الحلقة 123 :
سراج؛ وي شنننوة !! وكتاه رجعت ؟ باهي تو نجي
أمير؛ شفما !!
سراج؛ ايما رجعت للدار عيطلي بوها توا خبرني اللي هي هربت
أمير؛ باهي روح افهم باز تعرف شي على مقرهم. و فيسع خبرني لازم نتحركوا ...تو نروح نطمن على الين
سراج؛ باهي
راحوا ....
هديل؛ كيم وين لؤي ؟
كيم؛ راح باش يحضر الرجال أوس خبرنا في طريقنا لهوني انو باش يقوم الحرب عليهم خاطرو متأكد بلي هوما
هديل؛ باز يكون حد خلاف اعداء لأمير و سراج مثلا
كيم؛ باز اما الإحتمال الأكبر لوكاس و ماثيو على اذاكا لازم توفا
هديل؛ موش الجنرال قال نصبروا لين نكبسوا عليهم فالعملية
كيم؛ تتوقع اوس باش يركح بعد الشي اللي صرا ... توا باز يعمل أي شي على اذاكا شنكونو معاه ميجيش يتهور ...
تعدات 4 سوايع ... باقية نغزرلها من البلار ..ريتها بدات تتحرك ... عينيا تحلوا ... حكمت فرملية راحت خبرت الطبيب ... دخل عندها باقي يفحص فيها ... و خرج خبرني اللي هي قاعدة تفيق. ... اما مزال مفعول البنج مأثر عليها ..
الين؛ كيفها توا ؟
هديل؛ الين صافا ماو !! علاش قمت ؟؟
الين؛ مليحة راني كيفها ؟!
هديل؛ صافا الطبيب قال اللي هي قاعدة تتحسن
الين؛ سراج راح _؟
هديل؛ اي .. وين أمير كان معاك ماو ...
الين؛ منعرش توا وين فقت
هديل؛ باهي عزيزتي اقعد متعبش روحك ...كلش باش يكون بخير
الين؛ الصغار صافا؟
هديل؛ للأسف خسرنا واحد
الين؛ باش تتهد نعرف ... شراتلهم دبش في زوز ... كانت ديما تقول صغاري ... باش يكبروا مع بعض ... باش يتعبوني اما شكون كيفي يجيوها توأم من أول حبالة
هديل؛ احنا معاها .. و زادة مزال فما صغير يحتاج عناية ... هاو لطف ربي و بقالها واحد ... تتصور كان خسرتهم في زوز شصار ..
الين؛ أوس وين ؟ كيف حالتوا
هديل؛ ما حكا حتى شي جيست دخل طمن عليها و خرج .... أوس وقت يبدا هكا أكيد فما شي فراسوا ربي يستر كهو
كيم؛ الين صافا ؟
الين؛ مليحة مرسي
حكمت عليه البوات متاع الجي ... مديتلها و خذيت واحد ... للوقت قاعد يتعدا رزين ... حد فينا ماو راكح ... الكل تفكيرو مشتت اللي صرا موش ساهل ... و فتح الأبواب لحرب باش تحرق كلشي ... و هاذ الحرب باش يفتحها أوس ... أمير و سراج زادة موش باش يسكتوا ... هزينا راسنا وقت خبرتنا الطبيبة انو هي فاقت .. نطرنا دخلنا عندها ... باقي تغزرلي و تغزر لإلين ... الطبيبة نحاتلها جهاز التنفس...و اكا الخيوط خلات غير الخيط متاع السيروم ... تلفتت الطبيبة غزرتلنا ...و غزرتلها
اليف؛ و و ولاددي ممملاح مو ش هكا !!
الطبيبة؛ اليف اهدا
اليف؛ لاااا قولي اللي هوما ملاح
قدمت عندها انا .... و الين حكمت يدها ... غزرتلنا و حطت يدها الثانية على كرشها ...نزلوا دموعها بالوقت
اليف؛ حسيت ب ب بلي نقصت حاجة. م مني ... خسرت ولادي
هديل؛ مزال فما صغير ... اليف عيش اختي اصبر
غمضت عينيها دموعها قواو ... باقيين كان نربتوا على كتافها ... و شادين يدها ... حد ما ينجم يحس واش حاسة هي توا ... رمشت بزربة ... و غزرتلي
اليف؛ أوو وس ؟؟
هديل؛ دخل طمن عليك و خرج
اليف؛ برا هو عيشك عيطلوا ...
هديل؛ هو هو موش فالكلينيك
اليف؛ ويييين !!!
جات شتقوم رديتها للتالي هزت يدها ... تمسح فدموعها و تحكي ...
هديل؛ اهدا ملازمش تعمل تحركات غالطة مزال الصغير في وضع موش مستقر ... عيش اختي ... تو يجي
اليف؛ لا أكيد شيعمل شي غالط اني حا سسة عيطلوا اماااانك
هديل؛ باااااهي حبس البكا و اهدا تو نعيطلوا
⏩⏩⏩⏩⏩⏩⏩⏩⏩⏩⏩⏩⏩⏩⏩⏩⏩
#يسرى_أمجوج
#خطوة_نحو_الجحيم
أنت تقرأ
خطوة نحو الجحيم 4 (باللهجة التونسية)
Açãoاليوم ..... تعداو برشا حوايج ... وين جامي توقعت نوصل هوني .. ولا تكون حياتي كيف هكا ... صح نحب المغامرات من صغرتي ..أما مغامرة كيف هكا متوقعتهاش ... خاسرة و لا رابحة ...ظالمة ولا مظلومة .. مليحة ولا خايبة ..منعرش بالضبط واش كنت ... يقولوا اللي الح...
