أوس يحكي :
جبدتها شوي لقيتها تبكي ... تي في كل موقف لازم تبكي ...هزيت صوابعي عديتهم على خدودها ...نمسح فيهم
أوس؛ علاش تبكي توا !
اليف؛ منعرش جاني البكا
أوس؛ هههه مالا فرخة من كلشي تبكي ... تعرفني نفد منهم الدموع
اليف؛ تي شبي تلوم
أوس؛ موش نلوم فيك متاكلنيش كهو فما عشا هوني والله
اليف؛ ههههه ماسط
حكملي يدي قعدني فالتابل متاع العشا ... غزرتلها فيها حوت مشوي ... شفت الڨلاص محطوط فوق الثلج النكهات الكل ... ضحكت بالوقت ... تعيشينا كل مرة ... يوكلي حاجة ... ما خلا شي ما وكلنيش منو ... قريب نتفلڨ ... دوب ما كملنا قام من التابل ... باقية نتبع فيه بعينيا منحبش هاذ اللحظة توفا جملة ... نحب نلم عمري الكل في هاذ اليلة ... على قد ما راهي حلوة ... نزل عليا جا وجهوا مع وجهي ... نفسو نحس بيه ... عديت عينيا على تفاصيل وجهو الكل ...
أوس؛ باش نعرسوا في 3 أيام يعني نهار الخميس شتولي اليف بن مالك
اليف؛ شنننووووة
أوس؛ شبيك تفجعت
اليف؛ موش كأنوا زربت ...يعني لازم نحضر حالي و ....
أوس؛ منجمش نستنا أكثر عيش حبي ... طولنا برشا لازم نعوضوا واش فاتنا ... زادة كلش موصي عليه و حجزت الأوتال للعرس ...
اليف؛ و التحضيرات و ..
أوس؛ كلش موجدو يا روحي من غير ما تقلق روحك
اليف؛ باهي بعد شوي باش تجلطني
قدم عندي أكثر ..حط صوابعوا على خدودي يعدي فيهم ..
أوس؛ تحب تبعدني عليك انتي ؟
دوب هزيت راسي بلا ... حط جبهتوا على جبهتي ...كرشي ضرب فيها كورون من الإحساس اللي نحس فيه ... قربوا لهاذ الدرجة ... يمكن خاطر نتوحم عليه ... راني نحس هكا ... قاعدة نتنفس فالنفس متاعو ...لف يدو تحت رقبتي .. و نزل على شفافي باسني ... تفاعلت معاه في كل لحظة ... بوسة لخصت وحشنا لبعض ... لخصت اكا الپريود اللي كنت متوحمة عليه ... لخصت كلشي جبد روحو شوي كي تقطع عليا النفس ... حليت عينيا وقت هزني بين يديه غزرتلوا ... مزلت مرهوجة ...شفافي يحرقوا ... نزل شوي عدل المخدة اللي عالبساط و حطني عليها ... و نزل تكا قدامي ... جبد يدي باسها و حطها فوق سدرو ... باقية نغزر للسما تبان حلمة .... باقي حاكم يدي ... مبعد تلفت على جنبوا ... تلفتت باقي يغزرلي ... هزيت يدي عديتها على شعروا ...باقي نعدي فيها .. جبدني لحضنوا كبشت فيه أكثر ...
أوس؛ نحبك اليف و باش نبقى ديما نحبك ... حتى كان يصير شي ... باش نبقا ديما معاك
نطرت تقعدت ضربتوا على سدروا ...
اليف؛ شنيييية يصيرلك شي متاع وذني هاذي ... ياخي من توا تخمم بالسلبية هاذي ...
أوس؛ هههه اششش أخطبوط البحر و سمعك كيف تعيط ... تحب تسمع حاجة خلاف ...
اليف؛ موش نفدلك راني
أوس؛ هههه
جبدني من يدي في لحظة كنت تحتوا ... حط يدو على كرشي ...
أوس؛ ريتوا كيف أمكم قبيحة ... قريب تاكلني
اليف؛ هههه اكاكا شتبدا تخطط انتا و ولادك من توا
أوس؛ ههه بالطبيعة
نزل راسوا باس كرشي و تكا قدامي ... حطيت راسي عليه و رقدت ....
⏩⏩⏩⏩⏩⏩⏩⏩⏩⏩⏩⏩⏩⏩⏩⏩⏩⏩
#يسرى_أمجوج
#خطوة_نحو_الجحيم
أنت تقرأ
خطوة نحو الجحيم 4 (باللهجة التونسية)
Actionاليوم ..... تعداو برشا حوايج ... وين جامي توقعت نوصل هوني .. ولا تكون حياتي كيف هكا ... صح نحب المغامرات من صغرتي ..أما مغامرة كيف هكا متوقعتهاش ... خاسرة و لا رابحة ...ظالمة ولا مظلومة .. مليحة ولا خايبة ..منعرش بالضبط واش كنت ... يقولوا اللي الح...
