الحلقة 114 :
فطنت راسي رزين برشا .. عديت عينيا للبيت ...قابلني أمير ...يغزر من البلار ...
اليف؛ أ أميير
نطر جا قدامي ...حط يدو على جبهتي يتحسس فيا
اليف؛ مليحة
أمير؛ تنحاتلك الدوخة ...فما شي يوجع فيك ؟؟
اليف؛ لا شصار ؟
أمير؛ دختي البارح ...جسمك ضعف خاطرك متاكلش مليح ... صرالك نقص فالكلسيوم و الحديد .. حطولك السيروم و مكملات
اليف؛ و وو أوس فاق ؟
أمير؛ لا فاقت أمو كهو
اليف؛ لازم نشوفو
أمير؛ ارتاح و مبعد
اليف؛ مرتاحة شكون معاه توا ؟
أمير؛ واحد اسموا نسيم
اليف؛ و الباقي ؟؟
أمير؛ راحوا للجنازة متاع محمد
غمضت عينيا ... كل مرة الأقدار ضدنا ... كل مرة يطيح كلشي علينا ... موجوعة منو ،،،اما مستحيل نسمح فيه ... بعد اللي صرالوا توا ..نعرف الشعور هذا بالقدا .. تقعدت من بلاصتي ... امير ما حكا شي ..اصلا يعرف موش باش نسمع ..
أمير؛ هاني لتحت ...
اليف؛ أمير بربي سامحني...نعرف مكثرة عليك .. و فددتك معايا برشا
حكا من غير ما يتلفتلي
أمير؛ ولا يهمك اليف
خرج ...عديت يدي على وجهي ... توا بالحق منعرش كيف نتعامل معاه ،. نعرف فادد ...اما منعرش شنعمل ...خرجت لبيتو لقيت واحد واقف قدام الباب ....الظاهر نسيم ...سقسيتوا لكان مدو الإذن باش ننجم ندخل ،..خبرني اي ...دخلت قابلني منظرو اكاكا ...الخيوط دايرين عليه ...يدو بالجبس ...الأكسجين على وجهوا ...قدمت بخطوات مترددة ...كاني موش مصدقة اللي هو اللي هوني ...قعدت على طرف السرير ...نملي في عينيا بيه....عينيه بالفاصما ....خايفة لا يولي ميشوفش ... أصلا موش باش يتحمل .،،هزيت يدو بستها ...دموعي نزلوا بالوقت ... فالتالي أوس نقطة ضعفي ... موش متحملة اللي هو هوني ... حطيت يدو على كرشي ...
اليف؛ ديما تعمل اللي فراسك ... ديما تخليني وراك و تروح ... رحت المرة اللي فاتت للموت بسبة سيرين ... وتوا على جال بوك ... أما هاك ضريت روحك و وصلت تضرني ،،،توا موش انا كهو ولادك زادة أوس ...خبرتك من قبل أنني منجمش بلا بيك ... و انتا تعرف الشي هذا ... و توا ولادك زادة مينجموش .. باش تخليهم انتا ... موش قلت آخر مرة اللي انتا باش ترجع ... شبيك بعيد ... هه اغزر هاني نبكي ... موش تفد وقت تشوف دموعي ...قوم توا ... تي نسيت اللي انا توا متشهية ...بيتزا متاع آخر مرة عملناها .... ولادك طالعين ليك يحبوا البيتزا ... متعبيني برشا ...تي حتى انتا... الظاهر تفاهمتوا عليا ... الا ما نوريلكم ...
سكت شوي .. و لحت يدي عديتها على وجهو ...
اليف؛ أوس نحبك راني ... عيشك متبعدش منجمش بلا بيك والله ...
تحل الباب بالوقت ...تلفتت غزرت للفرملية ... تعاون في مرا كبيرة الظاهر أمو... غزرتلي و غزرت ليديا ... جبدت روحي و قمت ... قدمت بخطوات ثقيلة ... نزلت باستوا على جبهتوا ..حتى هي حالتها موش مليحة برشا .. جروح في يديها ووجها و الظاهر عاملة أوبراسيون في مسلانها... ما حبيت نحكي شي .. قاعدة و حاكمة يدو ...
اليف؛ الحمد لله على سلامتك
⏩⏩⏩⏩⏩⏩⏩⏩⏩⏩⏩
#يسرى_أمجوج
#خطوة_نحو_الجحيم
أنت تقرأ
خطوة نحو الجحيم 4 (باللهجة التونسية)
Actionاليوم ..... تعداو برشا حوايج ... وين جامي توقعت نوصل هوني .. ولا تكون حياتي كيف هكا ... صح نحب المغامرات من صغرتي ..أما مغامرة كيف هكا متوقعتهاش ... خاسرة و لا رابحة ...ظالمة ولا مظلومة .. مليحة ولا خايبة ..منعرش بالضبط واش كنت ... يقولوا اللي الح...
