أهأتي وصمتي 💔

البارت الخامس

مساء  الورد والياسمين ..

ام نور : يلنه نواره يمه اكعدي راح وكتج .

نور : ايي ايي كعدت كعدي زينب يمه.

ام نور : يله بس للتأخرين ماشي .

نور : ايي كعدت بدلت لبست ملابس  المدرسه  وحظرت  روحي باوعت  لغرفتي  اخخ اليوم أخر يوم  بهاي غرفتي استغفرت ونزلت سلمت على الكل صباح الخير .

ابو نور : صباح النور حبيبتي وين اختج زنوبه .

نور : هسه راح تنزل ورأيه كعدت بصف بابا ودمعتي بعيني اخ اخر يوم هيج ننجمع جان عندي احسس غريب وكأنه اخر مره افوت للبيت  اتعوذت الشيطان .

زينب : صباح الخير يلغالين .

الكل : هلا صباح النور .

نور : طبعأ كلنه اوضاع  موخوش اشوف امي تسوي ريوك وتصف منا ومنا وابوي دمعة بعينه لو احمد الي دايمأ يشاقينه كالب خلقته عم الهدوء بلبيت وكأنه كل واحد يودع البيت بطريقته خلصت  واخذانه بابا اني وزنوبه الى المدرسه.

مروا : هلا نور شلونج صدك  باجر ترحين للبصره ليش ماكلتيلي هاا روحي زعلانه  منج .

نور : منو كلج ها .

مروا : زنوبه كالتلي وكالت نور ماكلتلج تكول مأريده تفكر وتقلقل .

نور : ايي كلت اليوم اكلج  يله مصار شيء حبيبتي مأردت اخوفج.

مروا : حتى احنه نروح بس موهسه بابا كال بعد وكت عفيه نوره اذا رحتي مو تكطعين تدرين بيه احبج .

نور : ايي ولج لتخليني. ابجي يله خلي نخلص الامتحان ونطلع نسولف ولو ماما كالتلي للتأخرين بس لعيونج الغاليه كلشي يهون .

مروا : راح اشتاقلج وشبكتها.

نور : كافي ولج طفله وتبجين اني هم راح اشتاقلج اندعي كون تتحسن الاوضاع والا اذا سقطت بغداد الله يعلم جم سنه ياله ترجع.

مروا : لا شاء الله تتحسن الاوضاع ومتسقط بغداد .

نور : والله يختي اني مئيسه اووف .

مروا : يله الله كريم امشي خلي نمتحن .

نور : تمام يله طبعأ امتحنه وطلعت  سولفنه اني ومروا كلبته مناحه ماادري اسكت بيه لو اسكت روحي حرت شويه هديته وكتله اذا رحتي للبصره خابرين على رقم بيت عمي موبايلهم ونتفق نلتقي بمكان شنو رأيج.

مروا : صدك وعد نور والله اموت بدونج .

نور : وعد  اشو يوميه مو طايقتني وكله عرك وياي .

مروا : عابت الج هي شنو الصداقه بدون خبلات .

نور : هههه وانتي مخبله بكل الاحوال .

طلعنه من المدرسه مريت على زنوبه اخذت ودعت مروا ورحت الى البيت

ام نور : ها يمه اجيتنه يله فوتن ارتاح علمود نحظر اغراض الروحه للبصره ملابسج حتى كتبجن اخذنهن كلشي يصير تمام