ...الحب اللي يخلينا نتنازلوا هكا ... مهما تغزلت منو ...منجمش نتحمل يصرالوا شي ... نعاقبوا وي ...مي موش بموتوا ... نموت أمير والله نموت كان يصرالو شي ...
أمير يحكي :
جبدتها عندي ...نسكت فيها ...فاللخر عندها الحق ...العاشق أعمى ...الحب يخلينا نتنازلوا ... خاصة وقت يبدا اللي نحبوه ... يتعذب ... غمضت عينيا ...طلعت راسي غزرت للفوق ... تعبت من الحكاية هاذي .. نتمنى موتو داخلي ...رغم كلشي نحبها راني ... افففف شبيني نخمم اكا توا ...بعدتها عليا شوي ...
خبرتها اللي أنا عيطت للطيار متاع العايلة ... شوي وقت و طرنا ....خبرت الرجال متاع عايلة المالكي يكونو الكل على تأهب ..خاطر روحتنا لدزاير توا .. فيها ريسك كبير ... خاطر كي وصلوا لأوس ...تسما دزاير ولاات ملعبهم ... واحنا رايحين ليه ... وقت كهو و وصلنا ... طلبت تروح للكلينيك ديراكت ...خذيتها دخلت تجري تفركس عليه ...دوب ماسقسات متاع الريسپسيون ...طلعت تجري ..نساتني جملة اللي جيت معاها ...
اليف تحكي :
طلعت نجري ليه ...نسيت الحبالة جملة ...وصلت لقيت كيم هديل ...لؤي زادة قاعدين ...حالتهم متطمنش
كيم؛ شتعمل هاذي هونييي
هديل؛ كيم اهدا
اليف؛ كيفو توا ؟؟
لؤي؛ مزال مخرجوش الطبا عندهم 5 سوايع
قدمت للبلار نغزرلهم ..قلبي باش يخرج ... خبرتني هديل اللي أمو و بوه زادة فالكومة ... تكيت عالحيط ناخوا نفس ... خايفة برشا ...باقية لافة يديا على كرشي... ندعي كهو ... دوب ما خرج الطبيب ... نطرت ليه
اليف؛ كيفوا ؟؟؟
الطبيب؛ تعرض لجروح خطيرة ...و كسور فاليد ..و ...
اليف؛ و شنوووووة !!
الطبيب؛ الزجاج متاع الكرهبة دخل برشا في عينيه ...احتمال كبير مينجمش يشوف
اليف؛ شنوووة !!!!
الطبيب؛ نحيناهم الكل أما تجرحت القرنية متاعوو ..
لؤي؛ هو باش يفيق موش هكا
الطبيب؛ يتنحا تأثير البنج و نشوفوا ..
خرجو الطبا من غرفة العمليات متاع بوه و اموو
هديل؛ دكتور كيفهم
الطبيب؛ نجمنا ننقذوا المرا ...اما
كيم؛ و عمي محمد
الطبيب؛ البركة في حياتكم
حطيت يدي على فمي ...نحاول نستوعب ...بوه مات !!!!! ... نحس اللي راني في كابوس ... الدنيا بدات تظلام في وجهي ...لين ما عاد حسيت بشي
⏩⏩⏩⏩⏩⏩⏩⏩⏩⏩⏩⏩⏩⏩⏩⏩⏩⏩⏩⏩
#يسرى_أمجوج
#خطوة_نحو_الجحيم
أنت تقرأ
خطوة نحو الجحيم 4 (باللهجة التونسية)
Actionاليوم ..... تعداو برشا حوايج ... وين جامي توقعت نوصل هوني .. ولا تكون حياتي كيف هكا ... صح نحب المغامرات من صغرتي ..أما مغامرة كيف هكا متوقعتهاش ... خاسرة و لا رابحة ...ظالمة ولا مظلومة .. مليحة ولا خايبة ..منعرش بالضبط واش كنت ... يقولوا اللي الح...
