أمير؛ بالطبيعة
اليف؛ أمير مزال نحب أوس نكذب عليك كان نقولك اللي كرهتوا... متغششة منو وي ....اما ولادو هوني أمير ...منجمش نحرمهم من بوهم ... و منجمش نلومو ... فالتالي هو ميعرش بحكاية الين ... و الشي اللي صرا بيناتنا لتوا كلوا ... من هاذ المشكل ... منعرش اذا حبي ليه مغامرة كبيرة ... اما متأكدة أنو حبي لأوس عندو زوز نهايات ... باش يكمل للتالي ولا باش يخليني جامي نحب بعدها ... الكلام اللي نقول فيه توا باز يوجعك ...اما حط روحك في بلاصتي ... والله معرفت كيف نتعامل معاك ...
هز يدو مسح الدموع ... خبطني بالشوي على وجهي .. غزرتلوا ...
أمير؛ فرخة موش قلنا جامي تبكي عالرجال
اليف؛ أما نبكي خاطرك ...
أمير؛ هههه حتى كان أنا متبكيش ... حد ما يستاهل باهي
اليف؛ سخطة
أمير؛ ههههه ايجا هوني يزي من التخرنين متاعك
قدمت عندو عنقني...دوب ما هديت ...جبدني من كتافي ...
أمير؛ بالعادة ورا طرح البكا تقول كلمتك المشهورة
اليف؛ جعت هههههههه
أمير؛ هههههه مالا فجعة هيا
اليف؛ ممم نحب ناكل برشا حوايج
أمير يحكي :
توا تأكدت اللي تحب أوس ... موش باش نزيد نطمع روحي .. ولانحط أمل ... لازم نتعدا حبي ليها ... و نخلي مجال انو نكونو صحاب و برا ... نعرف صعيبة اما موش لدرجة نتدمر ... قبل كل شي نعرف كي نداوي روحي ... يمكن هاذي أحسن حاجة تعلمتها فالطب ... قاعد نغزرلها كيف تاكل و تتبنن ... القدر متغير... كل مرة نلقاو روحنا مع مصير ... موش كيما اللي تمنيناه ... و نلقاو روحنا لازم نتعداو نبكيو ..و نتجاوزو ...باش ننجموا نكملوا ... قص عليا وقت نوقز التيليفون ...جبدتوا لقيتوا سراج ...
أمير؛ سراج شفما ؟؟
سراج؛ وينك !!!
أمير؛ في دزاير
سراج؛ علابالي في دزاير ....مام انا... وينك توا !!!
أمير؛ شمجيبك هوني ؟
سراج؛****** موش وقت تمرجني بالأسئلة متاع وذني
أمير؛ باهي اهدا ..كلينيك **********
سراج؛ أوك متحركش تو نجي ...
⏩⏩⏩⏩⏩⏩⏩⏩⏩⏩⏩⏩⏩⏩⏩⏩⏩
#يسرى_أمجوج
#خطوة_نحو_الجحيم
أنت تقرأ
خطوة نحو الجحيم 4 (باللهجة التونسية)
Боевикاليوم ..... تعداو برشا حوايج ... وين جامي توقعت نوصل هوني .. ولا تكون حياتي كيف هكا ... صح نحب المغامرات من صغرتي ..أما مغامرة كيف هكا متوقعتهاش ... خاسرة و لا رابحة ...ظالمة ولا مظلومة .. مليحة ولا خايبة ..منعرش بالضبط واش كنت ... يقولوا اللي الح...
