هزت راسها غزرتلي
حكيمة؛ تعيش
اليف؛ باش يكون مليح
حكيمة؛ انشالله
غزرتلوا ... و خرجت أكيد تحب تقعد معاه ... الشي اللي راهم فيه توا ... صعيب ...شنوة أصعب من أنو يموت حد عزيز عليك ... نزلت للتحت لقيت الطبيب واقف مع الفرملية ...رحت نسقسيه
الطبيب؛ نورمالموا تكمل 24 ساعة بالسيروم مدام اليف
اليف؛ كلمتوا التالية خلاتني ناقف ... خلاتني نرجع شهر للتالي ...وقت كنت باش نصير مرتو ...
فقت من سرحتي كي هز الراديو ...
الطبيب؛ المنطقة متاع مدار العين تضررت برشا على اذاكا عملنا ...راديو طبقي محوري ...
اليف؛ و النتيجة !!!!
الطبيب؛ متضررش مجال الرؤية أما باش يضعف شوي النظر متاعو الفترة هاذي ... على اذاكا لازم يبعد عالضغط ..
اليف؛ الحمد لله مرسي دكتور ربي يحفظك
الطبيب؛ العفو
راح ...جبدت تيليفون طلبت أمير ... خبرني اللي هو فالجاردان رحت لعندو ...قاعد يتكيف كي شافني طفاه...قعدت قدامو .. باقي منزل راسو يغزر للتحت ... تلفتت غزرتلوا ..
اليف؛ الحياة كل ما نجيو نفهموها ...نلقاو روحنا نغيصوا فيها أكثر...نلقاو روحنا نبداو من جديد ..خاطر كل مرة يطلع فصل منحسبولوش ... قبل عام و اشهر ...كنت هوني فهاد الكلينيك ... كنت نفركس على بقايا من روحي خليتها ...وقت رحت لأيطاليا ..،أما ملقيتهاش ... و لقيت روحي نبدا من جديد ... أمير أنا حبيتك موش والفتك و برا ... بالعكس كنت متمنية نكمل حياتي معاك ...اما اللي صار انو غلطنا في زوز .،، موش غلطتك وحدك ... خاطر كان لازم نحكي اللي أنا حبيتك ... مكانش لازم نسكت ... و زادة انتا مكانش لازم تروح ... المفارقة انو احنا توا ... قاعدين صحيح مفماش كره ... بالعكس احنا قراب توا اكثر من اللي كنا ... المفارقة انو كاين نقطة موش موضحة ..، منعرش اما نحسك متوجع ... و انتا تعرف بالقدا اللي محال ناذيك ...على اذيكا نحب نطلب منك السماح على كلشي ... الفترة هاذي بالذات ... موش تعبتك كهو ..، اما خليتك تتحمل حوايج متنجمش تتقبلهم ... وحتى في داخل موش مقتنع ... التضحية اللي تعملها كل مرة ...تخليني نخمم الف تخمام و ...
أمير؛ نحبك اليف فوق ما تتصور ...كثر عليه ... فرصة وحدة كهو ... و نثبتلك اللي انا أحسن ...صحيح هو مريض توا و متعاطفة معاه على موت بوه .. اما متنساش شعمل فيك ... متنساش اللي توا هوو معرس ... و عندو مرتوا ... ووحاجتوا بيها ... كان جا موش حابها يطلقها ...الحب اللي تتعدا عليه السنين يا اليف ،،، ميضعفش ....يزيد لين يوصل لحد الرغبة فالتملك ... كاين فما انواع من الناس ...اما الحب واحد ... هو رغم حلاوتو يبقى ضعف ..يبقى وجيعةة مع أنها حلوة ،..خاطر كي تشوف اللي تحبوا فرحان ...شيهم الباقي ... الحب تضحيات اليف
اليف؛ تنجم تضحي خاطري ؟
⏩⏩⏩⏩⏩⏩⏩⏩⏩⏩⏩⏩⏩⏩⏩⏩⏩⏩⏩⏩⏩⏩⏩⏩
#يسرى_أمجوج
#خطوة_نحو_الجحيم
أنت تقرأ
خطوة نحو الجحيم 4 (باللهجة التونسية)
Actionاليوم ..... تعداو برشا حوايج ... وين جامي توقعت نوصل هوني .. ولا تكون حياتي كيف هكا ... صح نحب المغامرات من صغرتي ..أما مغامرة كيف هكا متوقعتهاش ... خاسرة و لا رابحة ...ظالمة ولا مظلومة .. مليحة ولا خايبة ..منعرش بالضبط واش كنت ... يقولوا اللي الح...
