الحلقة 122 :
ركحت السلاح هزتوا في وجهي
سيرين؛ و باش تموت و انتي تسمع شباش يصير . ... باش يبقاو في زوز يتعذبوا ... اختك و هو .. لا اختك زادة شتعيش الشي اللي عشتوا
اليف؛ كان حبيت تنتقم انتقم مني انا موش قلت أنا السبب
سيرين؛ هههه خفت على اختك ... أنانية انتي أناااااااااااانية
غمضت عينيا ... وجعيتي الللي تعدات عليا فهاذ السنين تلخصت في زوز رصاصات خرجوا من بين يديا ... حليت عينيا وقت شفتها كي حطت يدها على بلاصة الرصاصات و طاحت الروب صارت حمرا بدمها ...طاح الفرد من يدي ...رجعت بزوز خطوات للتالي .. حسيت بيه كي نزل هز الفرد و جبدني من كتفي ... باقية نشهق ... هو يجري فيا و انا كل مرة نتلفت نغزرلها كيف غارقة في دمها ..ركبني الكرهبة وقلع بيها
..........................
وقفنا وقت سمعنا صوت الرصاص ..غزرت لإلين و خرجنا نجريو باقيين نفركسوا عليها ...لين وصلنا الجاردان ...ريتها فلرض ....رحت نجري حطيت يدي على كرشها ... نحاول نوقف الدم ... تلفتت نعيط على الين تعيط للإسعاف ...باقية شادة راسها و تعيط ...جا العساس يجري ...عيطلهم ...باقية كابسة عالجرح ...دموعي محبسوش
هديل؛ لليييف عيش اختي قاااااوم أمااانك
هزيت عينيا كي حطوها فوق النقالة ...رحت نجري جبدت الين من يدها و طلعنا معاهم ... باقية مصدومة منجمتش حتى نواسيها ....خايفة على اليف ...حتى أوس منجمتش نعيطلوا ...دوب ما وصلنا هبطوها ... دخلوها طول لل urgence الين طاحت زادت ... تلفتت نجري ليها ..جاو زوز فراملة هزوها زادة ... غمضت عينيا نمسح في دموعي لازم نعيط لأوس .... رحت نجري للريسبسيون ... دوب ماوصلت لقيتوا داخل مع لؤي و كيم ..سراج و أمير زادة راحوا يجريو للريسبسيون يسقسيو ...غزرلي أوس جا يجري...حكمني من ذراعي ...
أوس؛ وينها!! أمانك قولي اللي خاطيها هي هديل لالا !!!
نزلت راسي... منظروا يقسم القلب ...أول مرة نرا أوس هكا ... خبرتوا اللي هي فالعمليات و الين زادة يفحص فاها الطبيب طلع يجري... لحقناه باقي يغزر من البلار.... طمنا الطبيب على الين اللي صراتلها صدمة كهو ...هزيت راسي وقت أمير حكم أوس من الكول متاع الشوميز
أمير؛ كلوووو بسبابك جامي تنجم تحميها .... ماكش قد للمسؤولية ..
جبدوه كيم و سراج ..باقي سراج يهدي فيه ... أوس تايه يغزر من البلار كهو ...
أوس يحكي :
كنت فرحان الفرحة موش سايعتني ... و أخيرا شنكونو مع بعض للخر... ريقلت الكوستيم ... تفكرت هدرتها كي علقت .. تبسمت شاخوا عليا ... باقيين يباركولي بالواحد ... أمير مجاش كاين غير سراج كهو.... خرجنا خدمت الكرهبة نحب نشوفها دوب ما وصلت ... ريت البوليس ملمومين دخلت نشوف شصاير خبروني ... عرفتها اللي هي ... النص مني طاح ... ركبت الكرهبة ... خدمتها و حرڨت الكياس المهم نوصل ... لازم تكون بخير لازم ...
باقي نغزرلها من البلار....
الوقت تعدا رزين ... كل مرة وين نقول وفات ... نلقاها وحلت ...الجحيم اللي رانا فيه كل مرة يغرقنا كثر ...خرج الطبيب ... نطرت نسال فيه
الطبيب : حاولنا نعملوا اللي نجموا عليه اما للأسف مرتك معادش حبلة .....
⏩⏩⏩⏩⏩⏩⏩⏩⏩⏩⏩⏩⏩⏩⏩⏩⏩⏩⏩⏩⏩
#يسرى_أمجوج👑
#خطوة_نحو_الجحيم 🔥
أنت تقرأ
خطوة نحو الجحيم 4 (باللهجة التونسية)
Acciónاليوم ..... تعداو برشا حوايج ... وين جامي توقعت نوصل هوني .. ولا تكون حياتي كيف هكا ... صح نحب المغامرات من صغرتي ..أما مغامرة كيف هكا متوقعتهاش ... خاسرة و لا رابحة ...ظالمة ولا مظلومة .. مليحة ولا خايبة ..منعرش بالضبط واش كنت ... يقولوا اللي الح...
