الحلقة 128 الأخــــــــــــــيرة :
أوس؛ تحسبي أفكاري الإجرامية خلصت هوني
اليف؛ شتقصد ؟؟!
أوس؛ اممم نظن انو صبرت برشا ...توا لازم نخطفك
اليف؛ هههه تفدلك موش هكا
أوس؛ لا يا روحي السانتوريني تنادي ...
نطر هزني باقية نفارع فيه ... تي حطني فالكرهبة من نزلنا للطيارة ... مصر انو نعديو ليلتنا فالسانتوريني ...تعداو ساعتين وصلنا ... دوب ما دخلنا للشومبر تكيت ... اصلا تعبت من الشطيح و التحضيرات هاذيك الكل ... راح باش يجيب شي ناكلوا ...
أوس؛ هاني جيتلك الڨلاص متاع الكيوي ... كي عدتي تتشرطي حتى في ليلة العرس ...
قدمت ليها .تيييي الفرخة غطست فالنوم ... قداش ضحكت عالفازة يعني فما ... عروسة ترقد هكا ... نزلت نحيتلها صباطها ... جبدتها لحملتي ورقدت رقدة جامي رقدتها من قبل ....
.......
فقت الصباح غزرت لبلاصتها مفماش ... قمت من بلاصتي رحت للبالكون ... لقيتها واقفة شعرها مسيب ...لابسة نويزات و تشرب فالشوكولا .. لفيت يديا على وسطها
اليف؛ بونجوغ حبي
أوس؛ حبي قلتلي اه شعملت البارح
اليف؛ هههه اه شكون انا !؟ .... ما عملت شي ...خاطيني هههههه
أوس؛ ههههه تفرك فيهم عليا فرخة بصحتك
تلفتت ليا ... غزرت لشفافها اللي مبلبزين بالشكلاط ...
أوس؛ ناوية عليا عالصباح انتي ؟
اليف؛ انااا علاش ش
نزلت على شفافها بستها ... رجعت بيها للتالي لين وصلنا للسرير...قمت قفلت الطاقة و رديت الريدو ... و اذيكا كانت احلى صبحة عشتها في حياتي....
.............بعد 5 اشهر ........
الممرضة؛ مبروك مسيو جاك ولد شتحب تسميه
أوس؛ اليف مليحة
الممرضة؛ هههه اول مرة واحد يسقسي على مرتوا قبل ما يرا ولدوا ... مالا حب ... طمن المدام مليحة ... تنجم تدخل ..
حكمت ولدي من عندها و دخلت قابلتني ...
اليف؛ ه هو مليح
حطيتوا في حملتها دموعها نزلوا ....
أوس؛ اليفف عيش حبي لحظة فرحة فاش قام تبكي ...
اليف؛ فرحة قتلي ماكش نتا اللي خرجتوا من ...
سكتت و طرطقنا للزوز بالضحك ... حتى الصغرون تبسم ....قررنا نسميوه ... قيس منعرش علاش خيرت هاذ الإسم اما كلشي تحب عليه هي نحبوا انا زادة مهما يكون ...خاطر انا و هي واحد...
الجحيم اللي جمعنا ... خلانا نعيشو تجربة باز كانت تخوف ..خاطر عشنا حوايج موش اي حد يعيشهم ... اما خرجنا بقناعات بحوايج ربحناهم ... اقل شي انوا كل حد فينا كسب شي فالتالي ... على اذاكا مليح الواحد يعيش تجارب مختلفة ... و يخلق منةيوموا الممل حوايج جدد ... عالأقل افكار جدد.... و يرقد على ثقة انوا غدوة فما شي جديد ...لازم يصير ... قدر جديد باش يبدل حياتك ... او عالاقل يخليك فرحان ... الحقيقة انو كل تجربة سيئة ... ترجعنا ننجموا ناقفوا اكثر ...تقوينا وقت نعرفوا انو باش نعيشوا حياة وحدة ...على اذاكا لازم نمدوا لروحنا فرصة .. انو نكونوا دعم لروحنا ... منحتاجوش الناس باش نكونوا اقوياء .... يكفي انوا ...نأمنوا داخليا بلي ننجموا. نعملوا اي شي ... نحاولوا مران كثيرة حتى نوصلوا للي نحبوا عليه ...في حكايتنا الكل وصل للسعادة اللي يحب عليها ... و كل حد ينجم يخلق سعادتوا ... يكفي كهو انو يأمن بمبدأ انو باش نعيشوا حياة وحدة خلي نعيشوها بقواعدنا و ربحنا احنا ... هكا كهو ننجمو نقولوا اللي احنا عايشين ... موش نكرروا في نفس النهار لأعوام
النهـــــــــــــــــــــــــــــــــــــــــــــَـــــــــــايــــة
#يسرى_أمجوج
#خطوة_نحو_الجحيم
أنت تقرأ
خطوة نحو الجحيم 4 (باللهجة التونسية)
Acciónاليوم ..... تعداو برشا حوايج ... وين جامي توقعت نوصل هوني .. ولا تكون حياتي كيف هكا ... صح نحب المغامرات من صغرتي ..أما مغامرة كيف هكا متوقعتهاش ... خاسرة و لا رابحة ...ظالمة ولا مظلومة .. مليحة ولا خايبة ..منعرش بالضبط واش كنت ... يقولوا اللي الح...
