تلفتنا لقيتوا نسيم ... غزرلوا أوس
نسيم؛ ديزولي جيت نطمن عليك كهو مبعد نولي
دوب ما خرج غزرلي
أوس؛ كمل
اليف؛ أنا عندي اخت
أوس؛ اختك انتي !!
اليف؛ وي اللي صار وقتها أنو ......
حكيتلوا كلشي صار من لول للتالي ... شجاعة كبيرة خذيتها ... باقي كان يغزرلي و يتبع في هدرتي ... ملامحو ما تعبر على شي ..اللي متأكدة منو أنو مهما تكون ردة فعلوا أكيد باش ناقف مع ايلين ..دوب ما كملت ..جبد روحو شوي .. هزيت يديا مسحت الدموع .. باقي يغزرلي كهو ....
اليف؛ موش باش تتقبل خاطر فالتالي اللي صرالها موش ساهل ... اما تبقى اختي أوس منجمتش نخبرك و ..
قدم جبدني من رقبتي من التالي ... جا وجهي مع وجهوا ... غزرتلوا
أوس؛ اليف وقت حبيتك أول حاجة قلتهالك أوثق فيا ... خاطر رغم كلشي يصير ... ملزوم ناقف معاك و نتفهمك واش فايدتوا الحب .. كي متخبرنيش ... تي وصلتني نظلمك و نجرحك باكا الكلام ...علاش سكتت في بالك بالساهل نضحي بيك
اليف؛ أوس الين اختي مكنتش ننجم نغامر
أوس؛ اليف كلشي يخصك يخصني
اليف؛ سيرين خطيبتك و توا مرتك
أوس؛ اليف عيش حبي يزي من الهدرات هاذو توا ... تعرف اللي هي كانت خطيبتي .. و عرست بيها من سوء التفاهم اللي صرالنا ... باز ظلمتها معايا .. اما شنعمل القلب لحمة و انا حبيتك و مزلت و باش نبقى ... سيرين قلبها كبير كون نفهمها تتفهم ..
اليف؛ مستحيل تتقبل خاصة حكاية الين امان متخبرهاش
أوس؛ لازم نبداو نحلوا الخلافات توا لوكتاه نبقاو هكا ..
اليف؛ أما ...
أوس؛ خليها عليا
جبدني لحضنوا عنقني
غزرتلوا متوقعتش يكون رد فعلوا هكا ... يمكن الغلطة اللي عملتها اني مخليتش فرصة لحبنا يبان ... و يواجه المشاكل على اذاكا حنا توا هكا ... صحيح سيرين مظلومة .. انا اكثر وحدة ننجم نحس بيها... اما شنعمل فالتالي نحبوا ... و منجمش نسلم فيه ولا نخلي وحدة أخرى معاه ... مهما تقويت على روحي منجمش نكذب في أني حبيتوا صح ... كثر من أي حد ... و توا محتاجتوا اكثر من أي وقت ...و ولادو في حاجتوا .. توا أحسن شي انو نمدوا فرصة لحبنا و نعوضوا اللي فات ...بالنسبة لسيرين مستحيل نخلي الحكاية تفوت اكاكا ... فالتالي منجمش نبني سعادتي على حساب غيري.. موش انانية لهاذ الدرجة....باش نخليها تسامحني مهما يصير ... أو عالأقل نحاول ...جبدت روحي شوي ... حط جبهتوا على جبهتي ...
اليف؛ اللي تعدا موش ساهل اما طول ما احنا كيف كيف كلش باش يكون مليح ... توا كلش توضح بيناتنا ...
أوس؛ سامحني ورحمة بابا مكنت نقصد كلمة ... الغش و كهو اصلا كنت نحكي من غير ما نفيق .. و انتي تعرف و ...
اليف؛ اششششش لازم ننساو الشي اللي صرا الكل ... من توا هاذي بدايتنا الجديدة ..باهي
أوس؛ باهي
عنقتوا شوي كهو ...
اليف؛ برا لفراشك باش تهبلني
أوس؛ خلاص
⏩⏩⏩⏩⏩⏩⏩⏩⏩⏩⏩⏩⏩⏩⏩⏩⏩
#يسرى_أمجوج
#خطوة_نحو_الجحيم
أنت تقرأ
خطوة نحو الجحيم 4 (باللهجة التونسية)
Actionاليوم ..... تعداو برشا حوايج ... وين جامي توقعت نوصل هوني .. ولا تكون حياتي كيف هكا ... صح نحب المغامرات من صغرتي ..أما مغامرة كيف هكا متوقعتهاش ... خاسرة و لا رابحة ...ظالمة ولا مظلومة .. مليحة ولا خايبة ..منعرش بالضبط واش كنت ... يقولوا اللي الح...
