الأسد ( الجزء الثاني من سلسلة سطوة الرجال)

الفصل السادس و العشرون

أدار لها ظهره بينما هي شعرت بأنها سقطت من مكان عال جدا ليته بتكلم و يثبت لها أنها مخطئة و أنها ليست سوى أوهام برأسها
جيداء بسخرية " الظاهر إنه طلع خبر وحش قوى "
نظر لها دون كلام " ساكت ليه اتكلم قول حاجة أي حاجة "
جلس علي الأريكة و ارجع رأسه للخلف و تكلم و كأنه يكلم نفسه
" أسد جمال حديد و حفيد عادل حديد
عايلة حديد معروفة بالملاكمة و أنها بتخرج أبطال الملاكمة العالمية و أكبر رجل في العايلة فرض عليه يفوز بالبطولات دي
جدي هو عادل حديد كان بطل ملاكمة عمر ما حد هزمه بس كان شره مليه خلف بنت و والدين
و لأنه بيكره البنات قتل مراته و بنته و ساب ولاده الأتنين منهم أبويا اللي شافه بيقتل اخته و والدته كبر و هو بيكرهه و نفسه يخلص منه و يقتله و لأنه كان أضعف منه مقدرش يعمل حاجة و هرب عادل و محدش عرف مكانه غير رجالته
عمي بقي كان طالع لعادل أبوه اشتغل معه في شغله و خلف مالك اللي اشتغل برده مع أبوه و جده في المافيا و هو اللي دخل عليا و اتكلم فرنساوى
مالك عزيز حديد
أنا كنت الكبير ولاد جمال و أخويا عمار كان أصغر مني بسنتين والدى كان كل هدفه إن أكون ملاكم محترف عالمي ده ارث العايلة زى ما بيقول
كان شديد عليا جدا و مش بيرحم حتي لو هموت أدامه فضل يدرب فيا لحد ما بقيت الأول و فوزت في كل المباريات الدولية كنت مشهور جدا و الكل بيتكلم عني
لكن لما كبرت اكتشف والدي إني نسخة طبق الأصل من عادل حديد و ده راجع لك ذكرياته اللي كان نسيها
كل يوم كان بيفضل يضرب فيا بحجة التدريب لحد ما يكسر عضمي
أنا كل ليا أوضة في المستشفى باسمي كان مدير المستشفى مخصصة باسمي و مكنش بيخشها غيري عشان كل مرة كنت بخف كنت برجع تاني لها
عادل طلب مني أكتر من مرة أنضم له لكني كنت برفض و عشان كده خطط لمؤامرة كبيرة و نجح فيه
المعروف إن عايلة حديد بيتجوزوا من عايلة شاكر بس و أنا كان من نصيبي ليلي كان الكل عارف إنها خطيبتي و لما نكبر هنتجوز
أخدتها في يوم و خرجنا كنت عايز أقولها علي مشاعري لكن جه تليفون مهم من جمال بيقولي اروح المستشفى عشان عمار هناك
عمار مكنش بس أخويا ده كان ابني اللي ربيته و علمته كل حاجه كان الوحيد اللي حبيته في العايلة و الوحيد اللي كان بيخاف عليا بجد
روحت المستشفى و أول ما دخلت كنت علي الأرض أول مرة يضربني بالقلم طول عمره بيكسر عضمي و لما وقفت اتفاجأت بكلامه
" هو ده اللي كنت عامل حسابه شايفة ابنك يا هانم
كان عايز يموت أخوه هو ده اللي غلبان و بطل ضرب فيه
أنا كنت عارف إنك هتبقي نسخة من عادل حديد عشان كده كنت عايز أموتك بايدى لكن الظاهر إني اتأخرت قوى
و دم عادل حديد الملوث بيجري في دمك "
طردني في الشارع و أنا عندي ١٢ سنة و أخر حاجة قالها " أنا ميشرفنيش إنك تكون ابني "
رفض إن أشيل اسمه أو أقول إني من عايلته مكنتش فاهم ايه اللي بيحصل حوليا لحد ما معتز طلب البوليس
معتز كان في نفس سني لكن بيغير مني و بيكرهني
الظابط " يعني أسد طلب من عمار يروح معاه مكان مهجور و هناك فضل يضرب فيه لحد ما كان هيموت "
معتز بتأكد " صح و اسأل ليلي هي كانت معاه "
كانت ليلي تقف في الخلف خائفة حتي أشار لها معتز " كلام معتز صح أسد كان عايز يموت عمار أخوه هو قالى كده بنفسه "
جمال بغضب " تقدر تاخده و يتعاقب علي جريمته "
بصيت لمادلين أمي بس هي نزلت وشها في الأرض عشان متبصش ليا كلهم باعوني اهلي و اصحابي و حتي ليلي كلهم شهدوا إني السبب في اللي حصل لعمار مع إني مظلوم و كنت مع ليلي اللي شهدت إنك عملت كده في عمار
و في الأخر الظابط خدني معاه
طول الطريق ساكت و مش بتكلم لحد ما وقف العربية مرة واحدة و سألني
" أنت عملت كده بجد   ؟؟؟  أنت مش مصدق حاجة منهم قلبي بيقولي إنك مظلوم "
بصيت له و شوية و خرج و فتح لي الباب
" اهرب يا أسد أنتي مش مجرم "
نزلت و مشيت و مش عارف أروح فين لحد ما عربية بابا عمرو وفقت أدامي
الراجل ده علمني و كان أحسن من أبويا
صحيح الأول كنت مش قادر أتكلم من الصدمة لكن بعد كده كملت حياتي
بعد كل ده عايزاني أرجع لهم كانوا عايزين يدخلوني السجن و يضيعوا مستقبلي
اتهموني بمحاولة قتل عمار .... ليلي..... معتز حتي مادلين و جمال كلهم كانوا عاوزين يتقبض عليا كلهم صدقوا إني قاتل و مجرم و أنتي كمان صدقتي قبل حتي ما تسألي عن أي حاجة
لو كنتي بتحبيني بجد كنتي سألتيني و عرفتي مني الحقيقة بدل ما تمشي وراهم

و المفاجأة الكبيرة قبل كل ده ما يحصل

خلوني أمضي تنازل عن ابني لهم

عرفتي أنا زعلان ليه لأنهم أكيد هينتقموا مني أنا و عادل حديد فيه
ابني هيدفع تمن حاجات ملوش ذنب فيها عشان بس هم يرتاحوا "
************************************

في انتظار التعليقات

😄😄😄😄😄