(بقلم /إيمان سالم)
لم أعرف معني للحب يوما إلا بعشقكے حبيبتيـﮯ🌺🌺
كانت تبكي بحرقه في غرفتها نعم فقد كسر قلبها وليس هذا فقط بل جرحت كرمتها وشعرت بالاهانه ظلت تبكي وتفكر فيما تفعل علَها تهدأ وتحافظ علي ما تبقي من كرمتها
وجدت اتصال من مني ترددت في الرد ولكن بعد تفكير قررت الرد
شذا: ايوه يا مني
مني:بقالي ساعه برن مبترديش ليه
شذا :مني، الله يخليكِ أنا مش ناقصه
مني: أنا شفت كل حاجه متزعليش يا حبيبتي
شذا ببكاء خلاص انا قررت معتش هتعلق بيه تاني مجانيش من حبه الا وجع القلب وبعد دا كمان المهانة لا خلاص معدش، عندي قدرة للتحمل بجد كفاية لحد كده اوي
مني يعني هتعمل ايه ؟!
شذا :قررت خلاص معتش راحه الجامعه من هنا ورايح
مني :لا دا أنتِ أكيد بتهزري صح !
شذا :لا يا مني مبهزرش
مني :طب ومستقبلك واحلامك وكل دا أنتِ عارفه الغياب هيأثر عليكِ
شذا بحزم عارفه لو هسقط،، خلاص دا اللي هعمله وبعدين أنتِ اهه ربنا يخليك ليا هأخد منك المحاضرات وهحاول اذاكر وربنا يقدم اللي فيه الخير
مني :ربنا ينتقم منها البعيدة،، وفي نفسها «وحياتك لوريها الجذمة دي بس صبرها عليا »
أنهت المكالمة معها وشعرت براحه اكبر وحاولت الا تفكر فيه ولكنه القلب معلون دائما يعشق من لا يرغبه
في المقابر……..
كانت تجلس تحدثه كعادتها،،عارف يا عامر اللي مفكرين ان اقدر أنساك
دول ميعرفوش حاجه مفكرينك حاجه عاديه ميعرفوش ان اللي زيك مش موجودين علي الارض،، وابتسمت متحدثه رغم غيرتك اللي ملهاش حدود، بس حبك وحنانك معايا كانوا لابعد الحدود بحبك وهفضل احبك لحد ما اموت
استمع هو لاخر الكلمات واحس بالغضب والخنقه وحدث نفسه حتي وأنت ميت مش عارف ارتاح منك وكور قبضت يده بغضب وأخذ نفس طويل واخرجه حتي يهدأ قليلا
اتجه لها متحدثا :السلام عليكم
تحدثت بذعر :وعليكم السلام محمود بتعمل ايه هنا خضتني
محمود :كنت عاوزك في موضوع
مريم: وقد شعرت بما يريد
تحدثت :وأنت شايف هنا مكان مناسب لمناقشات مواضيع يا محمود
محمود :دا انسب مكان هنا قدام عامر
مريم :محمود عاوز ايه علي طول قول من غير مقدمات
محمود انا هتكلم بس لو سمحت متقطعنيش ماشي
هزت رأسها بستياء لانها احست بما يريد
محمود أنا هنا وقدام عامر جاي اطلب ايدك منه
جحظت عينها وارادت التحدث اشار لها بالسكوت واتبع انا عارف أنتِ بتحبيه قد ايه وهتفضلي تحبيه بس صدقيني انا بعمل كده عشان احميك الدنيا لس قدامك هتشوفي لوحدك كتير الكل هيحاول ينهش فيك حتي اقربهم ليكِ ،،وانا مش بطلب منك تنسيه وتحبيني لا،، ولو عوزانا نفضل اخوات حتي بعد الجواز معنديش مانع المهم عندي راحتك ومش مستني ردك دلوقتي فكري برحتك واعرفِ حاجه وحده بس خليها في بالك أنتِ عندي غاليه اوي يا مريم
