الحلقة 116 :
اليف؛ منعرش اما أكيد فما شي ... انتا توا ارتاح باهي .. هاني برا
أوس؛ اقعد معايا متروح لحتى بلاصة
اليف؛ أما
قص علينا كي دخلت أمو... غزرتلي و تلفتت غزرت لولدها ... قمت من بلاصتي ... غزرلي .. طمنتوا بعينيا و خرجت ... تكيت للتالي تاعبة خلاص .. منعرش اما نحس في روحي مهدودة ... كل شي يضغط عليا ... من جهة اوس من جهة الحبالة ... أمير و سراج اللي اكيد وراهم شي ..هزيت راسي وقت ريت هديل واقفة قدامي ...
هديل؛ صافا ؟
اليف؛ مليحة عيشك و انتي
هديل؛ صافا حمد الله
اليف؛ حمد الله
هديل؛ هه شبينا نحكو بالرسمية هاذي الكل ياخي
اليف؛ هههه منعرش
هديل؛ ايجا هوني
عنقتني .. تبسمت رغم كلشي تعدا ... توا رانا نحكو... اللي تعدا موش ساهل ... اصلا متوقعتش انو نولوا نحكيو ... جبدت روحي شوي ...غزرتلي...
هديل؛ شبي وجهك صفر اكا ؟
اليف؛ شي تعب الحبالة و أوس
هديل؛ تعب شننوووة ؟؟ يااااا بالحق حبلللللة !!!
خبطتني على كتفي
هديل؛ فرخخخخخة علاش مخبرتنيش !! قداش عندك ! و بنية ولا طفل ؟ أوس في بالوا ؟ و
اليف؛ هههه تي اهدا هديل ...
هديل؛ ههه تحمست
اليف؛ عندي شهرين قريب 3 أشهر .. و نورمالموا توأم حتى نتأكدوا بالإيكو .. و أوس نهار عرس...
وقفت على كلمة عرسوا ..، منعرش علاش منجمتش نقولها ....باز خاطر هاذ النهار بالذات جرحني فيه ... كان نقطة التحول فعلاقتنا ...هزيت راسي وقت حطت يديها على كتافي ... تواسي فيا ...تبسمتلها ...
هديل؛ اليف صحيح صرا اللي صرا بيناتنا ... اما شي واحد باقي مؤكد .. انو اوس حبك و مزال يحبك ... و باش يبقى ... الغزرة اللي نراها وقت يبدا معاك .. مريتهاش في عينيه وقت تبدا سيرين ... كلش كان من اكا الحكاية ... منحبش تفسرلي اما عالأقل فسر لأوس هكا يتحل الخلاف بيناتكم ... و زادة باش توليو أب و أم ....يعني عالأقل علاجال ولادكم ...
اليف؛ انشاالله
لحق لؤي و كيم بالوقت ...
لؤي؛ خبروني اللي فاق
اليف؛ وي معاه امو للداخل
هديل؛ حددتوا مقر لوكاش و ماثيو
كيم؛ معلومات كيف هكا متنحكاش قدام اي حد
غزرلي .. مغزرتلوش اصلا معنديش خلاق اني نتناقش ولا نجاوبوا ..خرجت أم أوس ...
لؤي؛ خالتي صافا؟
حكيمة؛ حمد الله تاعبة شوي هاو مرجني باش نروح نرتاح ... التهاو بيه
كيم؛ من غير ما توصي خالتي
تعداتنا راحت لبيتها ... دخلوا عندو ... جات هديل باش تدخل ... خبرتني ندخل معاها .. هزيتلها براسي لا ... دخلوا هوما ... قعدت عالكرسي اللي مقابل باقية نطلب فأمير شي .. حتى نومرو سراج معنديش... متحيرة عليهم برشا ..نزلت للتحت هزيت بوات متاع جي و طلعت ...
⏩⏩⏩⏩⏩⏩⏩⏩⏩⏩⏩⏩⏩⏩⏩
#يسرى_أمجوج
#خطوة_نحو_الجحيم
أنت تقرأ
خطوة نحو الجحيم 4 (باللهجة التونسية)
Hành độngاليوم ..... تعداو برشا حوايج ... وين جامي توقعت نوصل هوني .. ولا تكون حياتي كيف هكا ... صح نحب المغامرات من صغرتي ..أما مغامرة كيف هكا متوقعتهاش ... خاسرة و لا رابحة ...ظالمة ولا مظلومة .. مليحة ولا خايبة ..منعرش بالضبط واش كنت ... يقولوا اللي الح...
