أنا مريم أبدأ حكايتي بيوم زفافى…….
يا بختك يا عم النهارده فرحك لا وعلى مين حبيب القلب كمان، ااااه اوعدنا يارب
مريم ترفع كفها في وجه اختها قائله: الله اكبر في عينيك قل أعوذ برب الفلق
شذا:يا حبيبتي أنا مبحسدش أنا بأر بس
تضحك مريم بسعادة وتقول في هيام: أنا النهاردة عروسه الزعل وحش عشاني
شذا: ايوه فعلا وخصوصا عشان بالليل وغمزت لها بطرف عينها
تنهرها مريم قائله: بس يا بنت عيب اتفضلي باره اعبال اما اخلص يالا
شذا: بتذمر يعني بقالي ساعه معاكي هاتي حطي، جيبي ده ودي ده وفي الاخر تقوليلي اطلعي بارة،طيب ان هطلع وحسك عينك اسمعك بتنادي عليا تاني ،فاهمه
مريم: يالا يا ماما هش هش
تخرج شذا وهي في شدة غضبها من اختها وتغلق الباب بقوة
في الخارج (والدتهم زينب) بت يا "شذا" هتكسري الباب الله انت مش هتبطلي حركات العيال دي
شذا وقفت ترفع يدها عاليا بتذمر وقالت: يعني ياربِ دكتوره قد الدنيا زي كده ويتقال عليها بت دا حتى يبقي كتيـــر !
زينب بس ياماما دكتورة ايه انت لسه في رابعه وبعدين حتي لو بقيتي وزيره هقولك بت برده امشي يا بت على المطبخ شوفي خلاتك بيعملوا ايه
شذا بدلع: لا يا زينبو كل الا المطبخ بصي أنا هروح اذاكر احسن
زينب بتعجب: تذكري ايه احنا في الاجازة !
شذا :لا منا هستعد للسنه الجديده عن اذنك
زينب وهي ترفع يدها عاليا: عوض عليا عوض الصابرين يارب !
في حجرة مريم........
تقف امام المرأة تطالع نفسها بسعادة فاليوم هو اجمل ايامها اليوم هو يوم عرسها على حبيبها عامر قطع ذلك التفكير أتصال،استدارت تجذب التلفون وجدته هو
نبض قلبها ولمعت عينها ببريق العشق و ارتسمت ابتسامه رقيقة على وجهها أخذت نفس طويل وأخرجته ببطء علَها تهدأ من ما أصابها واجابته بصوتها الحاني :الوو
عامر :صباح الفل على أحلى عروسه في الدنيا
مريم صباح الورد يا قلبي
عامر يااااه يا مريم مش مصدق انك النهارده هتكوني مراتي وهنكون في مكان واحد أصحا الصبح اللقيك جمبي يااااه لو تعرفي اتمنيت اليوم دا أد ايه يا مريم
مريم وأنا كمان يا عامر مبسوطه أوي
عامر بمكر بس مش قدي
مريم يا سلام أنت بتقول كده عشان اقولك أنا اكتر بس مش هقول لك
عامر بتذمر يعني مستخسرة في كلمتين حلوين لا أنا كده زعلان
مريم كلام الدنيا كله ياعامر لوقلته صدقني هيبقي قليل عليك
عامر لا لا أنا مقدرش على الكلام الحلو ده يا مريومتي
مريم صمت وحدثت نفسها اي يا بت الكلام ده اتقلي شوية يخربيتك هيقول عليكِ ايه
عامر هااا رحت فين
مريم معاك على طول
عامر عاوزك معايا على طول معايا وبس نفسي يامريم أخدك ونهرب نروح مكان بعيد جزيرة بعيدة نعيش فيها لوحدنا أنا وانتِ وبس
مريم بتعجب طب واهلنا واصحبنا والناس
عامر بصدق من الناس دى كلها ميهمنيش،غير شخص واحد بس وهو مريومتي
مريم بحبك أوي اوي يا عامر
عامر وانتِ الحب كله، يووووه، طب اسيبك بقي هادم اللذات بينادي عليا
مريم طب روح شوفه عاوز ايه متنساش هو برده عريس زينا
عامر يسلملي الطيوب
عامر قالتها بشغف
فاجابها بعشق جارف: عيون عامر
بعثت له قبله في الهاتف وأغلقت الخط سريعا وتنهدت ثم ذهبت بعيد بأحلمها وهي مغمضه الاعين وما أيقظها الا صوت المزعجه" شذا "وهي تقتحم الغرفه هااا يا بنتي قوليلي الجذمة نهي ليقه على الطقم اكتر أنتفضت مريم متحدثه منك لله يا شيخه حد يخش على حد كده
شذا ااااه شكلك كنت بتكلم عامر هااااا مع ابتسامة واسعة عشان كده اتخضيتي ومال وشك كدا بيطلع قلوب... ااااه يقطع الحب وسنينة .... اوعدنا يارب
تحركت وهي تتحدث فصلتني عشان الجذمه،،طب وحياتك للازم تضربي بيها وجرت ورأها
لفت كل منهم الغرفه خمس مرات، واخيرا وقفت أعلى
السرير تتحدث برجاء طب خلاص خلاص مش ضروري رأيك في الجذمة هروح الفرح النهاردة حافية 😂😂😂
أبتسمت مريم رغما عنها وتحدثت تصدق أحسن حاجة هتحصلي أني هرتاح من قرفك ده
شذا بحزن كده يا مريم ماشي خلاص معتش مكلماكى خالص هترتاحي مني وبدا الحزن عليها
سألتها مريم بشك: بجد؟!
