الحلقة 118 :
سيرين تحكي :
الخدمة كانت عادي ... جود دايما في جنبي صحيح تعب شوي ... اما نجمت نتعود .. اما اكا النهار طحت ... وقت هزتني مدام كريستين مديرتي للكلينيك ... كان في بالي التعب كهو .. و اذيكا الفكرة اللي فقت عليها من دوختي ...وقتها هزيت راسي لقيت الطبيبة هازة في يدها راديو ... من الجيهة الثانية مدام كريستين هازة جود في يدها ...يغزرلي خايف ... تقعدت شوي ... عاونتني الطبيبة .. جا عندي عنقتوا ..
الطبيبة؛ مدموزال سيرين فما كلام لازم تسمعوا و نحب تسمعني بعقلانية مهما كان اللي باش نقولوا لازم تكوني قوية
بعدت شوي جود و قمت ... للحظة حسيت بخوف ... غزرتلها
سيرين؛ ش ش شفمما !!
قدمت بخطوات حطت يدها على كتفي ...
الطبيبة؛ عملنا تحاليل اعتيادية باش نتحققوا من سلامتك ... و زادة راديوات طبقية .. و طلع
سيرين؛ طلعععع شنننننووووة برببببي !!!!
الطبيبة ؛ طلع عندك كونسار فالرحم ...في مرحلة متقدمة ....أما فما فرص للعلاج
سيرين؛ هههه تفدلك موش هكا ... قوليلي اللي انتي تحبي تفجعيني كهو ... قوليلي جيست دوخة قوليلي سكر فقر دم اما متقوليليش كونسار أماااااانك
فما أصعب من لحظة كيف هكا ...توا بالحق نحس في روحي جيت للدنيا زيادة كهو ... واش عندي نخسر توا ... أنا اللي جامي ربحت ... شنخسر توا وقت كلشي كان ضدي ... حتى جسدي اليوم خانني ... نكره قدري ولا نكره روحي ....ولا شكون ... نكره حياتي و نحط حد ليها ... و واش معنى كي نحطلها حد .. فالتالي مصيري باين ... مصير أي وحدة في مرحلة متقدمة من السرطان ...
كلام الطبيبة باقي يتعاود فراسي ... " انتي باش تطون مليحة ... كهو آثق بلي بالإصرار تنجم تتشفى ... لازم تكافح كان موش خاطرك خاطر ولدك ... ولدي إي فالتالي انا توا عايشة كان على جالوا ... تعداو يومين ... ليوم جلسة الشيميو ... متكية فالماشين ... صورة جود كهو بين عينيا ... عديت الشيميو و خرجت ...وجيعة موش نورمال قعدت على أول كرسي عارضني برا ... كانت السبعة متاع العشية ... لحظات و المطر بدات تصب ..قاعدة اكاكا ... منعرش بالضبط شنعمل ... فرصة نجاح العلاج 20٪ ... هاذ الفكرة بالذات تخليني نبكي .. ولدي وين باش نخليه و مع شكون ... فقت وقت ريت رجلين قدامي ... طلعت راسي غزرت واحد واقف بجهامة ..لابس كلش اكحل و هاز سيوانة...
سيرين؛ منحبش نتغطا يعيشك
لوكاس؛ المطر ميغسلش الوجيعة اذيكا تصرا فالفيلمات سيرين
للحظة قلبي دق ... وين يعرفني و من وجهو مبين بلي حاجة كبيرة
لوكاس؛ من غير ما تطلع و تهبط ... نعرف كلش عليك
سيرين؛ شششكونك و و واش تحب ؟؟
لوكاس؛ وجعتك الشيميو نورمالموا توا تروح ترتاح
سيرين؛ مرتاحة مرسي
نحا السيوانة رماها ... و قعد جنبي ... نزلت راسي ... آخر همي توا نخمم شكونو..
لوكاس؛ حياتك الكل عديتها دغفة على هاذي الشي اللي راك فيه توا .. كون من لول عرفتي تمشي ... متوصليش لهوني... هاكي ملوحة حد ما سامع بيك .. ولدك مخليتوا عند عرفك متعرفيشئ اذا باش تكوني معاه غدوة ولا باش يكون مصيرو الميتم ..
هدرتوا خلات العصب يركبلي .... وقفت قابلتوا
سيرين؛ اسسسسككككككت شمدخلك في حياتي أه ... شكونك انتا باااش تدخخخخل فيييها ... اي صحيييح كنت دغفة و بهلولة ... و الكل رماااني ... صحييييح توا ملوحة حد ما يسقسي وينها سيرين ... كاني موش موجودة .... من اوس و روح .... أصلا منيش نستنا فيهم باشس يسقسوا ... كون جا عندي أمل كون راني معاهم ... لااا هوما موش موجودين في حياتي ... مفمااااش مفمااش مفم .......
داخت ...
⏩⏩⏩⏩⏩⏩⏩⏩⏩⏩⏩⏩⏩⏩⏩⏩⏩⏩
#يسرى_أمجوج
#خطوة_نحو_الجحيم
أنت تقرأ
خطوة نحو الجحيم 4 (باللهجة التونسية)
Aksiyonاليوم ..... تعداو برشا حوايج ... وين جامي توقعت نوصل هوني .. ولا تكون حياتي كيف هكا ... صح نحب المغامرات من صغرتي ..أما مغامرة كيف هكا متوقعتهاش ... خاسرة و لا رابحة ...ظالمة ولا مظلومة .. مليحة ولا خايبة ..منعرش بالضبط واش كنت ... يقولوا اللي الح...
