هدينا عليهم ... باقي كان ضرب السلاح ... زربت تعديت ما حسيت كان بالرصاصة كي تعدات على كتفي ...طلعت راسي لقيت ...القناصين فوق الفيلا...شوي هكا و تصاوبوا طاحو من لفوق جاو فالأرض ... غزرتلهم للي قتلوهم موش من رجالي ... من غير ما نبقا نخمم دخلت للفيلا ... مركح الفرد .. كتفي باقي ينزف زربت طلعت للفوق ...جات عيني عليه هو و سراجةكل واحد فيهم مركح السلاح في وجه لوخر ....ركحةالفرد باش يتيري على سراج... من غير ما نخمم مرتين ...صوبت الرصاصة جات في نص كتافو ... طاح الفرد من يدو ... تلفتت غزرلي جا شينزل يهز الفرد ...رما عليه سراج من كتافو الثاني ... قدمت ليه جبدتو من كول السورية ...و خبطتوا للحيط ...حطيت الفرد في راسوا ... بزق الدم في وجهي .. غزرتلوا لاز على سنيا
أوس؛ هاك طحت بين يديا
لوكاس؛ هه
أوس؛ وينو لاخر ميكونش تخبى
لوكاس؛ ههه روطار كيف عادتك اما تعرف كل مرة كنت نعملك ضربة للي عزاز عليك... تعرف اللي كي نشوفك مكسور نحس باللذة ...اممم قولي اليف ماتت ولا مزال ..
أوس؛ انتا كنت ورا اصابة الييييف و سيرين كيف ؟!؟!
لوكاس؛ هههه فيقتها كهو و هي عملت اللازم فالتالي خذات حقها كهو
أوس؛ ساااااااقط
باقي يضحك ... هزيت الفرد فرغتوا الكل في راسو ...طاح فلرض باقي نضرب فيه ..جبدوني لؤي و سراج ...غمضت عينيا نحاول ناخو نفس.... الوجيعة في كتفي ماشية و تزيد .. عديت يدي على وجهي ... وين يكون راح توا ...هزيت عيني جات في عين امير اللي ...نزل الفرد بالوقت ...
سراج؛ لازم نلقاو ماثيو فيسع
أوس؛ سراج معاه سيرين خليه عليا
أمير؛ اممم شفناك شعملت ليلة عرسك
أوس؛ نظن كلمت سراج مكلمتكش انتا
أمير يحكي :
قدمت ليه ....أصلا دوب حاكم روحي ... حسيت بيد سراج كي تحطت على كتفي ...تلفت غزرتلوا ...هزلي براسو لا... تلفتنا وقت سمعنا صوت بكا متاع طفل ...
أوس يحكي :
الصوت هذا نعرفوا بالقدا ...صوت جود ... باقي نجري و نفركس من وين طالع الصوت ... لين تعديت على بيت محلولة شطر ... دزيت الباب بالشوي .. خبيت الفرد... قدمت بخطوات ...لقيتوا مخبي فالخزانة ...دوب ما حبيتها تنطر ...من الخوف ... حطيت يدي عليه باقي يرجف قداش سخفني ...
أوس؛ جووود
هز راسو غزرلي
جود؛ ع عمممو أوووث ...أننااا
أوس؛ اششش يزي من البكا ... ايجا
هزيتو باقي مكبش في كتفي ...دوب ما خرجت ... عارضوني بالوقت
سراج؛ ولد سيرين ؟؟
أوس؛ اممم
لؤي؛ نظن خرجوا خاطر ...مفماش فالقلعة الكل
أوس؛ جود وين ماماك ؟
جود؛ م منعررش
أوس؛ اششش باهي باهي ...
لؤي؛ أوس ذراعك لازموا طبيب هيا
مشينا الكل من فما... باقي جود في حجري... زعما وين تكون سيرين ... ماثيو يكون عمللها شي ً. ... و ولدها ماو متنجمش تقعد دقيقة بلا بيه ... مخي باش يتحرق ... و اليف اللي علقت عليها هكاك ... منعرش وين رميت التيليفون.... غمضت عينيا ... تاعب برشا ... اما ارتحت وقت خذيت حقي منو ... هكا عالأقل نكون صفيت نص حسابي ... و مزال النص ... و سيرين كيفاش باش نعمل معاها ...
⏩⏩⏩⏩⏩⏩⏩⏩⏩⏩⏩⏩
#يسرى_أمجوج👑
#خطوة_نحو_الجحيم🔥
أنت تقرأ
خطوة نحو الجحيم 4 (باللهجة التونسية)
Actionاليوم ..... تعداو برشا حوايج ... وين جامي توقعت نوصل هوني .. ولا تكون حياتي كيف هكا ... صح نحب المغامرات من صغرتي ..أما مغامرة كيف هكا متوقعتهاش ... خاسرة و لا رابحة ...ظالمة ولا مظلومة .. مليحة ولا خايبة ..منعرش بالضبط واش كنت ... يقولوا اللي الح...