شذا اااه طبعا بس في حاجة صغيرة الاول
مريم هاااااا
شذا هروح بالجذمة نهي الاول وبعدين نتخاصم؟؟؟
قذفتها على السرير وأنهالت عليها ضرب بحب وبعدها ضمتها متحدثه
ياااااه يا شذا الايام بتجري فكرة لما كنا صغيرين بضفاير ونروح المدرسة
فكرة طبعا كانت أحلي أيام ،ربنا يسعدك يا حبيبتي أنا فرحانة قوي
مريم يالا خلينا نخلص بسرعة
في المساء……في أحدي القاعات الجميلة…..
تقف مريم بفستانها الرائع وبجوارها عامر يرحب كل منهم بالاقارب والمعارف الذين حضروا للمباركة.... اخيرا انتهوا وجلسوا على مقاعدهم
اقترب عامر يحدثها أنا عاوز الفرح دا يخلص بقي
مريم ليه يا عامر دا ليلة في العمر وهي ليلة العمر سبنا نفرح يا حبيبي ونتبسط
عامر وقد أمسك يدها متحدثا وحياتي عندك لخلي حياتنا كلها فرح متختلفش عن اليوم ده ابدا
مريم بجد يا عامر وعد؟
عامر بجد ياقلب عامر
طلب الدجي من العرسان النزول لرقصتهم الخاصة«سلو» احتضنها وهي وضعت يدها حول عنقه عينها ترسل له كلمات عشق من نوع خاص وهو يجيبها بالمثل أسندت رأسها علي كتفه قليلا
تحدث لا أنا عاوز اشوف العيون الحلو دي
كان على مقربة منهم مراد وخطيبته رنا (وهي أبنت عمته الوحيدة وتحبه منذ نعومة أظافرها ولكنها كفيفه) تحدث بغيرة كفايه حب كده سيبو شويه للغلبانين الى زي حالتنا
ضحك الجميع وأبتعدت مريم قليلا عن عامر بسبب أحراجها من مراد
ولكن ظلت النظرات العاشقة بينهم أكثر من الحديث ، وأنتهي الفرح وغادر الجميع وذهب عامر ومعه مريم لبيتهم الجديد وكان من يقود السيارة أخوه مراد وبجواره رنا كان ينظر نظرات خاطفة من المرأه
ويبتسم قليلا فالحب بين اخيه وزوجته يظهر كالشمس الساطعة تنير الافق
وصلوا لبيت العيله كل منهم له شقه مستقله ولكن هناك شقه كبيرة للجميع وهي الشقة الام منزل الجميع
استأذن عامر وصعد مع مريم لشقتهم وما أن صعد درجتين وأبتعد عن الجميع حتى أنحني يحملها تفاجأت بفعلته وشهقت ولكنها سعدت بذلك ولفت يديها حول رقبته ثم طبعت قبله رقيقه على وجنته بكل حي نظر لها مبتسما
فتحدثت بمرح واحراج : قلت اشوف الروج ده أصلي ولا مغشوش وهيطبع
ضحك عامر بقوه على كلماتها وقال لا اذا كان كده لازم نتأكد واتأكد بنفسي كمان وفتح الباب ثم دخل الشقة يحملها، أنزلها وتحدث بصوت عالي: لااااااااااا مش معقول !!
أنتفضت قائله في ايه يا عامر
انتهي الفصل مع احداث أكثر تشويق انتظروني،،احب اعرف رأيكم وتفاعلكم مع الفصل 💝💝
دمتم سالمين 💝💝
