الحلقة 125 :
واقفة نغزر من البلار ... الجو مقلب برا ... المطر الدنيا مسحبة ... حطيت يدي على كرشي ... نحس بالنقص .. دمعة سخونة نزلت ... تبعوها دمعات ... مفماش اسوء من انك تفقدي ولدك ...حطيت راسي عالبلار... لافة يدا على كرشي .. كل مرة نمسح دموعي .. شكون كان يقول بلي في ليلة عرسي شنفقد ولدي ... تحل الباب اكيد الفرملية ... هزيت يديا نمسح فدموعي ...حسيت بيديه كي تحطوا على يديا ... و نزلهم... هزيت عينيا غزرتلوا ... عينيه حمر جمر ....ترميت في حضنو ...و طرشقت بالبكا محتاجتو جنبي كثر من أي وقت .. من عينيه فهمت للي باش يهدروا ....منعرش قداش تعدا وقت اكاكا ...جبدت روحي شوي ... مسحت دموعي و غزرتلوا ... عينيه مبلولين ...غزرلي
أوس؛ سامحني خاطر منجمتش نوفي بوعدي و نحميك كل مرة ... انتي تكون التضحية فالجحيم ... و توا ولدي زادة راح ... منجمتش نحميكم ...
طرشقت بالبكا وقت جبد حكاية الطفل... بين عينيا اكا الدبش اللي جبت منو زوز .. و تخمامي شباش نسميهم ... و كيف يطلعوا للزوز ... باش يتعبوني ... للحظة تعدا كلش بين عينيا ....حط راسو على راسي ... دموعو زادة نزلت ...
أوس؛ خلاص عيش حبي يزي ... تعذب فيا هكا امان ...على جال ولدنا يزي
اليف؛ أوس أمانك متخلينيش ً....حاسة روحي ضايعة برشا ..
أوس؛ وراس حبي منخليك ... منجمش راني ...هيا حبس البكا توا ....
باقي حاط جبهتي على جبهتها ... هزيت يديا نمسح في دموعها ... قص علينا كي دخلت الفرملية و حمحمت ... جبدت روحي شوي .. حكمتها من يدها ...ديتها للسرير تكيتها....باقي. الفرملية تقيسلها فالضغط ...
الفرملية؛ كلش مليح مدام ... حاولي متتوتريش برشا موش مليح للصغرون ..
اليف؛ باهي مرسي
تلفتت غزرتلي ..
الفرملية؛ وانتا زادة مسيو حاول متكبسش عالجرح متاع مزال جديد ... احمد ربي انو الرصاصة جاتك جانبية ... كان قدمت شوي تقيسلك العصب ... اصلا الطبيبة خبرتك متقومش من فرشك ...
حطيت يدي على جبهتي ...موش وقتها جملة هدرتها ... خرجت تلفتت غزرتلها ..
اليف؛ شصار اما جرح !؟!!
أوس؛ جرح خفيف .. هيا ارقد توا ولا تحبني نرقدك ؟
اليف؛ نعت نشوفوا
أوس؛ باش تشد صحيح هكا
اليف؛ أوس بربي شصار؟
قعدت على طرف السرير... نحيت التريكو باقي تغزر للفاصما ... حكيتلها شصار الكل ... باقية كان تغزرلي مزهبلة ... حطيت يدي على وجهها
أوس؛ اطمن جرح سطحي كهو
باقية تايهة
أوس؛ الييف الييييف
اليف؛ اه
أوس؛ شفما ؟؟!
اليف؛ سيرين عندها كونسار أوس ... متأذيهاش .. اصلا هي حاولت تاخو حقها كهو ... صحيح اللي عملتوا غالط اما هكا تصفا الحساب ..
أوس؛ اما
اليف؛ بلا اما أوس ... و ولدها باش تحميه لين تجي تاخذو هي ... لازم يوفا الفصل هذا يزي من الإنتقام ... يكفي الشي اللي خسرناه لتوا ...
⏩⏩⏩⏩⏩⏩⏩⏩⏩⏩⏩⏩⏩⏩
#يسرى_أمجوج👑
#خطوة_نحو_الجحيم🔥
أنت تقرأ
خطوة نحو الجحيم 4 (باللهجة التونسية)
Actionاليوم ..... تعداو برشا حوايج ... وين جامي توقعت نوصل هوني .. ولا تكون حياتي كيف هكا ... صح نحب المغامرات من صغرتي ..أما مغامرة كيف هكا متوقعتهاش ... خاسرة و لا رابحة ...ظالمة ولا مظلومة .. مليحة ولا خايبة ..منعرش بالضبط واش كنت ... يقولوا اللي الح...
